انار بۇلت \ شينجياڭ گازەتىنىڭ ٴتىلشىسى جاڭ لەي 1 ـ ايدىڭ 3 ـ كۇنى ۇرىمجىدەن حابارلايدى. 1 ـ ايدىڭ 1 ـ كۇنىنەن باستاپ «شينجياڭ ۇيعۇر اۆتونوميالى رايونىنىڭ ەسىرتكىگە تيىم سالۋ ەرەجەسى» (تومەندە قىسقارتىلىپ «ەرەجە» دەلىنەدى) رەسمي اتقارىلدى. بۇل «ەرەجە» 2024 ـ جىلى 9 ـ ايدىڭ 27 ـ كۇنى اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 14 ـ ماجىلىسىندە قاراپ ماقۇلدانىپ، زاڭ ەرەجە شىعارۋ فورماسى ارقىلى اۆتونوميالى رايوننىڭ جاڭا جاعدايدا ەسىرتكىگە تيىم سالۋ قىزمەتىن اناعۇرلىم ويداعىداي ورىستەتىپ، ەسىرتكىگە قاتىستى زاڭعا قايشى قىلمىستىق ارەكەتتەردەن ٴونىمدى ساقتانىپ جانە ونى جازالاپ، ازاماتتاردىڭ ٴتان ساۋلىعى مەن جان ساۋلىعىن قورعاپ، قوعامنىڭ جاراسىمدىلىعى مەن ورنىقتىلىعىن قورعاۋىنا مۇمكىندىك جاسالدى.

جالپى 8 تاراۋ، 56 تارماقتان قۇرالعان «ەرەجە» بۇكىل رايونىمىزدىڭ ەسىرتكىگە تيىم سالۋ قىزمەتىن جاپپاي ارناعا تۇسىرەدى.

ەسىرتكىگە تيىم سالۋ قىزمەتى ٴبىر ٴتۇرلى جۇيەلى ينجەنەريا، ەكونوميكالىق، قوعامدىق تۇرمىستىڭ ٴار سالاسى مەن كوپتەگەن باسقارۋ تاراۋلارىنا سايادى، سوندىقتان «ەرەجەدە» ەسىرتكىگە تيىم سالۋ قىزمەتىندە الدىن الۋدى نەگىز ەتۋ، جالپىلىق باسقارۋ، ەگۋگە تيىم سالۋ، جاساۋعا تيىم سالۋ، ساۋدالاۋعا تيىم سالۋ، شەگۋگە تيىم سالۋدى قاتار جۇرگىزۋ باعىتىنا تاباندى بولىپ، پارتكوم باسشىلىق ەتەتىن، ۇكىمەت جاۋاپتى بولاتىن، قاتىستى تاراۋلار ٴوز جاۋاپكەرشىلىگىن ارقالايتىن جانە قوعام جاپپاي ات سالىساتىن قىزمەت مەحانيزمىن اتقارۋ ايقىندالدى. «ەرەجەدە» تاعى ەسىرتكىگە تيىم سالۋ كوميتەتىنە مۇشە ورىنداردىڭ ەسىرتكىگە تيىم سالۋ قىزمەتىندەگى مىندەتى جونىندە ناقتى بەلگىلەمەلەر جاسالدى.

ەسىرتكىگە تيىم سالۋ ۇگىت ـ تاربيەسىن كەڭ كولەمدە ورىستەتىپ، تۇتاس قوعامنىڭ ەسىرتكىگە تيىم سالۋ تانىمىن كۇشەيتۋ ەسىرتكىگە تيىم سالۋ قىزمەتىنىڭ توتەنشە ماڭىزدى الدىن الۋ شاراسى. «ەرەجەدە» ٴار جىلعى 6 ـ اي اۆتونوميالى رايوننىڭ جالپى حالىقتىق ەسىرتكىگە تيىم سالۋ ۇگىت ايى دەپ بەلگىلەندى.

«ەرەجەدە» ەسىرتكىدەن ايىقتىرۋدى باسقارۋعا جانە وعان قىزمەت وتەۋگە قاتىستى شارالار اشالانىپ، ەسىرتكىدەن ايىعۋشىلاردىڭ ۇقىعى قامتاماسىز ەتىلىپ، ادامدى نەگىز ەتۋ ۇستانىمى تولىق ايگىلەندى. مۇنان سىرت، «ەرەجەدە» تاعى اۆتونوميالى رايوننىڭ وڭىرلىك جاعدايىنىڭ ەرەكشەلىگىنە ۇشتاستىرا وتىرىپ، ەسىرتكىگە تيىم سالۋ جونىندەگى حالىقارالىق سەلبەستىكتى زاڭ بويىنشا ورىستەتۋ جاعىندا تۇزىمدىك ورنالاستىرۋ جاسالدى.

«ەرەجەنى» ۇيرەنۋدى، ۇگىتتەۋدى جانە دايەكتىلەندىرۋدى، تياناقتاندىرۋدى مۇقيات ويداعىداي ىستەۋ ٴۇشىن، كەزەكتە بۇكىل شينجياڭدا جەر ـ جەر، ورىندار ەسىرتكىگە تيىم سالۋ قىزمەتىنىڭ مىندەت جاۋاپكەرشىلىگىن ىشكەرىلەي تياناقتاندىرىپ، اۋىل ـ قىستاق، الەۋمەتتىك اۋماق، زاۆود ـ كەن، كاسىپورىن، پويەز ۆوگزالى، شەكارا وتكەلى، بازار، ٴدارى دۇكەنى سياقتى ورىنداردا زاڭ جالپىلاستىرۋ بىلىمدەرى قولدانباسىن تاراتۋدى، ۇگىت جارناماسىن جاپسىرۋدى، كەرمە تۋ اسۋدى، ۇگىت قىسقا بەينەجازباسىن تاراتۋدى ۇيىمداستىرۋ سياقتى فورمالار ارقىلى ەسىرتكىگە تيىم سالۋ جونىندەگى زاڭ جالپىلاستىرۋ ۇگىتىن شوعىرلى ورىستەتىپ، تۇتاس قوعامدا زاڭدى قۇرمەتتەيتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن قويۋ راي قالىپتاستىردى.