ٴتىلشىمىز لاي يۇينيڭ، جاڭ چيڭحۋا حابارلايدى. 6 - ايدىڭ ورتا شەنىنەن باستاپ ىلەنىڭ جەر - جەرى كۇلگىن ٴتۇستى گۇل القابىنا اينالىپ، ساياحاتشىلار جۇپار ٴشوپ گۇلى اتىزىندا كۇلگىن ٴتۇستى رومانتيكالى ساتتەردەن ٴلاززاتتانا الاتىن بولدى.

5 - ايدىڭ 31 - كۇنى قورعاس اۋدانى ٴۇرىمجى قالاسىندا اقپار جاريالاۋ ٴماجىلىسىن اشىپ، ماجىلىسكە قاتىناسقان ورتالىقتىڭ شينجياڭدا تۇراتىن 10 نەشە اقپارات قۇرالدارىنا جانە نەشە ونداعان ساياحات مەكەمەسىنە جۋىردا وتكىزىلەتىن جۇپار ٴشوپ مادەنيەتى حالىقارالىق ساياحات مەرەكەسىنىڭ قاتىستى مازمۇندارىن تانىستىردى، 2023 ـ جىلعى ىلە . حالىقارالىق ساياحات اڭعارى قورعاس 12 ـ كەزەكتى جۇپار ٴشوپ مادەنيەتى حالىقارالىق ساياحات مەرەكەسى 6 - ايدىڭ 15 - كۇنى سالتاناتپەن باستالدى.

قورعاس اۋدانى مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى ما يۇي بىلاي دەپ تانىستىردى: ساياحات مەرەكەسى كەزىندە ساياحاتشىلار قورعاس اۋدانىنىڭ شياڭشۇي باقشاسىندا تاماشا سەرىك ويىندارىن، ۇشقىش اپپاراتپەن كورسەتىلگەن كەڭىستىكتەگى شىراق سالتاناتىن تاماشالاپ، جۇپار ٴشوپ نەگىزگى تاقىرىبىنداعى ەلەكتروندى مۋزيكا اسپاپتارى اۋەنى مەرەكەسىنە قاتىناسىپ، ٴدامدى تاعامداردى تاتىپ كورىپ، جاسامپازدىققا تولى ٴتۇرلى بۇيىمداردى تاڭداپ الۋىنا، لۋساۋگۋ قالاشىعىنىڭ قوڭىر قىستاعىنداعى (سىگۇڭ قىستاعى) جيەيۋ حانىشا جۇپار ٴشوپ ەگىس الاڭىندا ٴوز كولىگىمەن ساياحاتتاۋدىڭ باستالۋ سالتىنا، مارافون جارىسى سياقتى ٴتۇرلى باي مازمۇندى جەلىلەس قيمىلدارعا قاتىناسادى. سونىمەن بىرگە، كۇرە بايىرعى قالاسىنا بارىپ قالا قاقپاسىن اشۋ سالتىن تاماشالاپ، كۇرە بايىرعى قالاسىنىڭ تاريحي مادەنيەت تارتىمدىلىعىن سەزىنەدى، ىلە گەنەرال سارايىنا بارىپ ”شەكاراعا جەتكەن قاسيەتتى جارلىق“ اتتى مەلوديانى كورۋىنە دە، كۇرە قالاشىعىنىڭ شاعىن تاۋارلار ورتالىعىنداعى ”بەيزاتتىق مادەني مۇراعاتتار جيناعى“ جەلىلەس قيمىلدارىن تاماشالاۋىنا دا بولادى.

جيە يۋ حانىشا ساۋدا سەرىكتىگى باس ديرەكتورىنىڭ كومەكشىسى جاڭ جىچياڭ اقپار جاريالاۋ جيىنىندا كورىنىس رايونىن تانىستىرىپ بىلاي دەدى: سەرىكتەستىك ابزال كاسىپ سالاسىنىڭ ورنالاسۋىنا سۇيەنىپ، 7 - كەزەكتى جيە يۋ حانىشا جۇپار ٴشوپ كارناۆال قيمىلى كەزىندە 3 ۇلكەن بولەك، 12 ٴتۇرلى تاقىرىپتىق ساياحات جەلىلەس قيمىلىن وتكىزەدى، مۇنداعى ماقسات جۇپار ٴشوپ مەرەكەسى مەن جيە يۋ حانىشانىڭ تويىن قورعاستىڭ جۇپار ٴشوپ ساياحاتىنا ۋاكىلدىك ەتەتىن ايگىلى ماركاعا جانە جۇپار ