انار بۇلت \ شينجياڭ گازەتىنىڭ ءتىلشىسى ۋاڭ نا

قازىر تەلەگراف، ينتەرنەت الدامكوستىگى تولاسسىز تۋىلىپ، جۇرتشىلىق ساقتانامىن دەسە دە ساقتانا الماي قالۋدا، الايدا كوپشىلىك قاشاندا قىراعىلىقتان جازباي، تاماشا تولەۋ ادەتىن قالىپتاستىرسا بولعانى، الدامكوستەردىڭ شىرعاسىنا تۇسپەۋىنە بولادى.

الدامكوستىككە قارسى تۇرىپ، الدانۋدان ساقتانۋدىڭ قانداي جاقسى ادىستەرى بار؟ 11 - ايدىڭ 22 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اۆتونوميالى رايوننىڭ تەلەگراف، ينتەرنەتتەگى زاڭعا قايشى جاڭاشا قىلمىستارعا سوققى بەرۋ، جونگە سالۋ جونىندەگى اقپار جاريالاۋ ماجىلىسىندە، اۆتونوميالى رايوندىق قوعام حاۋىپسىزدىگى مەڭگەرمەسى قىلمىستىق ىستەردى بارلاۋ - تەكسەرۋ باس اترەتى پارتكومىنىڭ شۋجيى، باس اترەت باستىعى زىڭ شيانجياڭ كوپشىلىككە ءادىس - امال ۇيرەتتى.

تەلەگراف الدامكوستىگى قىلمىسىندا جاڭا وزگەرىس، جاڭا ەرەكشەلىكتەر جارىققا شىقتى

زىڭ شيانجياڭ بىلاي دەپ تانىستىردى: سوڭعى جىلدارى، تەلەگراف، ينتەرنەت الدامكوستىگىنە سوققى بەرۋ، جونگە سالۋ قىزمەتىندە كورنەكتى ونىمدىلىككە قول جەتتى، الايدا قىلمىس وتكىزۋ جاعدايى ءالى دە قاتاڭ دا كۇردەلى، جاڭا وزگەرىس، جاڭا ەرەكشەلىكتەر جارىققا شىعۋدا.

الدامكوستىك ءتاسىلى تەز جاڭاردى، وزگەردى. قازىرگە دەيىن قوعام حاۋىپسىزدىگى ورگاندارى بايقاعان الدامكوستىك تۇرلەرى 50 تۇردەن استى، مۇنىڭ ىشىندە جالعان سەنىمدىلىك ينفورماتسيا ءتۇرى، جالعان تاپسىرىس ارقىلى پايدا قايتارۋ ءتۇرى، جالعان زات ساتىپ الۋعا قىزمەت وتەۋ ءتۇرى، قاريدارلارعا قىزمەت وتەۋ اتىن جامىلۋ ءتۇرى، قارىز اقشا بەرۋ ءتۇرى شينجياڭداعى 5 ءتۇرلى نەگىزگى الدامكوستىك تۇرلەرى بولىپ تابىلادى. الدامكوستەر توبى قوعامداعى قولامتالى تۇيىندەرگە تىعىز ىلەسىپ، الدامكوستىك ءتاسىلى مەن ءسوز سويلەۋ ونەرىن ءاردايىم وزگەرتىپ، جۇرتتى الجاستىرۋى كۇشتى بولعاندىقتان، بۇقارا وڭاي الدانىپ قالادى.

شابۋىلداۋ مەن قورعانۋدىڭ سايىسى ۇزدىكسىز كۇشەيدى، دەڭگەيى جوعارىلادى. الدامكوستەر توبى بلوك چەيىن، ۆيرتۋالدى اقشا، جاساندى زەردە، ۆيرتۋالدى ءنومىر تەرۋ جابدىعى، قاشىقتان مەڭگەرۋ، ەكراننان ورتاق يگىلىكتەنۋ سياقتى جاڭا تەحنيكا، جاڭا كاسىپ كۇيىنەن پايدالانىپ، قىلمىس وتكىزۋ قۇرالدارىن ۇزدىكسىز جاڭالاپ، دارەجەسىن جوعارىلاتىپ، قوعام حاۋىپسىزدىگى ورگاندارىمەن بايلانىس تورى جانە ەسەپ اۋدارۋ، اقشا جۋۋ سياقتى شابۋىلداۋ، قورعانۋ سايىسى ۇزدىكسىز كۇشەيدى، دەڭگەيى جوعارىلادى.

