قۇمدان ٴمالى الەۋمەتتىك اۋماعى:
مەيىرگە تولى مامىر ايىندا انالارعا العىس ايتتى
پراكتيكانت ٴتىلشى جاڭ جيايۋان حابارلايدى. 5 - ايدىڭ 11 - كۇنى قۇلجا قالاسى ىلە وزەنى جولى ٴمالى باسقارماسى قۇمدان ٴمالى الەۋمەتتىك اۋماعىنداعى ٴبىر تۇرعىننىڭ اۋلاسىندا 15 ”ۇزدىك انا“ ۋاكىلى الەۋمەتتىك اۋماقتىڭ 1 - شۋجيى مەن پارتيا ياچەيكاسىنىڭ شۋجيىنەن تەرەڭ سۇيىسپەنشىلىككە تولى ساۋعا الدى. بۇل − قۇمدان ٴمالى الەۋمەتتىك اۋماعى پارتيا ياچەيكاسى مەن قىزمەت اترەتى بىرلەسىپ ورىستەتكەن ۇلتتار ىنتىماعى ايىنداعى انالارعا قۇرمەت ٴبىلدىرۋ جونىندەگى نەگىزگى تاقىرىپتىق قيمىل ەدى.
انالار دەنساۋلىعىنا اناعۇرلىم كوڭىل ٴبولۋ ٴۇشىن الەۋمەتتىك اۋماق ايەلدەردىڭ دەنساۋلىق بىلىمدەرى جونىندە ۇگىت ـ لەكسيا جاسادى. بۇقارانىڭ ٴىس جۇزىندىك قاجەتىمەن ۇشتاستىرىپ، ۇگىت ـ لەكسيا جاساۋشىلار فيزيولوگيالىق اقاۋسىزدىق بىلىمدەرىن ەگجەي ـ تەگجەيلى ٴتۇسىندىرىپ، بارشا ايەلدەردى سالاماتتىق ت−انىمىن ورناتۋعا، ٴوزىنىڭ دەنساۋلىعىنا كوڭىل بولۋگە جەتەكتەدى.
قيمىل بارىسىندا قۇلجا قالالىق باس جۇمىسشى ۇيىمى ىلە ٴان - ٴبي تەاترحاناسىنىڭ ارتيستەرىن ۇسىنىس ەتىپ، تاماشا ادەبيەت - كوركەمونەر ويىندارىن قويدى، مۇنىڭ ىشىندە ”سۇلۋ بويجەتكەندى“ اۋلاداعىلار قوسىلا ايتىپ، كورەرمەندەر ارت - ارتىنان ورىندالعان مۋزيكانىڭ ٴلاززاتىنا شومدى.
”بۇگىن باعىما جاراي الەۋمەتتىك اۋماقتاعى <ۇزدىك انا> بولىپ باعالاندىم، بۇل مەنى ايرىقشا قۋانتتى، ايەلدەردىڭ وتباسىنداعى بەرگەن بوداۋى ەسكەرىلىپ ٴارى الەۋمەتتىك اۋماقتىڭ مويىنداۋىنا يە بولدى، بۇل مەن ٴۇشىن اسا زور شابىت بولدى“ دەدى قۇمدان ٴمالى الەۋمەتتىك اۋماعىنىڭ تۇرعىنى لاڭ فىڭچين.
قۇمدان ٴمالى الەۋمەتتىك اۋماعى پارتيا ياچەيكاسىنىڭ شۋجيى تاڭ چيحان بىلاي دەدى: ”بۇدان كەيىن الەۋمەتتىك اۋماق ٴداستۇرلى تاماشا ٴمورالدى ۇزدىكسىز ساۋلەلەندىرۋدى ٴوز مىندەتى ەتىپ، كوپ جاقتىڭ توعىسۋى جولىندا جاڭالىق اشىپ، قاراستى اۋماقتاعى تۇرعىندارعا اناعۇرلىم كوپ جاقتان ايتۋلى قىزمەت كورسەتىپ، قاراستى اۋماقتاعى تۇرعىنداردىڭ باقىتىنىڭ تىڭ بيىگىن تۇلعالايدى“.
سۋرەتتە: 5 ـ ايدىڭ 11 ـ كۇنى قۇمدان ٴمالى الەۋمەتتىك اۋماعىنىڭ 1 - شۋجيى، قىزمەت اترەتىنىڭ باستىعى جىڭ شۋەتاۋ ”ۇزدىك انا“ ۋاكىلدەرىنە گۇل ۇسىندى. جاڭ جيايۋان فوتوسى