انار بۇلت \ شينجياڭ گازەتىنىڭ ٴتىلشىسى شيە حۇيبيان 9 ـ ايدىڭ 11 ـ كۇنى ۇرىمجىدەن حابارلايدى. شينجياڭ عىلىم ـ تەحنيكا قوعامىنان ۇعىسۋىمىزشا، 2024 ـ جىلعى مەملەكەتتىك عىلىم جالپىلاستىرۋ كۇنى شينجياڭ جەلىلەس قيمىلى 9 ـ ايدا شوعىرلى ورىستەتىلەدى، وسى كەزدە مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭ قيمىلى، عىلىم جالپىلاستىرۋ كورمەسى، كورسەتىلىمى، عىلىم جالپىلاستىرۋ نەگىزگى تاقىرىپتىق بايانداماسى، جۇڭچيۋ نەگىزگى تاقىرىبىنداعى عىلىم جالپىلاستىرۋ قيمىلى، عىلىم ـ تەحنيكا ەرىكتى قىزمەت وتەۋ قيمىلى سياقتىلار وتكىزىلەدى.

بيىلعى مەملەكەتتىك عىلىم جالپىلاستىرۋ كۇنى قيمىلىنىڭ نەگىزگى تاقىرىبى ”جالپى حالىقتىڭ عىلىم ساپاسىن جوعارىلاتىپ، عىلىم ـ تەحنيكادا قۋاتتى ەل قۇرۋعا كۇش قوسۋ“. قيمىل كەزىندە، اۆتونوميالى رايوندىق عىلىم ـ تەحنيكا قوعامى تۇتاس قوعامنىڭ ٴارقايسى جاقتارىنداعى كۇشتەردى جانە عىلىم ـ تەحنيكا قىزمەتكەرلەرىن كەڭ كولەمدە اتتانىسقا كەلتىرىپ، 2024 ـ جىلعى مەملەكەتتىك عىلىم جالپىلاستىرۋ كۇنى قيمىلىنىڭ نەگىزگى تاقىرىبى مەن مازمۇنىن ارقاۋ ەتە وتىرىپ، ينتەرنەت جەلىسىندە جانە جەلىدەن تىس تاسىلدەن ويداعىداي پايدالانىپ، ”3+8+N+1“ شينجياڭ جەلىلەس قيمىلىن، ياعني 3 ٴتۇرلى ٴتۇيىندى قيمىل، 8 جەلىلەس بىرلەسكەن ارەكەت، بىرنەشە ەرەكشەلىككە يە ارەكەت جانە جەلىلەس نەگىزگى الاڭ قيمىلىن ورىستەتىپ، عىلىم جالپىلاستىرۋدى ورگانعا ەنگىزۋدى، كاسىپورىنعا ەنگىزۋدى، اۋىل ـ قىستاققا ەنگىزۋدى، الەۋمەتتىك اۋماققا ەنگىزۋدى، مەكتەپكە ەنگىزۋدى ىلگەرىلەتىپ، نەگىزگى ساتىداعى بۇقاراعا ساپالى، كوپ ارنالى، ۇناتاتىن عىلىم جالپىلاستىرۋ سەزىنۋىن ازىرلەيدى.

اۆتونوميالى رايوندىق عىلىم ـ تەحنيكا قوعامىنىڭ ورىنباسار ٴتوراعاسى لي ميڭ بىلاي دەپ تانىستىردى: قازىرگە دەيىن تۇتاس رايونداعى ٴارقايسى ورىندار 700 مايداننان (رەت) استام ٴتۇرلى عىلىم جالپىلاستىرۋ قيمىلدارىن جوسپارلاپ ورىستەتتى. مەملەكەتتىك عىلىم جالپىلاستىرۋ كۇنىندەگى ٴتۇيىندى قيمىلدار 9 ـ ايدىڭ 15 ـ كۇنىنەن 25 ـ كۇنىنە دەيىن شوعىرلى ورىستەتىلەدى، نەگىزگى تاقىرىپتىق ۇگىت قيمىلى تۇتاس جىلعا ساباقتاسادى. شينجياڭداعى كولەمى ەڭ ۇلكەن عىلىم جالپىلاستىرۋ سارايى __ شينجياڭ عىلىم ـ تەحنيكا سارايىندا 2024 ـ جىلعى مەملەكەتتىك عىلىم جالپىلاستىرۋ كۇنى شينجياڭ نەگىزگى الاڭ قيمىلى جانە عىلىم جالپىلاستىرۋ كورمەسى، كورسەتىلىمى وتكىزىلۋدەن تىس، تاعى جۇڭچيۋ مەرەكەسىمەن بىرلەستىرىلىپ، جاستار مەن ورەندەرگە ٴبىر رەت عىلىم ساباعىن ۇيرەنۋ، ٴبىر عىلىم جالپىلاستىرۋ فيلمىن كورۋ، ٴبىر رەت بايىرعى مۋزيكا ساۋىعىن تىڭداۋ، ۇشۋ اپپاراتىن ٴوز قولىمەن جۇرگىزۋ ارقىلى عىلىم جالپىلاستىرۋدىڭ قويۋ رايىندا، جۇڭحۋانىڭ تاڭداۋلى ٴداستۇرلى مادەنيەتىنە تۇسىنىگىن اناعۇرلىم تەرەڭدەتۋ ماقساتىندا ٴۇرتىس 10 كۇن ”عىلىم ـ تەحنيكا سىرىن بارلاپ، تولعان ايدى بىرگە تاماشالاۋ“ نەگىزگى تاقىرىپتىق عىلىم جالپىلاستىرۋ قيمىلى وتكىزىلەدى.

جۋىق جىلداردان بەرى اۆتونوميالى رايوندىق عىلىم ـ تەحنيكا قوعامى عىلىم جالپىلاستىرۋ قىزمەتىنىڭ نەگىزگى قوعامدىق كۇشى بولۋ رولىن تولىق ساۋلەلەندىرىپ، اۆتونوميالى رايونداعى قاتىستى ورىندارمەن بىرلەسىپ، مەملەكەتتىك عىلىم جالپىلاستىرۋ كۇنى شينجياڭ جەلىلەس قيمىلىن بىرگە وتكىزىپ، قوعامنىڭ ٴارقايسى جاقتارىنداعى كۇشتەردى جانە عىلىم ـ تەحنيكا قىزمەتكەرلەرىن كەڭ كولەمدە اتتانىسقا كەلتىرىپ، قوعامداعى بۇقاراعا قاراتا الۋان فورماداعى، باي مازمۇندى عىلىم جالپىلاستىرۋ ۇگىت قيمىلىن ورىستەتىپ، شينجياڭ ازاماتتارىنىڭ عىلىم ساپاسىن جوعارىلاتۋدى ٴونىمدى ىلگەرىلەتتى.