− بەدەلدى ماماندار جاقىننان بەرگى ىندەتتىڭ ٴجيى تۋىلۋ ماسەلەسىنە جاۋاپ بەردى

شينحۋا اگەنتتىگىنىڭ تىلشىلەرى دۇڭ رۇيفىڭ، گۋ تيانچىڭ

  3 - ايعا قادام تاستاعالى ەلىمىزدە ىندەتتىڭ تۋىلۋ جيىلىگى ايتارلىقتاي كوبەيىپ، شارپۋ كولەمى ۇزدىكسىز كەڭەيىپ، قازىرگە دەيىن 28 ولكەگە جايىلىپ ۇلگىردى.

  جۇعىمدالعاندار سانى نە ٴۇشىن شاپشاڭ ارتتى؟ ساقتانۋ - تىزگىندەۋ شارالارىن قايتكەندە قاتاڭ، جەدەل تياناقتاندىرۋعا بولادى؟ مەملەكەتتىك دەنساۋلىق ساقتاۋ جانە سالاماتتىق كوميتەتى اۋرۋدىڭ الدىن الۋ جانە ونى تىزگىندەۋ مەكەمەسىنىڭ ورىنباسار باستىعى لەي جىڭلۇڭ، جۇڭگو اۋرۋدىڭ الدىن الۋ جانە ونى تىزگىندەۋ ورتالىعى ەپيدەميولوگيالىق باس مامانى ۋ زۇنيوۋ شينحۋا اگەنتتىگى تىلشىلەرىنىڭ سۇحباتىن قابىلداپ، قولامتالى ماسەلەلەرگە جاۋاپ بەردى.

  جاقىننان بەرى ىندەت نە ٴۇشىن ٴجيى تۋىلۋدا؟ «ۆيرۋستىڭ جاڭا شتاممى بىزدەن ارەكەت ەتۋ جىلدامدىعىمىزدى ونان ارى جوعارىلاتۋدى تالاپ ەتەدى»

  ٴتىلشى: ەل ىشىندەگى ىندەتتىڭ ەڭ جاڭا احۋالى قانداي؟

  لەي جىڭلۇڭ: جاڭا تيپتى ايدارشا ۆيرۋس وكپە قابىنۋ ىندەتى كەڭ تارالۋىنىڭ الەمدىك 4 - تولقىنىنىڭ ىقپالىندا، اسىرەسە، ەلىمىز توڭىرەگىندەگى مەملەكەتتەر مەن وڭىرلەردەگى ىندەت جاعدايى دەڭگەيىنىڭ جەدەل كوتەرىلۋىنە بايلانىستى، وعان قوسا باستى تارالىپ جاتقان اۋميكروننىڭ وزگەرگەن شتاممىنىڭ تارالۋ جىلدامدىعى اناعۇرلىم تەز، جاسىرىنعىشتىق سيپاتى اناعۇرلىم كۇشتى بولعاندىقتان، تاياۋدان بەرى ەلىمىزدە ىندەتتىڭ شەتەلدەن كىرۋ قىسىمى ۇزدىكسىز ارتىپ، ٴوز جەرىمىزدەگى توپتالۋ سيپاتىنداعى ىندەت جاعدايىندا تارالۋ ٴتۇيىنى كوپ، اۋقىمى كەڭ بولۋ، ٴجيى تۋىلۋ ەرەكشەلىگى كورىنىس بەردى.

  قازىر جيلين، شاندۇڭ، شاڭحاي، گۋاڭدۇڭ سياقتى جەرلەردەگى ىندەت ٴالى دامۋ ۇستىندە، ٴبىر ٴبولىم وڭىرلەردە ىندەت جاعدايىنىڭ ورلەۋ جىلدامدىعى ٴبىرشاما شاپشاڭ بولۋدا، لياۋنيڭ، سىچۋان، حۋبەي، جياڭسۋ سياقتى جەرلەردەگى ىندەت ٴونىمدى تىزگىندەلدى، ىشكى موڭعۇلداعى ىندەت جاعدايى اياقتاۋ كەزەڭىندە تۇر.