مەملەكەت اتتاعان ۇيىمدىق قىلمىس وتكىزۋ ەرەكشەلىگى كۇن سايىن كورنەكتىلەندى. الدامكوستەر توبىنىڭ ۇيىمى قاتاڭ، جۇمىس ءبولىسى ايقىن بولىپ، كوپ كاسىپ سالاسى تىرەك بولعان، كاسىپ سالالاندىرا ورنالاسقان، توپتاسا جۇمىس جاساعان، جۇمىس ءبولىسى اشالانعان، شەكارا اتتاۋ ۇلگىسىندەگى ورنالاستىرۋ سياقتى مەملەكەت اتتاعان ۇيىمدىق قىلمىس وتكىزۋ ەرەكشەلىگى جارىققا شىقتى. توپتىڭ اتاماندارى مەن تىرەكتىلەرى كوبىندە شەكارا سىرتىندا بوي تاسالاپ، جوعارى ەڭبەكاقىمەن قىزمەتكەر قابىلداۋ دەگەن جەلەۋمەن قوعامدىق تاجىريبەسى از اڭقاۋ جاستاردى شەكارا سىرتىنا بارىپ الدامكوستىك ارەكەتتەرىمەن شۇعىلدانۋعا الداپ شىرعالايدى. توپتىڭ اتامانى شەكارا سىرتىندا اڭگىمەلەسۋ جۇمساق بولشەگى ارقىلى شەكارا ىشىندەگى ادامداردىڭ الدامكوستىكپەن شۇعىلدانۋ APPىن جاساۋ، اشۋ الدامكوستىككە ساياتىن سايتتارعا ادام باۋراۋ، كەڭەيتۋ، جەكەلەردىڭ ينفورماتسياسىن زاڭسىز ساۋدالاۋ، ەسەپ اۋدارۋ، اقشا جۋۋ سياقتى زاڭعا قايشى ءتۇرلى قىلمىستارمەن شۇعىلدانۋىنا نۇسقاۋشىلىق ەتىپ، شەكارا ءىشى - سىرتىندا تىعىز ۇشتاستى.

ۇزدىكسىز جاڭالانعان الدامكوستىك ءتاسىلى الدىندا، زىڭ شيانجياڭ مىناداي 4 ءتۇرلى ەسكەرتۋدى ورتاعا قويدى: ءبىرىنشى، ”بەلگىسىز جالعانىمداردى اشىپ كورمەۋ، بەيتانىس تەلەفوندارعا جەڭىل - جەلپى سەنە سالماۋ، جەكە ينفورماتسيالاردى اشكەرەلەمەۋ، ەسەپ اۋدارۋدا، اقشا جولداۋدا كوبىرەك تەكسەرىپ انىقتاۋ“، ”مەملەكەتتىك الدامكوستىككە قارسى تۇرۋ ورتالىعى APPىن“ورناتىپ، ەڭ جاڭا الدامكوستىك ءتاسىلىن دەر كەزىندە ۇعىسىپ، يگەرىپ، الدامكوستىكتى پارىقتاۋ، الدانۋدان ساقتانۋ قابىلەتىن جوعارىلاتۋ كەرەك. ەكىنشى، ءوزىنىڭ بانكە كارتچكاسى، تەلەفون كارتچكاسى، ۋيشين، QQ جانە جىفۋباۋ سياقتى ءتۇرلى ەسەپ نومىرلەرىن ويداعىداي قورعاۋ، باسقالارعا جالعا بەرە تۇرماۋ، ساتپاۋ، قارىزعا بەرمەۋ، بەيتانىس ادامداردىڭ اقشا اۋدارۋىنا مۇلدەم كومەكتەسپەۋ كەرەك. ءۇشىنشى، قىزمەت ىزدەۋشىلەر قىراعىلىقتى ارتتىرىپ، زاڭدىق تانىمدى كۇشەيتۋ كەرەك، جوعارى ەڭبەكاقىمەن قىزمەتكەر قابىلداۋ سياقتى وتىرىكتەردىڭ ازعىرۋىنا استە تۇسپەۋ كەرەك، شەكارا سىرتىنا بارىپ تەلەگراف، ينتەرنەت الدامكوستىگى قىلمىستىق ارەكەتتەرىمەن شۇعىلدانۋعا استە بولمايدى. ءتورتىنشى، ينتەرنەتتە تىكە تاراتۋ قيمىلىن كورۋ بارىسىندا، ءسوز جوق، ساقتىق تانىمىن جوعارىلاتىپ، ءتۇرلى سىلتاۋلارمەن تالاپ ەتكەن اقشا جىبەرۋ، سيلىق بەرۋ تالابىنا جەڭىل - جەلپى سەنە سالماۋ، الدامكوستىك شىرعاسىنا تۇسۋدەن ساقتانۋ كەرەك.

