اۋرۋ بەلگىسى جوق جۇعىمدالۋشى دەگەن نە؟

اۋرۋ بەلگىسى جوق جۇعىمدالۋشى دەگەنىمىز سايكەستى كلەنيكالىق اۋرۋ بەلگىسى جوق، قىزۋ، جوتەلۋ، جۇتقىنشاق اۋرۋ سياقتى ادام ٴوزى سەزىنە الاتىن نەمەسە كلينيكادا پارىقتاۋعا بولاتىن اۋرۋ بەلگىلەرى مەن ناۋقاستىق بەلگىلەرى جوق بولعان، الايدا تىنىس جولى سياقتى ورىنداردان سىناما الىپ جاڭا تيپتى ايدارشا ۆيرۋسقا ەتيولوگيالىق تەكسەرۋ - تالداۋ جاساۋدا بولىمدى بولعانداردى كورسەتەدى.

اۋرۋ بەلگىسى جوق جۇعىمدالۋشىدا جۇعىمتالدىق بولا ما، جوق؟

جۇعىمتالدىق بولادى. 

اۋرۋ بەلگىسى جوق جۇعىمدالۋشىدا اۋرۋ بەلگىسى جوق بولعانىمەن، حىسۋان تەكسەرۋى بولىمدى بولاتىندىقتان، ارينە، جۇعىمتالدىققا يە بولادى. 

اۋرۋ بەلگىسى جوق جۇعىمدالۋشىلارعا قانداي ساقتانۋ - تىزگىندەۋ تالابى قويىلادى؟

1. بەلگىلەنگەن ەمدەۋ قۇرىلىمدارىندا 14 كۇن شوعىرلى اۋاشالاپ، مەديتسينالىق باقىلاۋعا الۋ كەرەك. 

2. پرينسيپتىك جاقتان ۇدايى ەكى رەت سىناما  الىپ حىسۋان تەكسەرۋدە بولىمسىز بولعاندار (حىسۋان سىناماسىن العان ارالىق ۋاقىتى كەمىندە 24 ساعات بولۋ) شوعىرلى اۋاشالاپ، مەديتسينالىق باقىلاۋدان بوساتىلادى، ال حىسۋان تەكسەرۋى تاعى دا بولىمدى بولىپ، سايكەستى كلەنيكالىق بەلگىلەرى جوق بولعاندار ۇزدىكسىز اۋاشالانىپ، مەديتسينالىق باقىلاۋعا الىنادى، باقىلاۋ مەزگىلىندە ۇدايى ەكى رەتكى حىسۋان تەكسەرۋى بولىمسىز بولعاندا عانا شوعىرلى اۋاشالاپ مەديتسينالىق باقىلاۋدان بوساتىلادى.

3. شوعىرلى اۋاشالاپ، مەديتسينالىق باقىلاۋعا العان كەزدە داعدىلى قان تەكسەرۋ، CT اسپابىمەن تەكسەرۋ جانە قارسىلىق قۋاتتى تەكسەرۋ كەرەك. ەگەر كلينيكالىق بەلگى بايقالسا دەرەۋ اۋرۋى تۇراقتانعان ناۋقاس ەسەبىندە جوتكەپ، جۇيەلى ەمدەۋ كەرەك.

4. شوعىرلى اۋاشالاپ، مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلار جالعاستى 14 كۇن ۇيىندە مەديتسينالىق باقىلاۋعا الۋ ٴارى 2 - اپتاسى مەن 4 - اپتاسىندا بەلگىلەنگەن ەمدەۋ قۇرىلىمدارىنا اپارىپ قايتالاي تەكسەرۋ كەرەك.

5. اۋرۋ بەلگىسى جوق جۇعىمدالۋشىعا تىعىز جاناسۋشىلاردى دا 14 كۇن اۋاشالاپ، مەديتسينالىق باقىلاۋعا الۋ كەرەك. 

اۋرۋ بەلگىسى جوق جۇعىمدالۋشىنى ۇيدە اۋاشالاۋعا بولا ما؟

ۇيدە اۋاشالاۋ قاتەرلى. ٴىشىنارا اۋرۋ بەلگىسى جوق جۇعىمدالۋشىلار دياگنوزى تۇراقتانۋدىڭ جاسىرىن كەزەڭىندە تۇرادى، ەگەر دەركەزىندە بايقاپ، دەر كەزىندە ەمدەمەسە اسا حاۋىپتى.

