ٴتىلشىمىز ياڭ جيڭ - ي حابارلايدى. 12- ايدىڭ 4 - كۇنى تاڭەرتەڭ قۇلجا قالالىق 24 - باستاۋىش مەكتەپتىڭ كوپ فۋنكتسيالى زالىندا 6 - جىلدىقتىڭ بارلىق وقىتۋشى - وقۋشىلارى نەگىزگى زاڭدى وقىپ جاتتى. 12 - ايدىڭ 4 - كۇنى − 10 - رەتكى مەملەكەتتىك نەگىزگى زاڭ كۇنى. قۇلجا قالاسىنىڭ وقۋ - اعارتۋ جۇيەسى ”نەگىزگى زاڭ رۋحىن بارىنشا ساۋلەلەندىرىپ، زاڭمەن باسقارىلاتىن سوتسياليستىك مادەنيەت ورناتۋدى“ نەگىزگى تاقىرىپ ەتكەن 2023 - جىلعى ”نەگىزگى زاڭ ۇگىت اپتالىعى“ جەلىلەس قيمىلىن بەلسەنە ورىستەتتى.

سول كۇنگى قيمىلدا وسى مەكتەپتىڭ وقۋشىلارى تىكە تاراتىلىمنان كورىپ وتىرىپ، نەگىزگى زاڭنىڭ ٴىشىنارا تارماقتارىن ىلەسە وقىدى، تاعى دا «ٴبىز نەگىزگى زاڭمەن بىرگە  ەسەيىپ - ەرجەتۋدەمىز» ٴانىن ورىنداپ، وقۋشىلاردىڭ 8 - كەزەكتى مەملەكەتتىك ”نەگىزگى زاڭدى ۇيرەنۋ، نەگىزگى زاڭدى دارىپتەۋ“ قيمىلىنىڭ مەملەكەتتىك شەشۋشى جارىسى لەكسيا باسەكەسىندەگى ۇزدىك شەبەرلەردىڭ لەكسياسىن تىڭداتىپ، وقۋشىلاردىڭ اناعۇرلىم كوپ نەگىزگى زاڭ بىلىمدەرىن تۇسىنۋىنە، زاڭدى ۇيرەنۋىنە، زاڭدى تۇسىنۋىنە، زاڭعا بويسۇنۋىنا مۇمكىندىك جاسادى.

قۇلجا قالالىق 24 ـ باستاۋىش مەكتەپتىڭ وقۋشىسى پىڭ حاييان بىلاي دەدى: ”بۇگىن تاڭەرتەڭگى وقۋ قيمىلى ارقىلى مەن نەگىزگى زاڭنىڭ بىزبەن بىرگە ەكەنىن، جاستار مەن ورەندەردىڭ ەسەيىپ ـ ەرجەتۋىنە كوڭىل بولىنەتىنىن تەرەڭ سەزىندىم“. وقۋشى ياڭ شۋانجۇن: ”مەن بۇدان كەيىن نەگىزگى زاڭدى ىشكەرىلەي ٴتۇسىنىپ، نەگىزگى زاڭدى ۇيرەنىپ، نەگىزگى زاڭعا قۇرمەت ەتىپ، نەگىزگى زاڭدى قورعايمىن“ دەدى.

وسى رەت قۇلجا قالاسىنىڭ وقۋ - اعارتۋ جۇيەسى ورىستەتكەن ”نەگىزگى زاڭ ۇگىت اپتالىعى“ جەلىلەس قيمىلىندا مەكتەپتەر ٴىس جۇزىندىك جاعدايمەن ۇشتاستىرىپ، ”بەس ٴبىر“ نەگىزگى زاڭ ۇگىت - لەكسيا قيمىلىن كەڭ كولەمدە ۇيىمداستىردى، ياعني ٴبىر رەتكى نەگىزگى زاڭدى تاقىرىپ ەتكەن كلاس جيىنى، ٴبىر رەتكى زاڭمەن باسقارۋ لەكسياسى، ٴبىر رەتكى ەلىكتەمەلى سوت قيمىلى، ٴبىر رەتكى مەكتەپ سىرتىنداعى زاڭمەن باسقارۋ امالياتتىق قيمىلى، ٴبىر رەتكى زاڭمەن باسقارۋ زەيىن سىناۋ جارىسى نەمەسە لەكسيا جارىسى سياقتىلار.