  ماماندار جالپىلاي زەرتتەپ، تۇجىرىمداي كەلە بىلاي دەپ قارادى: ەلىمىزدە قازىر اتقارىلىپ وتىرعان «يكەمدى تۇردە نولگە ٴتۇسىرۋ» جالپى باعىتى مەن ٴبىرسىپىرا ساقتانۋ - تىزگىندەۋ شارالارى اۋميكروننىڭ وزگەرگەن شتاممىنان تۋىنداعان ىندەت ٴۇشىن جارامدى، ٴونىمدى، ٴبىراق اۋميكروننىڭ وزگەرگەن شتاممىنىڭ تارالۋ جىلدامدىعى اناعۇرلىم تەز، جاسىرىنعىشتىق سيپاتى اناعۇرلىم كۇشتى بولۋ ەرەكشەلىگى بىزدەن ساقتانۋ - تىزگىندەۋ شارالارىنىڭ اناعۇرلىم ەرتە، اناعۇرلىم شاپشاڭ، اناعۇرلىم قاتاڭ، اناعۇرلىم ناقتى بولۋىن تالاپ ەتەدى.

  ۋ زۇنيوۋ: جاڭا تيپتى ايدارشا ۆيرۋس وكپە قابىنۋ ىندەتى كەڭ تارالۋىنىڭ الەمدىك 4 - تولقىنى، باستىسى، اۋميكرون ۆيرۋس شتاممىنان تۋىنداپ وتىر، قازىر ەلىمىزدە باستى تارالىپ جاتقانى BA.2 سۋب - ۆاريانتى. اۋميكرون ۆيرۋس شتاممىنىڭ جۇعىمدالۋ مولشەرى دەلتا شتاممىنان دا كۇشتى، زەرتتەۋلەردە كورسەتىلۋىنشە، اۋميكرون ۆيرۋس شتاممىBA.1 دىڭ تارالۋ جىلدامدىعى دەلتا شتاممىنان %77 تەز بولسا، BA.2 نىڭ تارالۋ جىلدامدىعى BA.1 دەن %66 تەز بولادى ەكەن.

  ياعني قازىرگى ۆيرۋس شتاممىنىڭ تارالۋ جىلدامدىعى ٴبىز 2021 - جىلى، 2020 - جىلى جولىققان ۆيرۋس شتاممدارىنىڭ تارالۋ جىلدامدىعىنان ايتارلىقتاي تەزدەگەن. ەگەر بۇرىنعىداي ارەكەت ەتۋ جىلدامدىعى بويىنشا بولسا، ىندەتتەن ساقتانۋ - تىزگىندەۋ قاجەتىنە ىلەسە الماي قالامىز، سوندىقتان بۇل بىزدەن ارەكەت ەتۋ شاپشاڭدىعىن ونان ارى جوعارىلاتۋدى تالاپ ەتەدى.

  قوعامدىق جاقتا قاشان «نولگە ٴتۇسىرۋدى» جۇزەگە اسىرامىز؟ «ىندەتكە توتەپ بەرۋ جانە ونى ٴبىر جاقتى ەتۋ قىزمەتى ٴتارتىپتى، پارمەندى ىلگەرىلەتىلۋدە»

  ٴتىلشى: باسقارۋشى تاراۋلار قازىر ىندەتتەن ساقتانۋ - تىزگىندەۋدىڭ قانداي قىزمەتتەرىن ورىستەتىپ جاتىر؟ ٴبىز قىسقا ۋاقىت ىشىندە وسى كەزەكتى ىندەتتى تىزگىندەي الامىز با؟

  لەي جىڭلۇڭ: پارتيا ورتالىق كوميتەتى، مەملەكەتتىك كەڭەس جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە ايرىقشا ٴمان بەرىپ وتىر. مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ جالپىلىق گرۋپپاسى مەملەكەتتىڭ قىزمەت گرۋپپالارىن ىشكى موڭعۇل، يۇننان، لياۋنيڭ، جيلين، حيلۇڭجياڭ، شاندۇڭ، گۋاڭدۇڭ سياقتى ولكەلەرگە بارىپ ىندەتتى ٴبىر جاقتى ەتۋ قىزمەتىنە جەتەكشىلىك ەتۋگە، جەرگىلىكتى ورىندارمەن بىرلەسىپ ىندەت جاعدايىنا بىرگە تالداۋ، تۇجىرىم جاساپ، ىندەتتەن ساقتانۋ - تىزگىندەۋ شارالارىن اقىلداسۋعا، ٴار كۇنى باقىلاۋ - تەكسەرۋ جۇرگىزىپ، ماسەلەلەر مەن ۇسىنىستاردى دەر كەزىندە العا قويىپ، جەرگىلىكتى ورىنداردى رەتتەۋ - تۇزەتۋدى تياناقتاندىرۋعا قۋزاۋعا اتتاندىردى.

