ٴتىلشىمىز جاڭ جينفىڭ حابارلايدى. 4 - ايدىڭ 7 - كۇنى، 9 - رەتكى جالپى حالىقتىق مەملەكەت حاۋىپسىزدىگى تاربيەسى كۇنى قارساڭىندا ىلە وبلىسىنىڭ (قۇلجا قالاسى) جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىنىڭ ماڭدايشالىعىن اشۋ سالتى جانە ”15 - ٴساۋىر“ جالپى حالىقتىق مەملەكەت حاۋىپسىزدىگى تاربيەسى كۇنى ناق مايدان ۇگىت - تاربيە قيمىلى قۇلجا قالالىق حالىق باقشاسىندا وتكىزىلدى

قۇلجا قالالىق حالىق باقشاسى − اۆتونوميالى رايوننىڭ تۇڭعىش توپتاعى، ىلە وبلىسىنداعى العاشقى جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسى. ىلە وبلىستىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى ياڭ شينپيڭ، قۇلجا قالالىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى ليۋ حايبو نەگىزگى تاقىرىپتىق باقشانىڭ ماڭدايشالىعىن بىرگە اشتى.

بۇل نەگىزگى تاقىرىپتىق باقشانىڭ يەلەگەن جەر اۋماعى 257 مۋ، باقشادا قارت بايتەرەكتەر اسپانمەن تالاسىپ، گۇل ـ شوپتەر جاپ - جاسىل بولىپ جايقالىپ تۇر، ٴار كۇنى باقشاعا كىرگەن ادام سانى 10 مىڭ ادام ـ رەتكە تايايدى. باقشانىڭ كەز كەلگەن جەرىنەن مەملەكەت حاۋىپسىزدىگى تاربيەسىنىڭ كورمە تاقتاسىن، كەرمە تۋىن كورۋگە بولادى. ىلە وبلىسى مەملەكەت حاۋىپسىزدىگى تاربيەسىن باقشا قۇرىلىسىمەن توعىستىرىپ، جاسىلداندىرىلعان كورىنىس، سەيىل ـ سەرۋەن ٴدالىزى، مادەنيەت الاڭى سياقتى بىرگە قۇرۋ بايلىعىنا سۇيەنىپ، سۋرەت پەن جازۋدى قاتار قولدانۋ فورماسىمەن جالپى تۇلعالىق مەملەكەت حاۋىپسىزدىگى كوزقاراسى مازمۇنىن ايگىلەپ، ٴار ۇلت بۇقاراسىنىڭ قىزۋ قارسى الۋىنا بولەندى.

قيمىل بارىسىندا سيلىقتى جاۋاپ بەرۋ، سۋرەتكە ٴتۇسىپ ساياحاتتاۋ سياقتى بۋىندار ٴار ۇلت بۇقاراسىن اتسالىسۋعا باۋرادى. قالا تۇرعىنى سۇن ليانيۇي بىلاي دەدى: ”سۇراۋعا جاۋاپ بەرۋ، سۋرەتكە ٴتۇسىپ ساياحاتتاۋ ارقىلى مەن مەملەكەت حاۋىپسىزدىگىن قورعاۋدا بارلىق ادامنىڭ جاۋاپكەرشىلىگى بار ەكەنىن ٴتۇسىندىم. مۇنداي الۋان فورمالى ۇگىتتى ايرىقشا ۇناتامىن“.

قيمىل الاڭىندا حاتكەرلىك، سۋرەت كورمەسى وتكىزىلىپ، مەملەكەت حاۋىپسىزدىگى كوزقاراسى مازمۇنىنا قاتىستى حۇسنيحات، سۋرەت تۋىندىلارى جۇرەككە تەرەڭ ۇيالاعان ”ۇلكەن حاۋىپسىزدىك“ كوزقاراسىن ٴتۇسىندىرىپ، قالا تۇرعىندارىن باۋرادى.

ياڭ شينپيڭ بىلاي دەدى: ىلە وبلىسىنىڭ تۇڭعىش جالپى تۇلعالىق مەملەكەت حاۋىپسىزدىگى كوزقاراسى نەگىزگى تاقىرىپتىق باقشاسىنىڭ ماڭدايشالىق اشۋى جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرۋ، تياناقتاندىرۋ امالياتتىق تاربيەسىن بۇقاراعا جەتكىزۋدىڭ، بۇقارامەن توعىستىرۋدىڭ ناقتى بەينەسى. قۇلجا قالاسىنىڭ وسىنى وراي ەتىپ، ناقتى، جاندى، ٴونىمدى بولۋ جاعىنا ۇزدىكسىز كۇش سالىپ، جالپى تۇلعالىق مەملەكەت حاۋىپسىزدىگى كوزقاراسىن امالياتتىق تاربيە بارىسىندا وي ساناعا ٴسىڭىرىپ، كوكەيگە ۇيالاتىپ، ارەكەتتە ايگىلەپ، ونىمدىلىك كورسەتۋدى ىلگەرىلەتۋىن ٴۇمىت ەتەمىن.

سوڭعى جىلداردان بەرى ىلە وبلىسى، اۋدان - قالالار، ٴار دارەجەلى تاراۋلار، ورىندار جالپى تۇلعالىق مەملەكەت حاۋىپسىزدىگى كوزقاراسىن امالياتتا ايگىلەۋدى تىعىز ارقاۋ ەتىپ، جالپى حالىقتىق مەملەكەت حاۋىپسىزدىگى تاربيەسى كۇنىن دانەكەر ەتىپ، قازىرگى وقۋ ـ اعارتۋ بايلىعىنا سۇيەنىپ، ٴبىر توپ امالياتتىق تاربيە بازاسىن بەلسەنە قۇردى جانە قالىپتاستىردى. قيمىل الاڭىندا ىلە وبلىسىنىڭ 7 جالپى تۇلعالىق مەملەكەت حاۋىپسىزدىگى امالياتتىق تاربيەسى بازاسىنا اتاق بەرىلدى.