اۋرۋ بەلگىسى جوق جۇعىمدالۋشىلاردى نە ٴۇشىن شوعىرلى اۋاشالايدى؟

1. شوعىرلى اۋاشالاپ، باقىلاۋعا الىنعان اۋرۋ بەلگىسى جوقتاردىڭ جانە اۋرۋى جەڭىل ناۋقاستاردىڭ بارلىعى دا جۇعىمدالۋشى ەسەپتەلەدى دە، ولاردان ايقاسپالى جۇعىمدالىپ، ىندەتتىڭ تارالۋ ماسەلەسى كەلىپ شىقپايدى. 

2. اۋرۋ بەلگىسى جوق جانە اۋرۋى جەڭىل جۇعىمدالۋشىلار شوعىرلى اۋاشالاۋ كەزىندە جۇڭگوشا دارىلەرمەن ەم قابىلدايدى، بۇل ٴارى يممۋنيتەتتىك قۋاتتى ارتتىرادى ٴارى اۋرۋ بەلگىسى جوق، اۋرۋى جەڭىل جۇعىمدالۋشىلاردىڭ اۋرۋى سالماقتى نەمەسە قاتەرلى ناۋقاسقا وزگەرۋىنىڭ الدىن الادى. 

3. شوعىرلى اۋاشالاپ، باقىلاۋعا العان كەزدە، ەگەر ناۋقاس ادامدا اۋرۋى سالماقتى اۋرۋعا قاراي اسقىناتىن بەلگى بايقالسا، دەركەزىندە بايقاۋعا جانە جوتكەپ ەمدەۋگە بولادى. سوندىقتان، اۋرۋى جەڭىل جانە اۋرۋ بەلگىسى جوق جۇعىمدالۋشى بايقالسا مۇمكىندىكتىڭ بارىنشا بەلگىلەنگەن اۋاشالاۋ تۇيىندەرىنە جەتكىزىپ، شوعىرلى اۋاشالاپ، باقىلاۋعا الۋ كەرەك.

 اۋرۋ بەلگىسى جوق جۇعىمدالۋشى كوبەيگەندە، قالاي ساقتانۋىمىز كەرەك؟

1. ٴوزىمىزدى قورعاۋ تانىمىمىزدى كۇشەيتۋىمىز، قولدى تازا جۋۋ، ماسكىنى عىلمي تاعۋ، تەرەزەنى ۇنەمى اشىپ اۋا الماستىرىپ تۇرۋ، تازالىقتى، زارارسىزداندىرۋدى جاقسى ىستەۋ سياقتى اقاۋسىز تۇرمىس ٴتاسىلىن قالىپتاستىرۋىمىز كەرەك.

2. باس قوسپاۋىمىز، قوناعاسى وتكىزبەۋىمىز، توپىرلاپ، توپتاسپاۋىمىز، باسقالارمەن بايلانىس جاساۋدا 1 - 2 مەتر ارالىق ساقتاۋىمىز كەرەك. 

3. مادەنيەتتى، ادەپ - يبالى بولۋىمىز، جوتەلگەندە، تۇشكىرگەندە اۋىز - مۇرىندى باسىپ جوتەلىپ، تۇشكىرۋىمىز كەرەك. ٴبولىنىپ تاماقتانۋدى، اس سالاتىن ورتاق ساقپى - قاسىق ىستەتۋدى دارىپتەۋىمىز كەرەك. 

4. پسيحيكيالىق اقاۋسىزدىق دەڭگەيدى جوعارىلاتىپ، دەنساۋلىقتى باقىلاۋ - تەكسەرتۋدى كۇشەيتۋىمىز، كۇماندى جاعداي بايقالعاندا - اق دەرەۋ مالىمدەۋىمىز، دەرەۋ جاقىن ماڭداعى جۇيەلى شيپاحاناعا بارىپ تەكسەرىلىپ، ەمدەلۋىمىز كەرەك.