تيانشان تورى - شينجياڭ گازەتىنىڭ حابارى (ٴتىلشى ۋي حۇڭپيڭ حابارلايدى). جالپى حالىقتىڭ توپتىق يممۋنيتەتتىك قورعانۋ تورىن جەدەل قۇرۋ ٴۇشىن، رايونىمىز قارتتار قاۋىمىنا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەگۋدى جەدەل ىلگەرىلەتتى. جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ 60 جاستان اسقان قارتتاردى قورعاۋداعى ونىمدىلىگى قانداي؟ 3 ـ ايدىڭ 16 ـ كۇنى ٴتىلشى اۆتونوميالى رايوندىق اۋرۋدان ساقتانۋ - تىزگىندەۋ ورتالىعى يممۋنولوگيالىق پىلان ورنىنىڭ مەڭگەرۋشىسى قايسار وسمانعا تىلشىلىك ىستەدى.

”قازىرگە دەيىن، ەلىمىز جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ ەل ٴىشى ـ سىرتىنداعى 60 جاستان اسقان قارتتارعا ەگىلۋ مولشەرى 500 ميلليون - رەتتەن اسىپ، ەگۋ بارىسىندا تاماشا حاۋىپسىزدىك كورسەتتى“، ـ دەدى قايسار.

ەكى جىل بويى جاڭا تيپتى ايدارشا ۆيرۋسقا زەرتتەۋ جۇرگىزۋ ارقىلى قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن تۋىنداعان بەيتاراپ انتيدەنە دەڭگەيى جاستاردان تومەن ەكەنىن، ونىڭ ۇستىنە بارلىق ادامدار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرگەننەن كەيىن، ۋاقىتتىڭ وتۋىنە ىلەسە، بەيتاراپ انتيدەنە دەڭگەيى دە بەلگىلى دارەجەدە تومەندەگەنىن بايقاعان. ”ٴبىز قارتتار قاۋىمىن ۆاكسينا ەكتىرۋدى جەدەلدەتۋگە ۇندەپ قانا قويماي، قارتتاردى تەز ارادا كۇشەيتپەلى ۆاكسينا ەگۋگە ۇندەيمىز“. قايسار بىلاي دەدى: جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىنىڭ كۇشەيتپەلى يممۋنيتەتى اۋميكروننىڭ وزگەرگەن تۇبىرشىگىنىڭ ۆاكسينانى جەڭىپ، جۇعىمداۋىن تەجەۋ ونىمدىلىگىنە يە، اۋميكروننىڭ قايتالاي تارالۋ قۋاتىن تومەندەتەدى. ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسى اۋميكرون جونىنەن العاندا ٴونىمدى، يممۋنيتەتتى كۇشەيتۋ ونىمدىلىگى ٴتىپتى دە كورنەكتى.

قايسار بىلاي دەپ تانىستىردى: سوزىلمالى اۋرۋعا شالدىققان قارتتاردىڭ دەنساۋلىق جاعدايى ورنىقتى، دارىمەن تىزگىندەۋى جاقسى بولسا بولعانى، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى. قارتتار جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋدەن بۇرىن، ٴوزىنىڭ نەگىزدىك اۋرۋىنىڭ ويداعىداي تىزگىندەلگەنىن ٴارى ورنىقتى مەزگىلدە تۇرعانىن تۇراقتاندىرۋى كەرەك، ەگەر ٴوزىنىڭ تۇراقتى مەزگىلدە تۇرعان – تۇرماعانىن انىقتاي الماسا، شيپاگەردەن كەڭەس سۇراۋىنا دا بولادى، دارىمەن تىزگىندەلۋى جاقسى، اۋرۋ جاعدايى ورنىقتى بولعان جاعدايدا، جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ەكتىرۋىنە بولادى.

ەكتىرگەن كەزدە، قارتتار ۆاكسينا ەگۋ ورنىنداعى شيپاگەرگە ٴوزىنىڭ ناقتى دەنساۋلىق جاعدايىن، تاياۋدا ىشكەن ٴدارى ينفورماتسياسىن ىرىقتىلىقپەن ايتۋى، ٴارى ٴمان - جايدى ٴبىلۋدى ماقۇلداۋ قاعازىن قاز - قالپىندا تولتىرۋى كەرەك.

ەكتىرگەننەن كەيىن، قارتتار ەگۋ ورنىندا وتىرىپ 30 مينۋت باقىلاۋى كەرەك. ەكتىرگەن كۇنى ۋكول قويعان ورىندى قۇرعاق ساقتاۋى ٴارى جەكەلىك تازالىققا كوڭىل بولۋى كەرەك. ەكتىرگەننەن كەيىنگى ٴبىر اپتا ىشىندە، بۇرىن ءوزى بىلەتىن رەاكسيا تۋدىراتىن زاتتار جانە ۇنەمى كەزدەسەتىن رەاكسيا تۋدىراتىن قاينارلارعا جۇعىسۋدان ساقتانىپ، مۇمكىندىكتىڭ بارىنشا اراق ىشپەۋى، اشتى، تىتىركەندىرەتىن تاعامداردى نەمەسە تەڭىز ونىمدەرىن جەمەۋى كەرەك، قاتىقسىز تاعامداردى جەۋدى، سۋدى كوپ ٴىشۋدى، لايىقتى دەمالۋدى ۇسىنىس ەتەمىز.　

اۋدارعان: قادىر ماقان