  جالپىلاي ايتقاندا، قازىر ىندەت تۋىلعان جەرلەردە ىندەتكە توتەپ بەرۋ جانە ونى ٴبىر جاقتى ەتۋ قىزمەتى ٴتارتىپتى، پارمەندى ىلگەرىلەتىلۋدە، ٴبىر ٴبولىم جەرلەردە جاقسارۋ بەتالىسى جارىققا شىعىپ ۇلگىردى. ٴبىز ىندەت تۋىلعان جەرلەردىڭ ىندەتتى ٴبىر جاقتى ەتۋ تالابىن ەگجەي - تەگجەيلى، ناقتى تياناقتاندىرۋىنا، حىسۋان ەكشەپ تەكسەرۋ جانە قاتەرلى ادامداردى اداقتاپ تەكسەرۋدى، باسقارۋ - تىزگىندەۋدى جەدەلدەتۋىنە، «تەكسەرىلۋگە تيىستىلەرىن قالدىرماي تەكسەرىپ»، «اۋاشالانۋعا تيىستىلەرىن قالدىرماي اۋاشالاپ»، «ەمدەلۋگە تيىستىلەرىن قالدىرماي ەمدەپ»، «باسقارۋعا تيىستىلەرىن قالدىرماي باسقارۋىنا»، قوعامدىق جاقتا «نولگە ٴتۇسىرۋدى» جەدەل جۇزەگە اسىرۋىنا ۇزدىكسىز جەتەكشىلىك ەتەمىز.

  ۋ زۇنيوۋ: اۋميكرون ۆيرۋس شتاممىنىڭ وزىندىك جاڭا ەرەكشەلىكتەرى بار، ونىڭ ۇستىنە ەلىمىزدە ٴبىرتالاي سالىستىرماداعى جۇرتشىلىق قاۋىم ۆاكسينا ەكتىرگەندىكتەن، ٴبىرشاما كوپ جۇعىمدالۋشىلاردا اۋرۋ بەلگىسى بولماي نەمەسە ولار اۋرۋ بەلگىسىن سەزبەي، قوعامدا اۋەلگىدەي قيمىل جاساپ، ىندەتتىڭ اناعۇرلىم كەڭ كولەمدە جايىلۋىنا مۇرىندىق بولۋدا. بۇل ٴبىز وسى كەزەكتى ىندەتتە ٴدوپ كەلگەن اسا زور سىناق سانالادى.

  ايتسە دە ىندەتتەن ساقتانۋ - تىزگىندەۋدىڭ قيىندىعى باسقا ۆيرۋس شتاممدارعا قاراعاندا ٴبىراز جوعارىراق بولعانىمەن، «سىرتتان كىرۋدەن ساقتانۋ، ىشتە بەلەڭ بەرۋدەن ساقتانۋ» جالپى تاكتيكاسىنان، «يكەمدى تۇردە نولگە ٴتۇسىرۋ» جالپى باعىتىنان جازباي، ساقتانۋ - تىزگىندەۋ شارالارىن اناعۇرلىم تەز، اناعۇرلىم ٴدال، اناعۇرلىم ەگجەي - تەگجەيلى ىستەسەك بولعانى، قىسقا ۋاقىت ىشىندە ىندەتتى ٴبىرشاما تار كولەمدە تىزگىندەي الامىز.