تەلەفون كارتچكاسىن، بانكە كارتچكاسىن جاقسى قورعاۋ كەرەك

تۇرمىستا ۇنەمى كەزىگەتىن ”ەكى كارتچكا“ تەلەگراف، ينتەرنەت الدامكوستىگىنىڭ ماڭىزدى قۇرالىنا اينالدى، قايتكەندە ءوزىڭىزدىڭ ”ەكى كارتچكاڭىزدى“ ويداعىداي قورعاۋىڭىزعا بولادى؟

زىڭ شيانجياڭ تانىستىرىپ بىلاي دەدى: ”ەكى كارتچكا“ تەلەفون كارتچكاسى مەن بانكە كارتچكاسىن كورسەتەدى، بۇل بانكە كارتچكاسى جەكە بانكە كارتچكاسىن، جالپىلىق ەسەپ ءنومىرىن جانە ءۇشىنشى جاقتىڭ تولەۋ ەسەپ ءنومىرىن قامتيدى، تەلەفون كارتچكاسى 4 ءىرى تيجارات كاسىپورىننىڭ قول تەلەفون كارتچكاسىن، زات بىرلەسكەن توراپ كارتچكاسىن، ۆيرتۋالدى تيجارات كاسىپورىننىڭ قول تەلەفون كارتچكاسىن، تۇراقتى تەلەفوندى، لەزدىك اڭگىمەلەسۋ قۇرالىنىڭ ەسەپ ءنومىرىن قامتيدى.

”ەكى كارتچكاعا“ قاتىستى زاڭعا قايشى قىلمىستىق ارەكەتتەر نەگىزىنەن مىنالاردى قامتيدى: باسقالاردىڭ سالاۋاتىن زاڭسىز ساۋدالاۋ، جالعا بەرۋ، قارىزعا بەرۋ، باسقالاردىڭ اتىن جامىلۋ نەمەسە ۋاكىلەتتىك قاتىناسىن ويدان قۇراستىرىپ بانكە كارتچكاسىن (كاسىپورىننىڭ جالپىلىق ەسەپ ءنومىرىن جانە ونىڭ ورىندارىنىڭ ەسەپ جابۋ كارتچكاسىن، بانكەگە جاتپايتىن اقشا تولەۋ قۇرىلىمدارىنىڭ اقشا تولەۋ ەسەپ ءنومىرىن قامتيدى)، تەلەفون كارتچكاسىن (زات بىرلەسكەن توراپ كارتچكاسى، اعىن مولشەرى كارتچكاسىن قامتيدى)، تەلەگراف لەنياسىن، كەلتە حات تەرمينالى قاتارلىلاردى اشۋ. تەلەفون كارتچكاسىن توبىمەن قوسۋ جابدىعى، نەگىزگى تەلەفون ءنومىرىن وزگەرتۋ، ۆيرتۋالدى ءنومىر باسۋ، ينتەرنەت تەلەفونىن الەۋمەتتىك تەلەگراف تورابىنا بەلگىلەمەگە قايشى جالعاۋ سياقتى يقۋاتتارعا يە جابدىقتاردى، جۇمساق بولشەكتەردى زاڭسىز جاساۋ، ساۋدالاۋ، ونىمەن قامداۋ نەمەسە پايدالانۋ. ينتەرنەت ەسەپ ءنومىرىن تىركەۋگە الدىرۋ نەمەسە جالعا بەرۋ، قارىزعا بەرۋ نەمەسە باسقالاردىڭ ۆيرتۋالدى اقشا ساۋداسى سياقتى تاسىلدەر ارقىلى دەلوعا قاتىستى قارجىنى جوتكەۋىنە، جاسىرۋىنا كومەكتەسۋگە پايدالانۋ ءۇشىن جەكەلەردىڭ ينفورماتسياسىن زاڭسىز ساتۋ، ونىمەن قامداۋ.

