وبلىستىق شينحۋا شيپاحاناسى ”دۇنيە جۇزىلىك جوعارى قان قىسىم كۇنى“ تاقىرىبىنداعى اقىسىز دياگنوز قويۋ ۇگىت قيمىلىن ورىستەتتى 

ٴتىلشىمىز سۇن ي - نان حابارلايدى. 5 - ايدىڭ 17 ـ كۇنى − 21 ـ رەتكى ”دۇنيە جۇزىلىك جوعارى قان قىسىم كۇنى“، قيمىلدىڭ بيىلعى باستى تاقىرىبى − ”دالمە ـ ٴدال ولشەۋ، ٴونىمدى تەجەۋ، ساۋ ـ سالامات ۇزاق ٴومىر ٴسۇرۋ“. 5 - ايدىڭ 16 - كۇنى ىلە وبلىستىق شينحۋا شيپاحاناسى ”دۇنيە جۇزىلىك جوعارى قان قىسىم كۇنى“ نەگىزگى تاقىرىبىندا اقىسىز دياگنوز قويۋمەن بىرگە، ۇگىت قيمىلىن دا ورىستەتتى، مۇنداعى ماقسات − بۇقارانىڭ جوعارى قان قىسىم اۋرۋىنىڭ حاۋىپى جونىندەگى تانىمىن جوعارىلاتىپ، بۇقارانىڭ جوعارى قان قىسىمىنان ٴونىمدى ساقتانۋىنا، ونى تەجەۋىنە، ٴوزىن - ٴوزى باسقارۋ تانىمىن كۇشەيتۋىنە قول ۇشىن بەرۋ. 

سول كۇنگى قيمىل الاڭىندا وبلىستىق شينحۋا شيپاحاناسىنىڭ ەمدەۋ قىزمەتكەرلەرى قالا تۇرعىندارىنا ۇگىت قولدانباسىن تاراتتى ٴارى قان قىسىمىن، قاننىڭ قۇرامىن تەگىن ولشەپ، قان قىسىمىن باقىلاۋ مالىمەتىن ٴتۇسىندىردى، جوعارى قان قىسىمىنىڭ الدىن الۋ جانە ونى ەمدەۋ بىلىمدەرىن ۇعىندىرىپ،  دياگنوز قويۋ جوباسىنا جەكە - جەكە جەتەكشىلىك ەتتى. 

اقىل - كەڭەس سۇراي كەلگەن قالا تۇرعىندارى بىلاي دەدى: وسى رەتكى اقىسىز دياگنوز قويۋ جانە ۇگىت قيمىلى ارقىلى جوعارى قان قىسىم جونىندەگى تانىم ورەمىز بەن ساقتانۋ جانە ەمدەۋ تانىمىمىز جوعارىلاپ، ٴوز دەنساۋلىعىمىزدى قورعاۋ تانىمىمىز كۇشەيدى، بۇدان بىلاي وسى تەكتەس قيمىلداردىڭ كوبىرەك ورىستەتىلۋىن ٴۇمىت ەتەمىز.

وبلىستىق شينحۋا شيپاحاناسى جوعارى قان قىسىمى ٴبولىمىنىڭ مەڭگەرۋشىسى ۋ جيڭجيڭ بىلاي دەدى: جوعارى قان قىسىمى − جۇرەك، مي قان تامىر اۋرۋلارىن تۋدىراتىن ماڭىزدى فاكتور، قازىر جوعارى قان قىسىمى ناۋقاستارىنىڭ سانى كوپ، ٴبىراق ٴتۇسىنۋ مولشەرىن، ەمدەۋ مولشەرىن جانە تەجەۋ مولشەرىن ٴالى دە جوعارىلاتۋعا تۋرا كەلەدى. ٴبىز اقىسىز دياگنوز قويۋ قيمىلى ارقىلى ٴتىپتى دە كوپ بۇقاراعا قاتىستى بىلىمدەردى جالپىلاستىرۋدى ٴۇمىت ەتەمىز.

سۋرەتتە: ەمدەۋ قىزمەتكەرلەرى قالا تۇرعىندارىنا جوعارى قان قىسىم اۋرۋىنان ساقتانۋ جانە ونى ەمدەۋ بىلىمدەرىن تۇسىندىرۋدە. 

سۇن ي - نان فوتوسى