ٴتىلشىمىز لي جيان حابارلايدى. ”قىستاعىمىز مىنە وسىنداي!“ 5 - ايدىڭ 9 - كۇنى تۇستە قۇلجا اۋدانى قاس قالاشىعى تۇردىجۇزى قىستاعىنىڭ 76 جاستاعى تۇرعىنى ياڭ شياۋميڭ تىلشىگە باس بارماعىن شىعارىپ: ”ٴبىر جولعى تاماعىمىز 5 يۋان، ورتاسى تازا، تاماعى ٴدامدى، تويعانشا جەۋگە بولادى، سىزشە قىستاعىمىز قالاي ەكەن؟ قىستاعىمىز بۇقارا ٴۇشىن، ۇرپاق ٴۇشىن راسىندا دا ۇلكەن يگى ىستەر ىستەپ بەرۋدە! “
ياڭ شياۋميڭ ايتقان ”ۇلكەن يگى ٴىس“ − تۇردىجۇزى قىستاعىنىڭ قارتتاردى كۇتىمدەۋ، بالالاردى اماناتتاۋ قىزمەت وتەۋ ورتالىعى قاس قالاشىعى پارتكومىنىڭ قولداۋىندا 5 - ايدىڭ 6 - كۇنى رەسمي جۇمىس باستاعان ەدى.
ٴتىلشىنىڭ تىلشىلىك ىستەگەن كەزى ٴدال تۇسكى تاماق ۋاعى بولاتىن، ٴبىر توپ بالا الاقايلاي اسحاناعا كىرىپ، قاتارعا تۇرىپ، تاماق رەتىن كۇتتى. بالالار جاپ - جارىق اسحانادا ساباقتاستارىمەن بىرگە تاماقتاندى. تويماعاندارى ىدىسىن الىپ بارىپ قايتا قاتارعا تۇرىپ، تاعى دا تاماق سالدىرىپ الماقشى بولدى.
قاس قالاشىق سەنترلى باستاۋىش مەكتەپ 2 - جىلدىعىنىڭ وقۋشىسى ابدوللا تۇرسىنمامەت تاماعىن سالعىزىپ العاننان كەيىن، ورنىنا وتىردى دا تاماعىن جەي وتىرىپ، تىلشىگە ٴوزىنىڭ ٴار كۇنى تۇستە وسىندا كەلىپ تاماقتاناتىندىعىن ايتىپ، ”كەشە پالاۋ ەدى، بۇگىن لاعمان، وتە ٴدامدى“ دەپ جاۋاپ بەردى. ول: ”شەشەسىنىڭ وتە الىستا جۇمىس ىستەيتىنىن، تۇستە ۇيدە تەك اتاسى مەن اجەسى عانا قالاتىنىن، اتاسىنىڭ 80 جاستان اسقانىن، ولاردىڭ جاساعان تاماعىنىڭ مۇنداعىداي ٴدامدى ەمەس ەكەنىن“ ايتتى.
نۇرمامەت توقتاقۇن قاريا مەن ونىڭ زامانداستارى اسحانانىڭ سىرتىنداعى اعاشتىڭ كولەڭكەسىندە وتىرىپ تاماقتاندى. ول: ”بالالارىمىز قاربالاس، تاماق جاساۋعا ۋاقىتتارى جوق، بۇرىندارى تۇستە ٴسۇتتى شاي ىشە سالاتىنبىز. قازىر جاقسى بولدى، قىزمەت وتەۋ ورتالىعىنىڭ تاماعى ٴدامدى ٴارى ارزان، قارتتار مەن بالالار وسى ارادان تاماقتانادى، ۇيدەگىلەر دە الاڭسىز بولدى“ دەدى.
ٴتىلشىنىڭ ۇعىسۋىنا قاراعاندا، تۇردىجۇزى قىستاعى قاس قالاشىعى سەنترلى باستاۋىش مەكتەبى، قاس قالاشىق ورتا مەكتەپ تۇرعان جەر ەكەن.
