شينجياڭ اۋرۋدان ساقتانۋ، تىزگىندەۋ ورتالىعى:

　　دەمالىستا ساپارعا شىققاندا قورعانىڭىز

انار بۇلت \ شينجياڭ گازەتىنىڭ ءتىلشىسى سۋ لۋپيڭ 4 - ايدىڭ 28 - كۇنى ۇرىمجىدەن حابارلايدى. ”1 - مامىر“ دەمالىسى قارساڭىندا، اۆتونوميالى رايوندىق اۋرۋدان ساقتانۋ، تىزگىندەۋ ورتالىعى مىنانى ەسكەرتتى: ”1 - مامىر“ دەمالىسىندا ادامداردىڭ زور كولەمدە اعىلۋى ىندەتتىڭ تارالۋ حاۋپىن كۇشەيتۋى مۇمكىن، الايدا ىندەتتىڭ كولەمدى تارالۋ مۇمكىندىگى از. جۇرتشىلىق ساپارعا شىققاندا، جاڭا تيپتى ايدارشا ۆيرۋسپەن جۇعىمدالۋدان ساقتانۋعا ۇزدىكسىز باسا ءمان بەرۋى، سونىمەن بىرگە تاعى باسقا دا ماۋسىمدىق جۇقپالى اۋرۋلاردان ساقتانۋدى ويداعىداي ىستەۋى كەرەك. اۆتونوميالى رايوندىق اۋرۋدان ساقتانۋ، تىزگىندەۋ ورتالىعىنىڭ زارارسىزداندىرۋ جانە جۇعىمدالۋدى تىزگىندەۋ ورتالىعىنىڭ ورىنباسار مەڭگەرۋشىسى جاڭ يان مىنانى ۇسىندى: جۇرتشىلىق ساپارعا شىققاندا، مىناداي ەكى جاقتى دايىندىقتى جاقسى ىستەۋى كەرەك: ءبىرىنشى، ساپارعا شىققاندا، نەمەسە ساپار بارىسىندا ءوز دەنساۋلىعىن قاداعالاۋ، ەگەر قىزۋ، جوتەلۋ، تاماعى اۋرۋ سياقتى اۋرۋ بەلگىلەرى بايقالسا، دەر كەزىندە حىسۋان تەكسەرتۋى جانە انتيگەن تەكسەرۋىن ىستەۋى، اۋىرعان كەزدە الەۋمەتتىك قاتىناس قۇرالدارىنا وتىرىپ سىرتقا شىقپاۋى كەرەك؛ ەكىنشى، باراتىن جەردىڭ جۇقپالى اۋرۋ ىندەتى جاعدايىن ءجىتى قاداعالاپ، باعىتتامالى تۇردە ساقتانۋ - قورعانۋ دايىندىعىن جاقسى ىستەۋ كەرەك. ساپار بارىسىندا وزىندىك قورعانۋدى ويداعىداي ىستەپ، تاماشا تازالىق ادەتىن ساقتاۋ كەرەك.

”ماسكا تاعۋ − تىنىس جولى جۇقپالى اۋرۋلارىنان ساقتانۋدىڭ ەڭ ءونىمدى شارالارىنىڭ ءبىرى، جۇعىمدالۋشىنىڭ ۆيرۋس تاراتۋىنان ساقتانۋعا بولادى، سونىمەن بىرگە ساۋ ادامنىڭ ۆيرۋسپەن جۇعىمدالماۋىن قامتاماسىز ەتەدى“. جاڭ يان بىلاي دەدى: جاڭا تيپتى ايدارشا ۆيرۋسپەن جۇعىمدالۋعا ”B تۇردەگى A باسقارۋدى“ اتقارعان كەزدە، مەملەكەت ماسكا تاعۋ جونىندە ىلگەرىندى - كەيىندى 5 نۇسقادا نۇسقاۋ شىعاردى، بۇل جۇرتشىلىقتىڭ ماسكانى دۇرىس تاعۋىنا جەتەكشىلىك ەتىپ، جۇرتشىلىقتىڭ دەنساۋلىعىن قورعاۋدا، ىندەتتىڭ تارالۋىنان ءونىمدى ساقتانۋدا ماڭىزدى رول اتقاردى. ەڭ جاڭا جاريالانعان «جاڭا تيپتى ايدارشا ۆيرۋسپەن جۇعىمدالۋدىڭ الدىن الۋدا جۇرتشىلىقتى ماسكا تاعۋعا جەتەكشىلىك ەتۋ (2023 - جىلى 4 - اي نۇسقاسىندا)»، قازىرگى كەزدەگى ىندەت جاعدايى مەن جاڭا تيپتى ايدارشا ۆيرۋستىڭ قاتەرىنىڭ وزگەرىسىنە نەگىزدەلىپ، ماسكا تاعۋعا ءتيىستى جاعدايلار مەن ورىنداردى اناعۇرلىم ازايتىپ، ساقتانۋ - تىزگىندەۋ ونىمىنە كەپىلدىك ەتۋ نەگىزىندە، جۇرتشىلىقتىڭ وندىرىسىنە، تۇرمىسىنا جاسايتىن ىقپالدى مۇمكىندىكتىڭ بارىنشا ازايتىپ، تۇرمىس، قىزمەت، ۇيرەنۋ سياقتى جۇرتشىلىقپەن تىعىز قاتىستى ۇنەمىلىك جاعدايلارعا جانە ورىندارعا مەڭزەس، ماسكا تاعۋ كەرەك، ماسكا تاعۋعا ۇسىنىس بەرۋ، ماسكا تاقپاسا دا بولادى سىندى تۇرگە ءبولۋ ۇسىنىسىن العا قويدى. مىسالى، جۇرتشىلىق جاڭا تيپتى ايدارشا ۆيرۋسپەن جۇعىمدالعان كەزدە نەمەسە جاڭا تيپتى ايدارشا ۆيرۋسپەن جۇعىمدالۋدىڭ بەلگىسى بايقالعان كەزدە ماسكا تاعۋى كەرەك؛ ەرەن بازار، كينو - تەاترحانا، جولاۋشىلار بەكەتى سياقتى ادامدار كوپ جەردە نەمەسە جابىق ورتادا، ادامدار توپتاسقان اۋماقتاردا نەمەسە ورىنداردا، قارتتار، سوزىلمالى نەگىزدىك اۋرۋى بارلار، جۇكتى ايەلدەر سياقتى ەرەكشە قاۋىم بولمەلىك الەۋمەتتىك ورىندارعا بارعاندا ماسكا تاعۋدى ۇسىنىس ەتەمىز؛ اشىق الاڭ، باقشا سياقتى سىرتقى ورىنداردا نەمەسە ادامدار سالىستىرمالى تۇردە تۇراقتى بولمەلىك ورىنداردا جانە جيىن زالىندا ماسكا تاقپاۋعا بولادى.

”جۇرتشىلىق سول جەردىڭ ىندەتتەن ساقتانۋ - تىزگىندەۋ بەلگىلەمەسىنە ساي، سونداي - اق ءوزىنىڭ دەنساۋلىق جاعدايىنا قاراي بەلگىلەپ، ءوزىنىڭ دەنساۋلىعىن قورعاپ، ىندەتتىڭ تارالۋىنان ساقتانىپ، ءوز دەنساۋلىعىنىڭ ءبىرىنشى جاۋاپتى ادامى بولۋى كەرەك“، - دەدى جاڭ يان.