قارتتارعا ۆاكسينا ەگۋدە قانداي تيىمدار بار قارتتاردىڭ ۆاكسينا ەكتىرۋىنە قايتكەندە اناعۇرلىم قولايلىلىق جاساۋعا بولادى

　　− بەدەلدى ماماندار ىندەتتەن ساقتانۋ جونىندەگى قولامتالى ماسەلەلەرگە جاۋاپ بەردى

　　□ شينحۋا اگەنتتىگىنىڭ ءتىلشىسى

قارتتاردىڭ جاڭا تيپتى ايدارشا ۆيرۋسىمەن جۇعىمدالعاننان كەيىنگى سالماقتى ناۋقاسقا شالدىعۋ جانە ءولۋ قاتەرىن تومەندەتىپ، قارتتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن ونان ارى جەدەل ىلگەرىلەتۋ ءۇشىن، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى تاياۋدا «قارتتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن كۇشەيتۋ جوباسىن» باسىپ تاراتتى. قارتتارعا ۆاكسينا ەگۋدەگى تيىمدار قالاي بەلگىلەنەدى؟ قارتتارعا ۆاكسينا ەگۋگە قايتكەندە اناعۇرلىم قولايلىلىق جاساۋعا بولادى؟ قوعامدىق قولامتالى ماسەلەلەردى ارقاۋ ەتىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىندەگى قاتىستى ماماندار جاۋاپ قايتاردى.

1. سۇراۋ: قارتتارعا ۆاكسينا ەگۋدە باستى قانداي تيىمدار بار؟

جاۋاپ: «قارتتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن كۇشەيتۋ جوباسىندا» مىنالار ايقىن بەلگىلەندى: ەگۋگە تيىم ۇيعارىمىن جاساۋ بويىنشا كۋرستان وتكىزۋدى بىرتىندەپ ورىستەتىپ، ەمدەۋ قىزمەتكەرلەرىنىڭ ەگۋگە تيىم سالۋ جونىندە عىلمي تۇجىرىم جاساۋىنا جەتەكشىلىك ەتۋ كەرەك.

قازىر قارتتارعا ۆاكسينا ەگۋدە تيىم، نەگىزىنەن، مىناداي 4 ءتۇرلى جاعدايدا بولادى: بۇرىن ۆاكسينا ەككەن كەزدە اۋىر دارەجەدە اسىرە سەزىمتالدىق رەاكسيا بەرگەندەر، مىسالى، اسىرە سەزىمتالدىق شوك، كومەكەي سۋلى ىسىگى؛ جەدەل جۇقپالى اۋرۋدىڭ قىزۋ مەزگىلىندە ۆاكسينانى كەشەۋىلدەتىپ ەگۋ؛ سالماقتى سوزىلمالى اۋرۋلار شۇعىل قوزعالعان مەزگىلدە ۆاكسينانى كەشەۋىلدەتىپ ەگۋ، مىسالى، حيميالىق ەمدەۋ جۇرگىزىلىپ جاتقان وسپە اۋرۋلارى ناۋقاستارى، جوعارى قان قىسىم حاۋىپ بەلگىسى بار ناۋقاستار، ايدارشا ارتەريانىڭ قاتايۋىنان بولاتىن جۇرەك اۋرۋىنا شالدىققان ناۋقاستار جۇرەك توسىلۋ، وزىندەگى يممۋنيتەتتىك نەرۆ جۇيەسى اۋرۋى اسقىنۋ مەزگىلىندە، تالما اۋرۋى بار ناۋقاستار ناۋقاسى ۇستاعان مەزگىلىندە ۆاكسينا كەشەۋىلدەتىپ ەگىلەدى. ويتكەنى سالماقتى سوزىلمالى اۋرۋعا شالدىققان ناۋقاستىڭ ءومىرى اقىرعى مەزگىلگە وتكەن بولادى.