”ٴبىز الدىمەن تۇردىجۇزى قىستاعىنداعى قارتتاردى كۇتىمدەۋ، بالالاردى اماناتتاۋ قىزمەت وتەۋ ورتالىعىن قۇرىپ، وقۋعا تۇسكەن بالالاردىڭ تۇستە وقۋدان تاراعاندا تاماقتانۋىنا، دەمالۋىنا مۇمكىندىك جاسادىق، سىرتقا شىعىپ جۇمىس ىستەگەن قىرۋار قىستاق تۇرعىنىن ۋايىمنان ارىلتىپ، وتباسىنىڭ كىرىسىن ارتتىردىق“ دەدى قاس قالاشىق پارتكومنىڭ ورىنباسار شۋجيى چاڭ يۇيفۋ. بۇدان سىرت، قاجەتى تۇسكەن وتباسىلارى ٴۇشىن قىزمەت وتەۋ ورتالىعىمىز وقۋدان تاراعان بالالارعا تەگىن قىزمەت وتەيدى، ۇسىنىس ەتىلگەن وقىتۋشىلار ولارعا تاپسىرما پىسىقتاتىپ، حاتكەرلىك، سۋرەت سالۋ سياقتى كۋرستار اشتى. ”قىستاق تۇرعىندارى جۇمىستان تۇسكەننەن كەيىن وسى اراعا كەلىپ، بالالاردى، قارتتاردى ۇيىنە اكەتەدى“ دەدى چاڭ يۇيفۋ.
قاس قالاشىقتىق پارتكومنىڭ شۋجيى ما يان تىلشىگە بىلاي دەدى: قازىر قىزمەت وتەۋ ورتالىعىنىڭ جۇمىس جۇرگىزۋ قاراجاتى، بىرىنشىدەن، حالىق ىستەرى تاراۋلارىنىڭ ارناۋلى قارجىسىنان، ەكىنشىدەن، قىستاق كوللەكتيۆىنىڭ كىرىسىنەن شىعارىلادى، ”سوڭعى مەزگىلدە وسى ارادان تاماقتاناتىن قارتتار مەن بالالار ٴتىپتى دە كوبەيدى، كىرىس پەن شىعىستى نەگىزىنەن تەڭگەرۋگە بولادى، ٴبىرىنشى كۇنى 30 نەشە ادام تاماقتانعان ەدى، بۇگىن 200 نەشە ادام كەلدى“.
ٴتىلشى تۇسكى تاماقتان كەيىن بالالاردىڭ كەيبىرەۋىنىڭ كۇن شۋاقتا سەكىرىپ ويناپ جۇرگەنىن، كەيبىرەۋىنىڭ دەنە شىنىقتىرىپ، كەيبىرەۋىنىڭ انار ٴدانى قىزمەت وتەۋ پۋنكتىنىڭ كىتاپ بولمەسىندە كىتاپ وقىپ وتىرعانىن، كەيبىرەۋىنىڭ كوڭىل اشۋ بولمەسىندە كوڭىلدى جۇرگەنىن كوردى. قارتتار تۇسكى تاماقتان كەيىن حاتكەرلىك بولمەسىنە بارىپ حاتكەرلىككە جاتتىعادى نەمەسە شاحمات ويناۋعا كىرىسەدى.
”قارتتاردى كۇتىمدەۋ، بالالاردى اماناتتاۋ قىزمەت وتەۋ ورتالىعى ارقىلى ٴوزىمىز قۇرعان انار ٴدانى قىزمەت وتەۋ پۋنكتىنىڭ ٴوز رولىن تولىق ساۋلەلەندىرىپ، جۇرت تىلەگىن ۇيىستىرۋىنا مۇمكىندىك جاسادىق“ دەدى ما يان.
5 ـ ايدىڭ 9 ـ كۇنى قۇلجا اۋدانى قاس قالاشىعى تۇردىجۇزى قىستاعىنداعى قارتتار مەن بالالاردى كۇتىمدەۋ قىزمەت وتەۋ ورتالىعىنان تۇستەنگەن قارتتار: وسى ارادان 5 يۋانعا تويا تاماقتانۋعا بولاتىنىن، ورتاسى تازا، تاماعى ٴدامدى ەكەنىن ايتتى. سۋرەتتى لي جيان تۇسىرگەن