  كەلەسى قادامداعى ٴتۇيىندى قىزمەت قايسىلار؟ «ساقتانۋ - تىزگىندەۋدى ۇدايىلاندىرۋدى ۇزدىكسىز كۇشەيتۋ»

  ٴتىلشى: كەلەسى قادامداعى ىندەتتەن ساقتانۋ - تىزگىندەۋدەگى ٴتۇيىندى قىزمەت قايسىلار؟

  لەي جىڭلۇڭ: كەلەسى قادامدا ساقتانۋ - تىزگىندەۋدى ۇدايىلاندىرۋدى ۇزدىكسىز كۇشەيتۋ كەرەك. ٴبىرىنشى، شەكارا وتكەلدەرى مەن شەكارا وڭىرلەرىندەگى ساقتانۋ - تىزگىندەۋدى قاتايتىپ، ادام، زات، قورشاعان ورتادان بىردەي ساقتانۋعا تاباندى بولىپ، ادامداردى جابىق اينالىمدا باسقارۋدى كورنەكتىلەندىرۋ كەرەك.

  ەكىنشى، ٴتۇيىندى الاڭ - ورىندارداعى ساقتانۋ - تىزگىندەۋدى ۇدايىلاندىرۋدى كۇشەيتىپ، مەكتەپ، قارتتار ٴۇيى سياقتى ادامدار تىعىز الاڭ - ورىندار مەن مەكەمەلەردى جاۋاپكەرشىلىكتى ناقتىلاۋعا، كۇندەلىكتى قاداعالاۋ مەن ساقتانۋ - تىزگىندەۋ تالاپتارىن كۇشەيتۋگە قۋزاۋ كەرەك.

  ٴۇشىنشى، مەديتسينالىق قۇرىلىمدار سياقتىلاردىڭ «قاراۋىل ٴتۇيىنى» رولىن ساۋلەلەندىرىپ، الدىن الا تەكسەرۋ، ٴبولىپ دياگنوز قويۋ جانە العاشقى دياگنوزدا جاۋاپتى بولۋ ٴتۇزىمىن قاتاڭ تياناقتاندىرىپ، ٴدارىحانا، ەمحانا، وقۋ - اعارتۋ قۇرىلىمى، اۋىل شارۋاشىلىق ونىمدەرى بازارى سياقتى الاڭ - ورىندارداعى قىزمەت وتەۋشى ادامداردىڭ دەنساۋلىعىن قاداعالاۋدى كۇشەيتىپ، كوپ تۇيىندە ىسكە قوسىلاتىن الدىن الا ساقتاندىرۋ مەحانيزمىن كەمەلدەندىرۋ كەرەك. «انتيگەنىن ەكشەپ تەكسەرۋ، حىسۋان بويىنشا دياگنوز قويۋ» سىندى قاداعالاۋ ۇلگىسىن جالپىلاستىرىپ، بايقاۋدىڭ دەر كەزىندە بولۋىن جوعارىلاتۋ كەرەك.

  ۋ زۇنيوۋ: بولاشاقتا ىندەتتىڭ الەمدىك 4 - تولقىنىنىڭ باسەڭدەۋىنە، سونداي - اق توڭىرەگىمىزدەگى ەلدەر مەن وڭىرلەردەگى ىندەتتىڭ بىرتىندەپ تىزگىندەلۋىنە ىلەسە، سىرتتان كىرۋدەن ساقتانۋدىڭ قىسىمى دا جەڭىلدەيدى دەپ مەجەلەۋگە بولادى. ٴبىراق ٴبىزدىڭ بۇكىلدەي وسىلاي بولادى دەپ ۇمىتتەنىپ وتىرا بەرۋىمىزگە بولمايدى، تاعى دا سول، ٴوز جاعدايىمىزدى تياناق ەتىپ، ساقتانۋ - تىزگىندەۋ شارالارىن تىڭعىلىقتى تياناقتاندىرۋىمىز كەرەك.

  «يكەمدى تۇردە نولگە تۇسىرۋدە» دەر كەزىندە بايقاۋ، دەر كەزىندە ٴۇزۋ، دەر كەزىندە ەمدەۋ بارىنەن ماڭىزدى. ەگەر وسى 3 باستى جاقتىڭ بارىندە ەرتە، ٴدال، شاپشاڭ بولۋدى ورىنداي الساق، ساقتانۋ - تىزگىندەۋ شارالارى سەرپىنىنىڭ ارتۋىنا ىلەسە، وسى كەزەكتى ىندەتتىڭ ٴبىرشاما تەز، ٴونىمدى تىزگىندەلەتىنىنە سەنەمىز.

  شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى