زاڭ جالپىلاستىرۋ قىزمەتكەرلەرى قالا تۇرعىندارىنا زاڭ جالپىلاستىرۋ ۇگىتىن جۇرگىزۋدە.

جاڭ جينفىڭ فوتوسى

ٴتىلشىمىز جاڭ جينفىڭ حابارلايدى. 12 - ايدىڭ 4 - كۇنى − 10 - رەتكى مەملەكەتتىك نەگىزگى زاڭ كۇنى، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، ۇگىتتەپ، نەگىزگى زاڭ رۋحىن بارىنشا ساۋلەلەندىرۋ ٴۇشىن، سول كۇنى وبلىستىق پارتكومنىڭ ۇگىت ٴبولىمى، وبلىستىق پارتكومنىڭ وبلىستى جاپپاي زاڭمەن باسقارۋ كوميتەتى كەڭسەسى، وبلىستىق ٴادىليا مەكەمەسى ۇيىمداستىرعان اۆتونوميالى وبلىستىڭ 2023 - جىلعى ”نەگىزگى زاڭ ۇگىت اپتالىعى“ قيمىلى قۇلجا قالاسىندا باستالدى.

وبلىستىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ياڭ شينپيڭ، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، باس حاتشى جاڭارسىن نۇراش ۇلى، وبلىستىڭ ورىنباسار باستىعى، وبلىستىق قوعام  حاۋىپسزدىگى مەكەمەسى پارتكومىنىڭ شۋجيى، مەكەمە باستىعى ما تاۋ ۇگىت قيمىلىنا قاتىناستى.

شينجياڭ يوۋحاۋ توبى تيانباي حالىقارالىق زات ساتىپ الۋ ورتالىعىنىڭ الاڭىندا، قۇلجا قالالىق حالىق الاڭىندا، حۋانچيۋگاڭ الاڭىندا رەتتى تىزىلگەن ۇستەلدەردىڭ ۇستىنە ۇگىت قاعازى، ۇگىت قولدانباسى سياقتى ۇگىت بۇيىمدارى قويىلدى. وبلىستىق ٴتارتىپ تەكسەرۋ كوميتەتى، باقىلاۋ - تەكسەرۋ كوميتەتى، وبلىستىق پارتكوم ۇيىمداستىرۋ ٴبولىمى، وبلىستىق پارتكوم ۇگىت ٴبولىمى، وبلىستىق پارتكوم ساياسي - زاڭ كوميتەتى (زاڭ عىلىمى قوعامى) وبلىستىق اۋىل شارۋاشىلىعى، اۋىل - قىستاق مەكەمەسى، وبلىستىق ەكولوگيالىق ورتا مەكەمەسى سياقتى زاڭ جالپىلاستىرۋ جاۋاپكەرشىلىك ٴتۇزىمى بويىنشا مۇشە ورىندار كورمە تاقتاسىن قويۋ، ۇگىت كەرمە تۋىن ٴىلۋ، كەڭەس بەرۋ تەكشەسىن قۇرۋ سياقتى تاسىلدەرمەن بۇقاراعا «جۇڭحۋا حالىق رەسپۋبليكاسىنىڭ نەگىزگى زاڭى»، «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»، «جۇڭحۋا حالىق رەسپۋبليكاسىنىڭ جول قاتىناس حاۋىپسىزدىگى زاڭى» سياقتى بۇقارامەن تىعىز قاتىستى زاڭ ـ ەرەجەلەردى تانىستىرىپ، ٴار ۇلت بۇقاراسىنا اقىل ـ كەڭەس بەرىپ، ٴتۇسىندىردى.

قالا تۇرعىنى جاڭ لي بىلاي دەدى: ”بۇل رەتكى ۇگىت قيمىلى وتە جاقسى بولعان، فورماسى الۋان ٴتۇرلى، زاڭ جالپىلاستىرۋشىلار سابىرلىلىقپەن ٴتۇسىندىردى، مەن كوپتەگەن زاڭ بىلىمدەرىن ۇيرەندىم، وتباسىمداعىلارعا جانە ماڭايىمداعى دوستارىما ۇگىتتەيمىن“.

بيىلعى مەملەكەتتىك ”نەگىزگى زاڭ ۇگىت اپتالىعى“ قيمىلىنىڭ ۋاقىتى 1 - جەلتوقساننان 7 - جەلتوقسانعا دەيىن، بۇل رەتكى قيمىلدىڭ نەگىزگى تاقىرىبى − ”نەگىزگى زاڭ رۋحىن بارىنشا ساۋلەلەندىرىپ، زاڭمەن باسقارىلاتىن سوتسياليستىك مادەنيەت ورناتۋ“. ٴتۇيىندى ۇگىت مازمۇنى مىنالار: شي جينپيڭ جاڭا ٴداۋىر جۇڭگوشا سوتسياليزم يدەياسى، اسىرەسە، شي جينپيڭنىڭ زاڭمەن باسقارۋ يدەياسى، شي جينپيڭ مادەنيەت يدەياسى، نەگىزگى زاڭ، سوتسياليستىك زاڭمەن باسقارۋ مادەنيەتى، پارتيا 18 ـ قۇرىلتايىنان بەرى مەملەكەتتى جاپپاي زاڭمەن باسقارۋدا قول جەتكىزىلگەن تابىستار.

”نەگىزگى زاڭ ۇگىت اپتالىعى“ كەزىندە وبلىسقا توتە قاراستى اۋداندار (قالالار)، تاراۋلار (ورىندار) ”ٴتورتتى نەگىزگى ساتىعا جەتكىزۋ“ قيمىلىمەن ۇشتاستىرىپ، زاڭ جالپىلاستىرۋ ۇگىتىن ۇيىمداستىرىپ، 2023 - جىلعى قىسقى زاڭمەن باسقارۋ مادەنيەتىنىڭ نەگىزگى ساتى ساپارى قيمىلىن جاپپاي باستايدى.

وبلىستىق ٴادىليا مەكەمەسى زاڭ جالپىلاستىرۋ جانە زاڭمەن باسقارۋ باسقارماسىنىڭ باستىعى جياڭ تيانشين بىلاي دەدى: ”نەگىزگى زاڭدى، زاڭداردى شوعىرلى ۇگىتتەۋ قيمىلىن ورىستەتۋ ٴار ۇلت بۇقاراسىنىڭ مەملەكەتتىڭ نەگىزگى زاڭ كۇنىن ەستە بەرىك ساقتاۋىنا مۇمكىندىك جاساۋ، سونىمەن بىرگە، كۇندەلىكتى تۇرمىستا زاڭعا قۇرمەت ەتۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ ٴۇشىن بولىپ وتىر. ٴبىز سوڭعى مەزگىلدە زاڭمەن باسقارۋدى ورگاندارعا، كاسىپورىندارعا، مەكتەپتەرگە، كورىنىس رايوندارىنا، نەگىزگى ساتىعا جەتكىزۋ سياقتى زاڭ جالپىلاستىرۋ قيمىلدارىن ۇزدىكسىز ورىستەتىپ، ٴار ۇلت بۇقاراسىنىڭ زاڭدىق تانىمىن جوعارىلاتىپ، وزدەرىنىڭ زاڭدى ۇقىق ـ مۇددەسىن زاڭ قارۋى ارقىلى قورعاۋ قابىلەتىن كۇشەيتۋىنە مۇمكىندىك جاسايمىز“.