ٴتىلشىمىز جاڭ جينفىڭ حابارلايدى. 4 - ايدىڭ 8 - كۇنى ىلە وبلىسىنىڭ ”اۆتونوميالى رايوننىڭ 21 - رەتكى نەگىزگى زاڭ مەن زاڭداردى ۇگىتتەۋ ايىنىڭ“ باستالۋ سالتى جانە وبلىستىق حالىق ۇكىمەتىنىڭ زاڭ شىعارۋعا اقىل - كەڭەس بەرەتىن مامانداردى ۇسىنىس ەتۋ سالتى ىلە وبلىستىق ٴادىليا مەكەمەسىندە وتكىزىلدى.

ىلە وبلىسىنىڭ ورىنباسار باستىعى، وبلىستىق قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى ما تاۋ باستالۋ سالتىنا قاتىناستى.

باستالۋ سالتىندا ىلە وبلىستىق حالىق ۇكىمەتىنىڭ زاڭ شىعارۋعا اقىل - كەڭەس بەرەتىن ماماندار قامباسىنداعىلاردىڭ ەسىمدىگى، ىلە وبلىستىق زاڭ جالپىلاستىرۋ ەرىكتىلەرىنىڭ ەسىمدىگى وقىلدى، سول جەردىڭ وزىندە ۋاكىلدەرگە ۇسىنىس كۋالىگى تاراتىلدى. ”زاڭمەن باسقارۋدى ورگاندارعا جەتكىزۋ“ ارناۋلى تاقىرىپتىق زاڭمەن باسقارۋ لەكسياسى وتكىزىلدى، ىلە شىفان داشۋەسى زاڭ شۋەيۋانىنىڭ پروفەسسورى ليۋ جۇنمەي جاڭادان شىعارىلعان وتانشىلدىق تاربيە زاڭى جونىندە ساباق سويلەدى.

شينجياڭ بويۋان ادۆوكاتتار باسقارماسىنىڭ ورىنباسار مەڭگەرۋشىسى جاڭ جيڭ بىلاي دەدى: ”بۇدان كەيىن مەن الەۋمەتتىك اۋماقتارعا، مەكتەپتەرگە، كاسىپورىندارعا بارىپ زاڭ بىلىمدەرى كۋرسىن جانە لەكسياسىن ورىستەتىپ، قىسقا كەسكىن، تىكە تاراتۋ سياقتى فورمالار ارقىلى زاڭ بىلىمدەرىن ۇگىتتەپ، ازاماتتاردىڭ زاڭ تانىمىن جوعارىلاتۋعا ۇلەس قوسامىن“. 

باستالۋ سالتىندا مىنالار تالاپ ەتىلدى: ساياسي دەڭگەيدى جوعارىلاتىپ، زاڭمەن باسقارۋ ۇگىت ـ تاربيەسىن ويداعىداي ىستەۋدەگى جاۋاپكەرشىلىك سەزىمدى كۇشەيتۋ كەرەك. جالپى حالىقتىق زاڭ جالپىلاستىرۋ سەرپىنىن ارتتىرىپ، نەگىزگى زاڭدى ۇيرەنۋ، ۇگىتتەۋ تاربيەسىن كۇشەيتىپ، ٴار دارەجەلى باسشى كادرلار زاڭعا قۇرمەت ەتۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولۋى كەرەك. ٴتۇيىندى كورنەكتىلەندىرۋدە تاباندى بولىپ، نەگىزگى زاڭ مەن زاڭداردى ۇگىتتەۋ ايى قيمىلىن تىڭعىلىقتى ورىستەتۋ كەرەك. فورمادا جاڭالىق اشۋدا تاباندى بولىپ، نەگىزگى زاڭ مەن زاڭداردى ۇگىتتەۋ ايىنىڭ قويۋ ۇگىت اۋانىن قالىپتاستىرۋ كەرەك. زاڭ جالپىلاستىرۋ جاۋاپكەرشىلىگىن اتقارىپ، زاڭ جالپىلاستىرۋ فورماسىندا جاڭالىق اشىپ، زاڭمەن باسقارۋعا قاتىستى مادەنيەت قيمىلدارىن ىشكەرىلەي ورىستەتىپ، تۇتاس قوعامدى زاڭدى ۇيرەنەتىن، زاڭعا بويسۇناتىن، ۇقىق - مۇددەنى زاڭ ارقىلى قورعايتىن تاماشا اۋقىم قالىپتاستىرۋعا باستاۋ كەرەك. بەلسەنە سىندارلى اقىل - كەڭەس بەرىپ، زاڭ شىعارۋعا اقىل - كەڭەس بەرۋ جانە زاڭ جالپىلاستىرۋ ۇگىتىنىڭ رولىن ويداعىداي ساۋلەلەندىرۋ كەرەك. زاڭ جالپىلاستىرۋدى زاڭ شىعارۋ امالياتىمەن ۇشتاستىرىپ، ىلە وبلىستىق ۇكىمەتتىڭ زاڭ شىعارۋ جانە زاڭمەن باسقارۋ قۇرىلىسىنىڭ دەڭگەيىن ۇزدىكسىز جوعارىلاتۋعا اقىل ـ پاراسات جانە كۇش ـ قۋات قوسۋ كەرەك.

ىلە وبلىستىق حالىق ۇكىمەتىنىڭ زاڭ شىعارۋعا كەڭەس بەرۋشى ماماندار ۋاكىلدەرى، زاڭ جالپىلاستىرۋ ەرىكتىلەرىنىڭ ۋاكىلدەرى، سونداي - اق ىلە وبلىستىق زاڭ جالپىلاستىرۋ جاۋاپكەرشىلىك تۇزىمىندەگى مۇشە ورىنداردىڭ قاتىستى باسشىلارى مەن كاسىپتىك تىرەكتىلەرى باستالۋ سالتىنا قاتىناستى.

وبلىستىق ٴادىليا مەكەمەسى زاڭ جالپىلاستىرۋ جانە زاڭمەن باسقارۋ باسقارماسىنىڭ باستىعى جياڭ تيانشين بىلاي دەدى: ”بۇدان بىلاي  ٴبىز شوعىرلى ۇگىتتەۋ مەن بىتىراندى قيمىلداردى ۇشتاستىرۋ تاسىلىنە تاباندى بولىپ، قوعامداعى بۇقاراعا زاڭمەن باسقارۋ ۇگىتى، زاڭنان كەڭەس بەرۋدەن قىزمەت وتەۋ، زاڭمەن باسقارۋعا قاتىستى ادەبيەت - كوركەمونەر كونسەرتىن جانە زاڭدىق قىزمەت وتەۋ قيمىلدارىن ورىستەتىپ، نەگىزگى ساتىدا ’زاڭ تيانشاندى نۇرلاندىردى . مەملەكەت تۋى استىندا زاڭ جالپىلاستىرۋ‘ ۇگىتىن ورىستەتىپ، زاڭمەن باسقارۋدىڭ ورگاندارعا، نەگىزگى ساتىعا، الەۋمەتتىك اۋماقتارعا، كاسىپورىندارعا، ينتەرنەتكە، مەكتەپتەرگە، كورىنىس رايوندارىنا جەتكىزىلۋىن ىلگەرىلەتىپ، زاڭمەن باسقارۋ ۇستانىمىن ۇگىتتەپ، زاڭ بىلىمدەرىن جالپىلاستىرىپ، زاڭمەن باسقارۋعا قاتىستى مادەنيەتتى گۇلدەندىرىپ، تۇتاس قوعامدا زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن زاڭمەن باسقارۋ اۋانىن قالىپتاستىرامىز“.