2. سۇراۋ: قارتتاردىڭ ۆاكسينا ەكتىرۋىنە قايتكەندە قولايلىلىق جاساۋعا بولادى؟

جاۋاپ: «قارتتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن كۇشەيتۋ جوباسىندا» مىنالار ايقىن بەلگىلەندى: جەر - جەر الدىڭعى مەرزىمدەگى حالىققا قولايلى ءونىمدى شارالاردى جالعاستىرىپ، ۇزدىكسىز قارتتاردىڭ جاسىل ارناسىن اشۋ، ۋاقىتتىق ەگۋ ءتۇيىنى، ۆاكسينا ەگۋ جىلجىمالى كولىگى سياقتى شارالار ارقىلى قارتتارعا ەڭ جوعارى شەكتە قولايلىلىق جاراتۋى كەرەك. مۇگەدەك نەمەسە جارتىلاي مۇگەدەك قارتتار جونىنەن العاندا دياگنوز قويۋ جانە ۆاكسينا ەگۋ تاجىريبەسى مول ەمدەۋ قىزمەتكەرلەرىن تاڭداپ جىبەرىپ، ۆاكسينا ەگۋ شاعىن اترەتىن قۇرۋ، ەكتىرگەننەن كەيىنگى باقىلاۋ كەزىندە قاجەتتى ۇنەمىلىك قولدانىلاتىن جابدىقتار مەن دارىلەردى الا ءجۇرۋ، ۇيلەرگە بارىپ ۆاكسينا ەگۋ قىزمەت وتەۋىمەن قامداۋ كەرەك.

جوبادا تاعى مىنالار ايقىن بەلگىلەندى: ۆاكسينا ەگۋ بارىسىندا، ”ءۇشتى تەكسەرۋ، جەتىنى دۇرىستاۋ، ءبىردى انىقتاۋ“ جانە ساقتىق ۆاكسيناسىن ەگۋ قىزمەتىن ارناعا ءتۇسىرۋ تالابى بويىنشا قاتاڭ جۇمىس ىستەۋدەن سىرت، قارتتارعا مۇقيات، ىجداعاتتى تۇردە ويداعىداي ءتۇسىندىرىپ، قارتتاردىڭ سۇراۋىنا سابىرلىلىقپەن جاۋاپ بەرىپ، قارتتاردىڭ دەنساۋلىق جاعدايىنا نازار اۋدارىپ، ساقتىق ۆاكسيناسىن ەگۋگە قىزمەت وتەۋدىڭ ىنتالىلىعىن ارتتىرۋ كەرەك.

قاتىستى بەلگىلەمەلەرگە ساي، جەر - جەردەگى دەنساۋلىق ساقتاۋ، سالاماتتىق تاراۋلارى ۆاكسينا ەكتىرگەن ورىنداردا 2 - دارەجەلىدەن جوعارى جالپىلىق شيپاحانالاردىڭ شۇعىل دياگنوز قويۋ، شۇعىل قۇتقارۋ قىزمەتكەرلەرىنىڭ تۇيىندە تۇرىپ قامتاماسىزداندىرىلۋى، شۇعىل قۇتقارۋ جابدىقتارى مەن ءدارى - دارمەكتەرى بولۋى، 120 شۇعىل قۇتقارۋ اۆتوموبيلى سول جەردىڭ وزىندە كۇزەتتە تۇرۋى، 2 - دارەجەلىدەن جوعارى جالپىلىق شيپاحانالاردىڭ قۇتقارۋ - ەمدەۋ جاسىل ارناسى بولۋى سىندى ”ءتورت بولۋ“ تالابىن تياناقتاندىرىپ، ۆاكسينا ەگۋ حاۋىپسىزدىگىنە كەپىلدىك ەتۋى كەرەك.

(شينحۋا اگەنتتىگىنىڭ 12 - ايدىڭ 19 - كۇنى بەيجيڭنەن بەرگەن حابارى)