2025 ـ جىلعى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتى ٴماجىلىسى اشىلدى

جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە زاڭمەن باسقارۋ نەگىزىن بەكەمدەۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ لەي 2 ـ ايدىڭ 18 ـ كۇنى ۇرىمجىدەن حابارلايدى. 2 ـ ايدىڭ 18 ـ كۇنى 2025 ـ جىلعى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتى ٴماجىلىسى اشىلدى، ٴماجىلىس 2024 ـ جىلعى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتىن قورىتىندىلاپ، 2025 ـ جىلعى زاڭ ەرەجە شىعارۋ مىندەتتەرى جونىندە ورنالاستىرۋ جاساپ، جاڭا داۋىردەگى جەرگىلىكتى زاڭ ەرەجە شىعارۋ قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا زاڭمەن باسقارۋ كۇش ـ قۋاتىن ارنادى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.

ٴماجىلىس مىنالاردى اتاپ كورسەتتى: وتكەن ٴبىر جىلدا اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق حالىق قۇرىلتايى تۇراقتى كوميتەتى پارتكوم باسشىلىق ەتەتىن، حالىق قۇرىلتايى باستاماشى بولاتىن، ۇكىمەت سۇيەنىش بولاتىن، ٴار جاق ات سالىساتىن زاڭ ەرەجە شىعارۋ قىزمەتى ارناسىنا تاباندى بولىپ جانە ونى كەمەلدەندىرىپ، شينجياڭ قىزمەتى كەلەلى جاعدايىنا قىزمەت وتەۋگە، حالىقتىڭ ارمان ـ تىلەگىن جەتكىزۋگە، جەرگىلىكتى ورىننىڭ ەرەكشەلىگىن ايگىلەۋگە تاباندى بولىپ، كەلەلى مىندەتتى ٴجىتى قاداعالاپ، زاڭ ەرەجە شىعارۋدى، وزگەرىس ەنگىزۋدى، كۇشىنەن قالدىرۋدى، ٴتۇسىندىرۋدى ٴبىر تۇتاس جوسپارلاپ، ارحيۆكە الدىرۋ، تەكسەرۋ جانە زاڭ ەرەجەلەردى بەكىتۋگە جولداۋ قىزمەتىن كۇشەيتىپ، زاڭ ەرەجە شىعارۋ قىزمەتىندە جاڭا تابىستارعا قول جەتكىزىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋگە پارمەندى زاڭمەن باسقارۋ تىرەگىن ازىرلەدى.

ٴماجىلىس مىنالاردى باسا دارىپتەدى: دەڭگەيدى ونان ارى جوعارىلاتىپ، جالپى جاعدايدى يگەرىپ، ورىندى ٴداپ باسىپ تاۋىپ، عىلمي ٴبىر تۇتاس جوسپارلاپ، جەتەكشىلىك سيپاتتى، باستاماشىلدىق سيپاتتى، ٴبىر توپ قامتاماسىزدىق سيپاتتى زاڭ ەرەجەنى اقىلداسىپ شىعارۋ كەرەك. رەفورما شەشىمدەرى مەن زاڭ ەرەجە شىعارۋ شەشىمدەرىنىڭ بىرلىگىنە، تۇيىلىسۋىنە تاباندى بولىپ، زاڭ ەرەجە شىعارۋدىڭ رەفورما قاجەتىنە اناعۇرلىم ويداعىداي ۇيلەسۋىنە مۇمكىندىك جاساۋ كەرەك. زاڭ ەرەجە شىعارۋدىڭ زاڭمەن باسقارۋ قۇرىلىسىنداعى ماڭىزدى ورنىن اناعۇرلىم سەرگەكتىكپەن تانىپ، نازاردى شينجياڭدى زاڭمەن باسقارۋ ٴتۇيىندى مىندەتتەرىنە شوعىرلاندىرىپ، زاڭ ەرەجە شىعارۋدى الدىمەن جۇرگىزۋگە تاباندى بولىپ، زاڭ ەرەجە شىعارۋداعى ولقىلىقتاردى كۇش سالا تولىقتاپ، زاڭ ەرەجە شىعارۋ ساپاسىن جوعارىلاتىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋ رولىن اناعۇرلىم ويداعىداي ساۋلەلەندىرۋ كەرەك.

