سۋرەتتە: قيمىل الاڭى.  ۋاڭ ليلي فوتوسى

ٴتىلشىمىز ۋاڭ ليلي حابارلايدى. تۇتىنۋ ورتاسىن ساپالىلاندىرىپ، تۇتىنۋدىڭ ومىرشەڭدىك كۇشىن تاسقىنداتتى. 3 - ايدىڭ 14 - كۇنى ىلە وبلىسىنىڭ ”15 - ناۋرىز“ بايلانىسىمەن ٴورت ٴسوندىرۋ، ورتتەن ساقتانۋ ونىمدەرى جاعىنداعى ۇقىق قورعاۋ قيمىلىنىڭ باستالۋ سالتى قۇلجا قالاسىنىڭ حۋانچيۋگاڭ ساۋدا سارايىندا وتكىزىلدى. 

وبلىستىق بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ەركىن احات ۇلى بىلاي دەدى: ”ىلە وبلىستىق بازاردى باقىلاۋ - باسقارۋ جۇيەسى قوعام حاۋىپسىزدىگى، ٴورت ٴسوندىرۋ، ورتتەن ساقتانۋ سياقتى تاراۋلارمەن سايكەسۋدى، سەلبەسۋدى كۇشەيتىپ، بىرىككەن كۇش قالىپتاستىرىپ، ٴورت ٴسوندىرۋ، ورتتەن ساقتانۋ ونىمدەرى بازارىنىڭ زاڭعا، بەلگىلەمەگە قايشى ارەكەتتەرىنە بىرگە سوققى بەرەدى“.

وبلىستىق ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ بولىمشە اترەتىنىڭ ورىنباسار باستىعى شۋە فىڭچياڭ بىلاي دەدى: ”ٴبىز ٴبىر توپ جالعان، جارامسىز ٴورت ٴسوندىرۋ، ورتتەن ساقتانۋ ونىمدەرىن شوعىرلى تەكسەرىپ ٴبىر جاقتى ەتىپ، كۋالىك العان كاسىپورىندارعا كۋالىك بەرىلگەننەن كەيىن باقىلاۋ جۇرگىزىپ، ٴورت ٴسوندىرۋ، ورتتەن ساقتانۋ ونىمدەرىنىڭ بازار ورتاسىن تۋ باستان تازارتتىق. تەكسەرۋ ناتيجەسىنەن پايدالانۋدى كۇشەيتىپ، جالعان ونىمدەردى جاساۋ دەرەكتەرىن دەركەزىندە بايقاپ، جالعان ونىمدەردى جاساۋدىڭ قاينارىن ىشكەرىلەي اشىپ، جالعان ونىمدەردى جاسايتىن اپاننان ٴبىر توبىن شوعىرلى  تالقانداپ، تولىمسىز ورتتەن ساقتانۋ ونىمدەرىن وندىرگەن، ساتقان ٴبىر توپ زاڭعا قايشى ارەكەتتەردى شوعىرلى جازالاپ، ٴىسى قىلمىسقا تولعاندارىنىڭ زاڭ بويىنشا قىلمىستىق ىستەر جاۋاپكەرشىلىگىن قۋزاستىردىق. ٴتۇرلى اقپارات قۇرالدارى تۇعىرلارىنان جانە ٴتۇرلى ۇگىت تاسىلدەرىنەن تولىق پايدالانىپ، ماڭىزدى تۇيىندەردى مىقتى يگەرىپ، ٴورت ٴسوندىرۋ، ورتتەن ساقتانۋ جونىندەگى عىلىم جالپىلاستىرۋ بىلىمدەرى ۇگىتىن ورىستەتتىك“.

باستالۋ سالتى اياقتاعاننان كەيىن ٴورت ٴسوندىرۋ ونىمدەرىنىڭ شىن - جالعانىن پارىقتاۋ، ٴورت ٴسوندىرۋ ساۋاتتارىن ۇگىتتەۋ، سونداي - اق سيلىقتى ٴبىلىم باسەكەسى قيمىلى ورىستەتىلدى.