لاس زاتتاردىڭ شىعارىلۋىن ازايتۋدا، كومىر قىشقىل گازىن تۇراقتاندىرۋدا مىناداي تاسىلدەردەن پايدالانۋعا بولادى

«جوبادا» لاس زاتتاردىڭ شىعارىلۋىن ازايتۋ، كومىر قىشقىل گازىن تۇراقتاندىرۋدىڭ 16 جاقتاعى ءتاسىلى ورتاعا قويىلىپ، ەگجەي - تەگجەيلى تۇسىندىرىلگەن، ەگىنشى - مالشىلار، ەگىمشىلىك ءىرى وتباسىلارى، باعىمشىلىق ءىرى وتباسىلارى جانە شارۋالار كاسىپتىك سەلبەستىك كووپەراتيۆى سياقتى بازار تۇلعالارىنا وي سالارلىق مانگە يە. مۇنىڭ ىشىندەگى ۇشەۋى تومەندەگىدەي:

　　1 - شاعىن كەڭەس

كۇيىس قايتاراتىن حايۋاناتتاردى جوعارى ءونىمدى باعۋ مەن ىشەك جولى مەتانىنىڭ شىعارىلۋىن ازايتۋ

كۇندىك جەمنىڭ قورەكتىگىن مەڭگەرۋ مەن مەتاندى تەجەۋ سياقتىلار ارقىلى كۇيىس قايتاراتىن حايۋاناتتاردىڭ مەتان شىعارۋىن زور مولشەردە ازايتۋ كەرەك. كۇندىك جەمدى ساپالىلاندىرىپ باسقارۋ تەحنيكالىق زەرتتەۋىن ورىستەتىپ، جەم - ءشوپتىڭ مايدا - ىرىلىك سالىستىرماسىن ۇيلەسىمدى جوعارىلاتىپ، قىشى مايى سياقتى ماي نەمەسە ماي قىشقىلى جانە باكتەريا، فەرمەنت جاساۋ ءدارى - دارمەكتەرىن قوسىپ، جالبىرشاق قارىننىڭ اشىتۋ ءبىتىمىن جاقسارتىپ، جالبىرشاق قارىنداعى مەتاننىڭ قالىپتاسۋىن تەجەۋ كەرەك. ءىرى جەم - ءشوپتى الدىن الا ءبىر جاقتى ەتۋ، كوك ءشوپ (سارى) سۇرىلەۋ، جىڭىشكەلەپ تۋراۋ، ءبورتتىرۋ سياقتى تاسىلدەر ارقىلى سابان - توپاندى الدىن الا ءبىر جاقتى ەتىپ، ءىرى جەم - ءشوپتىڭ قورەكتىك قۇنىن جانە جەم - ءشوپتىڭ كادەگە جاراۋ ونىمدىلىگىن جوعارىلاتۋ كەرەك.

　　2 - شاعىن كەڭەس

توپىراق قۇرامىنا قاراي تىڭايتقىش بەرۋدى جاپپاي جالپىلاستىرۋ

توپىراق قۇرامىن ولشەپ، قۇرامىنا قاراي تىڭايتقىش بەرۋ، ازوتتى تىڭايتقىشتى دالمە - ءدال بەرۋ سياقتىلار ارقىلى ازوت شالا توتىعىنىڭ شىعارىلۋىن بارىنشا ازايتۋ كەرەك. ازوتتى تىڭايتقىش بەرۋ مولشەرىن جانە ازوتتى، فوسفورلى، كاليلى تىڭايتقىشتاردىڭ سالىستىرماسىن ۇيلەسىمدى رەتتەپ، ازوتتى تىڭايتقىش ءتۇرىن، تىڭايتقىش بەرۋ ۋاقىتىن، تىڭايتقىش بەرىلەتىن جەردى دالمە - ءدال يگەرىپ، داقىلداردىڭ ازوت پايدالانۋ مولشەرىن جوعارىلاتىپ، ازوت شالا توتىعىنىڭ شىعارىلۋىن ازايتۋدى ورىنداۋ. قورەكتىگى باياۋ شىعاتىن تىڭايتقىش، تۇراقتىلىققا يە تىڭايتقىش، بيولوگيالىق ازوت جينايتىن، كومىرتەگى قورىن مولايتاتىن تىڭايتقىش جانە تۇينەك باكتەرياسى ءدارى - دارمەكتەرى سياقتى ونىمدەردى ەنگىزىپ، داقىل ءونىم مولشەرىنىڭ قاجەتىنە نەگىزدەلەتىن حيميالىق تىڭايتقىشتىڭ مولشەرىن ازايتىپ، ونىمدىلىگىن ارتتىرۋ، اۋىل شارۋاشىلىق ماشينالارىمەن جانە قاتىستى سەنسورلارمەن ۇشتاستىرىپ، دالمە - ءدال تىڭايتقىش بەرۋ كەرەك. ”14 - بەسجىلدىق“ كەزىندە توپىراق قۇرامىنا قاراي تىڭايتقىش بەرۋدىڭ قامتۋ مولشەرى ％90تەن جوعارى بولادى.

　　3 - شاعىن كەڭەس

ەنەرگيا ۇنەمدەيتىن، جوعارى ءونىمدى اۋىل شارۋاشىلىق ماشينالارى ديزەل موتورىن جالپىلاستىرۋ

ەنەرگيا ۇنەمدەيتىن، جوعارى ءونىمدى اۋىل شارۋاشىلىق ماشينالارى ديزەل موتورىن جالپىلاستىرۋ ارقىلى اۋىل شارۋاشىلىق ماشينالارىنىڭ كومىر قىشقىل گازىن شىعارۋىن ازايتۋعا بولادى. ديزەل ماشينالارىنىڭ ماي ورتەۋ ونىمدىلىگىن جوعارىلاتىپ، ماي شىعىنىن تومەندەتىپ، تۋ باستان شىعارىلۋىن ازايتۋ كەرەك. اينالمالى اۋا كىرۋ، ورتالىق اۋا سالقىنداتقىش تۋربيناسىندا قىسىمدى ارتتىرۋ، جوعارى قىسىمدى ورتاق رەليس سياقتى ديزەل ماشينالارىنىڭ قىسىمىن تومەندەتىپ، مايدى ۇنەمدەۋ تەحنيكاسىن جالپىلاستىرۋ كەرەك. قوزعاۋشى كۇش موتورى مەن قوزعاۋشى كۇشكە جاتپايتىن موتور (ماي مەن ەلەكتردى بىردەي قولداناتىن) قۇراماسىن ۇلگى كورسەتىپ جالپىلاستىرۋ ارقىلى اۋىل شارۋاشىلىق ماشينالارىنىڭ قوزعاۋشى كۇش شىعارۋىن جۇزەگە اسىرىپ نەمەسە ەلەكتر قۋاتىن تراكتور قوزعاۋشى كۇشى رەتىندە تىكە پايدالانىپ، ديزەل سياقتى قازىندى ەنەرگيالاردىڭ ورنىنا قولدانىپ، جوعارى ءونىمدى، تومەن شىعارىلىمدى بولۋ نىساناسىنا جەتۋگە بولادى.