ٴماجىلىس مىنالاردى باسا دارىپتەدى: پارتيانىڭ زاڭ شىعارۋ قىزمەتىنە باسشىلىعىنا تاباندى بولىپ، ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، زاڭ شىعارۋ سالاسىنداعى رەفورمانى تەرەڭدەتۋ تالابىن تياناقتاندىرىپ، نۇسقاۋ سۇراۋ، مالىمەت بەرۋ ٴتۇزىمىن قاتاڭ اتقارىپ، زاڭ ەرەجە شىعارۋ قىزمەتىنىڭ دۇرىس ساياسي بەتالىسىنا شىنايى كەپىلدىك ەتۋ كەرەك. حالىق قۇرىلتايىنىڭ زاڭ ەرەجە شىعارۋ قىزمەتىندەگى جەتەكشىلىك ورنىن تولىق ساۋلەلەندىرىپ، ٴبىر تۇتاس جوسپارلاپ سايكەستىرۋ رولىن ويداعىداي ساۋلەلەندىرىپ، ٴار جاقتاعى زاڭ ەرەجە شىعارۋ بايلىعىن مۇمكىندىكتىڭ بارىنشا جۇمىلدىرىپ، زاڭ ەرەجە شىعارۋدىڭ ناقتى ونىمدىلىگىن ۇزدىكسىز جوعارىلاتۋ كەرەك. حالىق تىلەگىن قابىلداۋ، حالىقتىڭ اقىل ـ پاراساتىن شوعىرلاندىرۋ قىزمەت مەحانيزمىن اقاۋسىزداندىرىپ، ”سىرتتىڭ اقىل ـ پاراساتىنان“، ”اقىلماندار قويماسىنان“ ويداعىداي پايدالانۋعا باسا ٴمان بەرىپ، نەگىزگى ساتى زاڭ ەرەجە شىعارۋ بايلانىس تۇيىندەرىنىڭ رولىن ساۋلەلەندىرىپ، زاڭ ەرەجە شىعارۋ فورماسىن بايىتىپ، سايكەسە زاڭ ەرەجە شىعارۋدى جاڭالىق اشا ورىستەتىپ، زاڭ ەرەجە شىعارۋدى، وزگەرىس ەنگىزۋدى، كۇشىنەن قالدىرۋدى، ٴتۇسىندىرۋدى ٴبىر تۇتاس جوسپارلاپ ويداعىداي ىستەپ، زاڭ ەرەجە شىعارۋ ساپاسىن شىن مانىندە جوعارىلاتۋ كەرەك. زاڭ ەرەجەلەردى بەكىتۋگە جولداۋ جانە ارحيۆكە الدىرۋ، تەكسەرۋ قىزمەتىن تىڭعىلىقتى ويداعىداي ىستەپ، زاڭمەن باسقارۋدىڭ اشىق، جاريا ورتاسىن قالىپتاستىرۋ كەرەك. زاڭ ەرەجەلەردى ۇگىتتەۋدى جانە اتقارۋدى كۇشەيتىپ، تۇتاس قوعامنىڭ زاڭعا قۇرمەت ەتۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتۋ كەرەك.

ماجىلىستە اۆتونوميالى رايوندىق ٴادىليا مەڭگەرمەسىندەگى، مادەنيەت جانە ساياحات مەڭگەرمەسىندەگى، بۇراتالا موڭعۇل اۆتونوميالى وبلىستىق، قۇمىل قالالىق، بايىنعولين موڭعۇل اۆتونوميالى وبلىستىق، قىزىلسۋ قىرعىز اۆتونوميالى وبلىستىق حالىق قۇرىلتايى تۇراقتى كوميتەتتەرىندەگى جانە اۆتونوميالى رايوندىق حالىق قۇرىلتايى تۇراقتى كوميتەتى اۋىل شارۋاشىلىعى جانە اۋىل ـ قىستاق قىزمەت كوميتەتىندەگى قاتىستى جاۋاپتى جولداستار پىكىر اۋىستىرىپ سوزگە شىقتى.

سول كۇنى زاڭ ەرەجە شىعارۋ جونىندە كەڭەس بەرەتىن ماماندار اڭگىمە ٴماجىلىسى جانە زاڭ ەرەجەلەردى بەكىتۋگە جولداۋ قىزمەتى ٴماجىلىسى دە وتكىزىلدى.