حابارىن جازىپ، سۋرەتتى تۇسىرگەن  ۋاڭ جىحۋا (ٴوز ٴتىلشىمىز)

سۋرەتتە: حى حۇيجۇن وجاۋقاباق سۋرەتىن سالۋدا.

4 - ايدىڭ 2 - كۇنى قۇلجانىڭ كونە قالا رايونىنداعى قازانشى ۇلتتىق سالت - سانا ساياحات تۇيىنىندەگى حى حۇيجۇننىڭ قىزمەت كەڭسەسىندە حى حۇيجۇن وجاۋقاباققا سۋرەت سىزا ٴجۇرىپ، كەزدەمە سۋرەت، وجاۋقاباق سياقتى ساياحات ەستەلىك بۇيىمدارىن ساتىپ، جۇرت نازارىن ەرەكشە اۋداردى.

سانجى قالاسىندا شۇپەرەك اشەكەي جاسامپازدىعىمەن شۇعىلدانعانىنا 13 جىل بولعان حى حۇيجۇن ىلەنىڭ ساياحات ورتاسى مەن دامۋ جاعدايىنا ٴتانتى بولادى، بيىل 3 ـ ايدا ول ىلەگە كەلىپ شارۋاشىلىق قۇرىپ، قۇلجا قالاسى حاۋلين كەزدەمە كەستەشىلىك قىزمەت كەڭسەسىن قۇردى.

”دوسىمنىڭ تانىستىرۋى جانە ٴوز باسىمنان كەشكەندەرىم مەنى ىلەگە قاتتى قىزىقتىردى. وسى اراعا كەلىپ شارۋاشىلىق قۇرۋ بەكىمىنە كەلگەننەن كەيىن، كورىنىس رايونىنىڭ قىزمەتكەرلەرى ماعان كوپتەگەن قولداۋ جانە كومەك كورسەتتى، ماعان تۋىندىلاردى كورسەتەتىن جانە كۋرسانتتاردى تاربيەلەيتىن ورىن ازىرلەپ بەردى، مەن ولارعا شىن جۇرەكتەن العىس ايتامىن“ دەدى حى حۇيجۇن. ول تاعى بىلاي دەپ تانىستىردى: شۇپەرەك اشەكەي بايىرعى حالىقتىق كەزدەمە ونەرىنەن دامىپ بۇگىنگە جەتكەن جاڭاشا قولونەر، وندا كەزدەمەنى شيكىزات ەتىپ، قيۋ، جاپسىرۋ سياقتى تاسىلدەر ارقىلى ادام، حايۋانات، گۇل، حالىق اڭىزدارى، سالت ـ سانا تۇرمىسى سياقتى سۋرەتتەر سىزىلادى.

10 نەشە جىل دەن قويا شىعارماشىلىقپەن اينالىسقان حى حۇيجۇن شينجياڭداعى اتى ايگىلى ونەرلىگە اينالىپ، تۋىندىلارى تالاي رەت سيلىققا يە بولدى ٴارى ”شينجياڭ تارتۋىنا“ تاڭدالدى. 2009 - جىلى ونىڭ ٴوز الدىنا جاراتقان ”شۇپەرەك اشەكەيدىڭ جاساۋ ٴتاسىلى“ مەملەكەتتىك پاتەنت ۇقىعىنا يە بولدى.

حى حۇيجۇننىڭ ەڭ كوڭىل تولارلىق تۋىندىسى 5 جىلدا سىزىلعان 4.3 مەتر ۇزىندىقتاعى شۇپەرەك اشەكەي «ٴجۇز بالدىرعان» سۋرەتىندە 12 ٴتۇرلى بالالار ويىنى كورىنىسى مەن 100 بالا بەينەلەنگەن، ونداعى بالالار باتپىراۋىق ۇشىرۋ، جاسىرىنباق ويناۋ، تورسىلداق اتۋ سياقتى كورىنىستەرمەن اسەمونەرلىك ٴتۇس العان بالالار الەمىن ايگىلەيدى.

حى حۇيجۇن قازىر سىزىپ وتىرعان وجاۋقاباققا ەكى ايدان استى، وعان ٴبىر تاۋىس سىزىلعان. ”تاۋىس قاۋىرسىنىنىڭ ورنەگىن ٴبىر رەت بوياۋ اسا زور قاجىرلىلىقتى قاجەت ەتەدى. كەلەسى قادامدا مەن 12 مۇقامنىڭ سۋرەتىن سىزىپ، شينجياڭنىڭ وڭىرلىك ەرەكشەلىگىنە يە ٴتىپتى دە كوپ تۋىندىلاردى جاراتۋدى جوسپارلاپ وتىرمىن“. حى حۇيجۇن بىلاي دەدى: مەن ىلەدە شارۋاشىلىق قۇردىم، جەرگىلىكتى ۇكىمەتتىڭ قولداۋىندا، قىزمەت كەڭسەمنىڭ بارعان سايىن دامي تۇسەتىندىگىنە سەنەمىن، وسى ونەردى ٴتىپتى دە كوپ ايەل باۋىرلاستارعا نەمەسە مۇگەدەكتەرگە ۇيرەتىپ، كوپشىلىكتىڭ وسى ونەرگە سۇيەنىپ، كىرىسىن ارتتىرۋىن شىن جۇرەكتەن ٴۇمىت ەتەمىن.

سۋرەتتە: حى حۇيجۇننىڭ شۇپەرەك اشەكەيى.