تيانشان تورى – شينجياڭ گازەتىنىڭ حابارى (ءتىلشى سۋ لۋپيڭ حابارلايدى). 11 – ايدىڭ 8 – كۇنى كەشتە ىلە قازاق اۆتونوميالى وبلىستىق حالىق ۇكىمەتىنىڭ اقپارات كەڭسەسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى. ماجىلىستە ىلە وبلىستىق اۋرۋدان ساقتانۋ جانە ونى تىزگىندەۋ ورتالىعى پارتيا ياچەيكاسىنىڭ شۋجيى جەڭىس بايداۋلەت ۇيدە اۋاشالانۋ مەن ۇيدە بولىپ سالاماتتىعىن باقىلاۋ - تەكسەرۋدىڭ پارقىن تانىستىردى.

كوپتەگەن ادامداردا ۇيدە اۋاشالانۋ مەن ۇيدە بولىپ سالاماتتىعىن باقىلاۋ – تەكسەرۋ جونىندە تۇسىنبەستىك پايدا بولادى، ەكەۋى دە ۇقساس ”ۇيدە بولۋ“، ۇيدە اۋاشالانۋ مەن ۇيدە سالاماتتىقتى باقىلاۋ – تەكسەرۋدىڭ تەگى قانداي پارقى بار؟

ۇيدە اۋاشالانىپ مەديتسينالىق باقىلاۋعا الۋدىڭ باسقارۋ وبيەكتىسى − جاڭا تيپتى ايدارشا ۆيرۋس وكپە قابىنۋ ىندەتى ناۋقاستارى مەن اۋرۋ بەلگىسى جوق جۇعىمدالۋشىلار ىشىندەگى ەرەكشە ادامدار قاۋىمى، جانامالاي ءجيى جۋىسۋشىلار، ورتا، جوعارى حاۋىپ – قاتەرلى وڭىرلەردەن سىرتقا شىققان ادامدار جانە باسقا دا كاسىپتىك قىزمەتكەرلەردىڭ باعالاۋى ارقىلى شوعىرلى اۋاشالاپ مەديتسينالىق باقىلاۋ الۋعا مۇمكىن بولماعان ادامدار.

ەڭ جاقسىسى اۋاشا تۇرۋ، شارت - جاعداي جار بەرمەسە اۋا الماسۋى ءبىرشاما جاقسى بولمەنى تاڭداپ اۋاشالاۋ بولمەسى ەتىپ، ءبىرشاما دەربەستىكتى ساقتاۋ تالاپ ەتىلەدى. بولمەنىڭ ەسىگىنىڭ الدىنا ۇستەل - ورىندىق قويىپ، جاناسپايتىن ۇلگىدەگى زات جەتكىزۋدىڭ تاپسىرىپ بەرۋ – تاپسىرىپ الۋ ورنى ەتۋ كەرەك. مۇمكىندىگىنشە بولەك تازالىق بولمەسىن پايدالانۋ، شارت - جاعداي جار بەرمەسە، وتباسىنىڭ باسقا مۇشەلەرىمەن تازالىق بولمەسىن ۋاقىتىن الشاقتاتىپ پايدالانۋ كەرەك. جەكە ادامنىڭ بولمەسىنە تەرمومەتر، قاعاز ورامال، ماسكى، ءبىر رەتتىك قولعاپ، زارارسىزداندىرعىش سياقتى جەكەلىك قورعانۋ بۇيىمدارى مەن زارارسىزداندىرۋ ونىمدەرى، سونداي – اق قاقپاقتى قوقىر - قوقسىق شەلەگىن دايىنداپ قويۋ كەرەك.

ۇيدە اۋاشالانعان كەزدە دەنساۋلىعىن باقىلاپ – تەكسەرۋ كەرەك، سىرتقا شىعۋعا تيىم سالىنادى، جەكەلىك قورعانۋدى ويداعىداي ىستەۋ، سونداي – اق حىسۋان تەكسەرتۋى جانە ءوزى انتيگەنىن تەكسەرۋى كەرەك. ۇيدە اۋاشالانىپ مەديتسينالىق باقىلاۋعا الىنعان مەرزىمى تولعان، حىسۋان تەكسەرۋ ناتيجەسى بولىمسىز بولعان، ونىڭ ۇستىنە ەشقانداي قالىپسىز اۋرۋ بەلگىسى بولماعانداردى الەۋمەتتىك اۋماق تەكسەرىپ انىقتاۋ ارقىلى، ءارى ۇيدە اۋاشالانىپ مەديتسينالىق باقىلاۋعا الۋدى كۇشىنەن قالدىرۋ ۇقتىرۋىن تاپسىرىپ العاننان كەيىن، ۇيدە اۋاشالانىپ مەديتسينالىق باقىلاۋعا الۋدى كۇشىنەن قالدىرۋعا بولادى.

ۇيدە بولىپ سالاماتتىعىن باقىلاۋ ـ تەكسەرۋ شوعىرلى اۋاشالانعان ءجيى جۋىسۋشىلار مەن جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋشىلاردىڭ شيپاحانادان (فاڭساڭ) شىققاندارىنا، سونداي - اق كاسىپتىك قىزمەتكەرلەردىڭ باعالاۋى ارقىلى ۇيدە بولىپ سالاماتتىعىنا باقىلاۋ ـ تەكسەرۋ جۇرگىزۋ قاجەت بولعان ادامدارعا قولدانىلادى.

اۋا الماسۋى ٴبىرشاما جاقسى بولمەدە تۇرۋ، مۇمكىندىگىنشە ءبىرشاما دەربەستىكتى ساقتاۋ تالاپ ەتىلەدى. شارت - جاعداي جار بەرگەن جاعدايدا، مۇمكىندىگىنشە ايىرىم تازالىق بولمەسىن پايدالانۋ، باسقا وتباسى مۇشەلەرىمەن بىرگە تازالىق بولمەسىن ورتاق پايدالانۋدان ساقتانۋ كەرەك. بولمەنىڭ ىشىنە تەرمومەتر، قاعاز ورامال، مەديتسينادا قولدانىلاتىن قورعانۋ ماسكىسى، ءبىر رەتتىك قولعاپ، زارارسىزداندىرعىش سياقتى جەكەلىك قورعانۋ بۇيىمدارى مەن زارارسىزداندىرۋ ونىمدەرى، سونداي – اق قاقپاقتى قوقىر-قوقسىق شەلەگىن دايىنداپ قويۋ كەرەك. ۇيدە بولىپ سالاماتتىعىن باقىلاۋ - تەكسەرۋ كەزىندە سالاماتتىعىن باقىلاپ – تەكسەرۋ كەرەك، قاجەتى بولماعاندا سىرتقا شىقپاۋ ، سونداي – اق ساقتانۋ – تىزگىندەۋ تالابى بويىنشا حىسۋان تەكسەرۋگە سايكەسۋ ءارى ورىنداۋ كەرەك.