زىڭ شيانجياڭ مىنالاردى ەسكەرتتى: ءوزىنىڭ ازاماتتىق كۋالىگى، قول تەلەفونى، بانكە كارتچكاسى، ينتەرنەت بانكەسى U قالقانى سياقتى ەسەپ ءنومىرى اقشا قويۋ - الۋ قۇرالدارىن جاقسى ساقتاۋ، بانكە ەسەپ ءنومىرى، ۋيشين، جىفۋباۋ، جىفۋكۋان ەكىلىك كودى سياقتى اقشا تولەۋگە قاتىستى قۇرالداردى جالعا بەرمەۋ، قارىزعا بەرمەۋ، ساتپاۋ كەرەك. كەرەكسىز، ىستەتىلمەيتىن بانكە كارتچكاسىن، تەلەفون كارتچكاسىن دەر كەزىندە ءوشىرۋ راسمياتىن ءبىتىرۋ ءارى كارتچكانى جويۋ، بەتالدى تاستاماۋ، جۇيەلى ارنادان ينتەرنەتتەگى بانكە، قول تەلەفون بانكەسىنىڭ كلەنت جۇمساق بولشەگىن ءتۇسىرىپ ورناتۋ، بانكە ەسەپ ءنومىرىن، تولەۋ ەسەپ ءنومىرىن جانە جەكە تەلەفون ءنومىرىن ساۋدالاۋ، جالعا بەرۋ، قارىزعا بەرۋ سياقتى زاڭسىز ارەكەتتەردى بايقاعان زامان، دەر كەزىندە اشكەرەلەۋ كەرەك.

الدامكوستىككە قارسى تۇرۋ ساقتىق دابىلىنا، اقىل - كەڭەس بەرىپ توقتاۋ سالۋعا نەمقۇرايدى قاراۋعا بولمايدى

بيىل 1 - ايدان 10 - ايعا دەيىن شينجياڭ قوعام حاۋىپسىزدىگى ورگاندارى جيىنى 463 مىڭ 200 شۇعىل، اسا قاتەرلى دارەجەدەگى زياندالۋ مۇمكىندىگى بار ادامدارعا كەزدەسىپ اقىل - كەڭەس بەرىپ توقتاۋ سالدى، 8 ميلليون 945 مىڭ 400 ورتا، تومەن قاتەر دارەجەسىندەگى ادامدارعا تەلەفون، كەلتە حات ارقىلى اقىل - كەڭەس بەرىپ توقتاۋ سالىپ، 15 مىڭ 892 دەلونىڭ تۋىلۋىنان ءساتتى ساقتانىپ، 423 ميلليون يۋان زياننىڭ تۋىلۋىنان ءونىمدى ساقتاندى.

زىڭ شيانجياڭ تانىستىرىپ بىلاي دەدى: الدامكوستىككە قارسى تۇرۋ بويىنشا ساقتاندىرۋ، اقىل - كەڭەس بەرىپ توقتاۋ سالۋدا الدامكوستەر زياندالۋ مۇمكىندىگى بار ادامداردى الداعان كەزدە، قوعام حاۋىپسىزدىگى ورگاندارى دەرەۋ بايقاپ، دەر كەزىندە ساقتاندىرىپ، دەر كەزىندە بايلانىس جاساپ، اقىل - كەڭەس بەرىپ توقتاۋ سالۋعا قۇلشىنۋمەن بىرگە حالىق ساقشىلارىن اسا قاتەرلى دارەجەدەگى زياندالۋ مۇمكىندىگى بار ادامدارعا بەتپە - بەت اقىل - كەڭەس بەرىپ توقتاۋ سالۋ قىزمەتىن ورىستەتۋگە جىبەرەدى.

