1. ۆيتامين A قۇرامى مول جەمىستەردى كوپ تۇتىنۋ　　

ۆيتامين A جەتىسپەگەن جاعدايدا كوزدىڭ قاراڭعىلىققا بەيىمدەلۋ قۋاتى تومەندەي باستايدى، اسقىنا كەلە تۇندە كورمەۋ اۋرۋىنا دۋشار ەتۋى مۇمكىن. ۆيتامين A كوز قۇرعاۋ اۋرۋىنىڭ الدىن الادى ءارى ەمدەي الادى، سوندىقتان كۇن سايىن جەتكىلىكتى مولشەردە ۆيتامين A قابىلداعان ءجون.

ۆيتامين A قۇرامى مول جەمىستەر

ورىك، قاۋىن، شابدالى جانە فانمۋگۋا.

　　2. ۆيتامين B توبى مول جەمىستەردى كوپ تۇتىنۋ

كوزدىڭ تور قابىعىندا ەداۋىر مولشەردە ەركىن كۇيدەگى ۆيتامين B2ى بولادى. ۆيتامين B توبى كەمشىل بولسا كوزدىڭ جارىقتان جاسقانۋى، جاس اعۋ، كۇيىپ اۋىرۋ ءارى قىشۋ، كورۋ تۇيسىگىنىڭ السىرەۋى، كوز اياسىنىڭ قۇرىسۋى سياقتى بەلگىلەر بايقالادى.

ۆيتامين B قۇرامى مول جەمىستەر

بانان، ءجۇزىم، المۇرت، تۇكتى شابدالى.

　　3. ۆيتامين C قۇرامى مول جەمىستەردى كوبىرەك تۇتىنۋ

كوزدىڭ كريستالدى دەنەسىندە قىرۋار ۆيتامين C بار، ول توتىعۋعا قارسى تۇراتىن زات رەتىندە كوزدى قورعاۋ رولىن اتقارادى، ۆيتامين C جەتكىلىكسىز بولسا كوزدى شەل باسۋى مۇمكىن. ۆيتامين C قۇرامى مول جەمىستەردى كوبىرەك تۇتىنعاندا كوزدىڭ كريستالدى دەنەسىنىڭ قۇرامىنداعى ۆيتامين C قۇرامىن ارتتىرىپ، توتىعۋعا قارسىلىق رولىن جوعارىلاتۋعا، ەركىن راديكالداردىڭ كوزدى زاقىمداۋىن ازايتۋعا بولادى.

ۆيتامين C قۇرامى مول جەمىستەر

فانشىليۋ، تۇكتى شابدالى، بۇلدىرگەن، قىزاناق.

　　4. سارى، جاسىل ءتۇستى جەمىستەردى كوبىرەك تۇتىنۋ

بۇل تەكتەس جەمىستەردىڭ قۇرامىندا ليۋتەين جانە جۇگەرى سارىسى بار، وسى ەكى ءتۇرلى پيگمەنت دەنەگە ەنگەن سوڭ كوزدىڭ ارتقى بولىگىندەگى جارىققا سەزىمتال تكاندارعا جيىلىپ، وسى تكاندار كوك ساۋلەنى ءسۇزۋ ارقىلى كوزدى قورعاۋ رولىن اتقارادى.

　　5. شاي جاناردى نۇرلاندىرادى

الاقات، كۇرەڭكەي، مايتاران سياقتىلار كورۋ قۋاتىنىڭ سالاماتتىعىنا وتە پايدالى، اسىرەسە ۇزاق ۋاقىت كومپيۋتەرگە تەلمىرەتىن كەڭسە قىزمەتكەرلەرىنە باپ كەلەدى.

كۇرەڭكەي شايىن ۇنەمى ىشكەندە ىستىقتى ايداپ، جاناردى نۇرلاندىرادى، الاقات باۋىردىڭ ىستىعىن ايداپ، جاناردى نۇرلاندىرىپ، كورۋ قۋاتىن قورعاۋدا ەلەۋلى رول اتقارادى.

شاي ءىشۋ كورۋ قۋاتىنىڭ السىرەۋىنىڭ الدىن الادى ءارى كورۋ قۋاتىن قالپىنا كەلتىرۋگە كومەكتەسەدى. حالىقارادا شاي ءىشۋدىڭ رادياتسياعا قارسى تۇرۋ رولى بار، كومپيۋتەر ەكرانىنىڭ X ساۋلەسىنىڭ رادياتسياسىنىڭ زيانىن ازايتادى دەگەن ۇعىم جاپپاي تارالعان.