ناقتى اقىل - كەڭەس بەرىپ توقتاۋ سالۋ بارىسى مىناداي بولادى: اۆتونوميالى رايوندىق الدامكوستىككە قارسى تۇرۋ ورتالىعى ارناۋلى ادام ورنالاستىرىپ، تەلەگراف الدامكوستىگىنە ساياتىن دەلولاردىڭ دەرەگىن رەتتەپ، زيانكەستىككە ۇشىراۋشىنى دەر كەزىندە بايقايدى ءارى ساقتاندىرۋ بۇيرىعىن تۇسىرەدى؛ ايماق، اۋدان ەكى دارەجەلى الدامكوستىككە قارسى تۇرۋ ورتالىعى بۇيرىقتى قابىلداپ، دەر كەزىندە جەرگىلىكتى ورىنداعى الدامكوستىككە قارسى تۇرۋ ورتالىعى مەن ساقشى بولىمشەسىندەگى حالىق ساقشىلارىن ۇيىنە بارىپ شۇعىل اقىل - كەڭەس بەرىپ توقتاۋ سالۋ قىزمەتىن ورىستەتۋگە ورنالاستىرادى؛ بەلگىلەنگەن شەكتى مەرزىم ىشىندە تەلەگراف الدامكوستىگىنە ۇشىراپ جاتقان بۇقارامەن بايلانىس جاساپ، زياندالۋشىعا قورعاۋ سيپاتتى اقشا تولەۋدى توقتاتۋ شاراسىن قولدانىپ، مال - مۇلىك زيانىنان ساقتايدى.

بيىل 10 - ايدا قارامايلى قالاسىنداعى ليۋ حانىم بەيتانىس تەلەفون قابىلدايدى، قارسى جاق ليۋ حانىمعا ”ۋيشيندا ميلليون يۋاندى قامتاماسىز ەتۋ“ كاسىبىنىڭ مەرزىمى تولايىن دەپ قالعاندىعىن، ەگەر ونى جاۋىپ توقتاتپاسا، ايىنا 2000 يۋان اقى تارتىپ قالاتىندىعىن، ونىڭ ۇستىنە جەكەلىك سەنىمدىلىك ينفورماتسياسىنا ىقپال جاسايتىندىعىن ايتادى. ليۋ حانىم قارسى جاقتىڭ تالابى بويىنشا قول تەلەفون قولدانىلمالى دۇكەنى ارقىلى بەلگىلى تۇردەگى ەكراننان ورتاق يگىلىكتەنۋ جۇمساق بولشەگىن ءتۇسىرىپ، قارسى جاقپەن ەكراننان ورتاق يگىلىكتەنەدى.

ليۋ حانىم الدامكوستىڭ نۇسقاۋى بويىنشا بانكە كارتچكاسىنداعى اقشانى بەلگىلەنگەن ەسەپ نومىرىنە اۋدارماقشى بولادى، ول ەندى قۇپيا ءنومىرىن كىرگىزبەكشى بولىپ جاتقاندا، قارامايلى قالالىق قوعام حاۋىپسىزدىگى مەكەمەسىنىڭ حالىق ساقشىسى دەر كەزىندە جەتىپ كەلىپ، وعان ”ۋيشيندا ميلليون يۋاندى قامتاماسىز ەتۋ“ سىندى الدامكوستىك ايلا - شارعىسى مەن ءتاسىلىن ءتۇسىندىرىپ، 153 مىڭ يۋان ەكونوميكالىق زياننىڭ الدىن الىپ قالادى.

زىڭ شيانجياڭ مىنالاردى ەسكەرتتى: الدامكوستىككە قارسى تۇرۋ تانىسقىسى بار ساقتىق تەلەفونىن قابىلداعاندا، 12381 كەلتە حاتىن تاپسىرىپ العاندا، ءسوز جوق، تەلەفوندى دەر كەزىندە قابىلداۋ جانە تەكسەرۋ كەرەك، سونداي - اق تەلەفوننىڭ مازمۇنىنا نەگىزدەلىپ، ءوزى تۇرعان ورىندى كورسەتىپ، ءوزىنىڭ الدامكوستىككە ساياتىن APPدى تۇسىرگەن - تۇسىرمەگەنىن، الدامكوستىككە ساياتىن سايتقا شىققان - شىقپاعانىن، ءتىپتى الدامكوستەرگە ەسەپ اۋدارعان - اۋدارماعانىن تەكسەرىپ، بارلىق ەسەپ اۋدارۋ ارەكەتىن دەرەۋ توقتاتىپ، ساقشى جاقتىڭ قىزمەتىنە بەلسەنە سايكەسىپ، قاتىستى دالەل - سىپات ماتەريالدارىن ساقتاپ، مال - مۇلىكتىڭ ءتىپتى دە زور زيانعا ۇشىراۋىنان ساقتانۋى كەرەك.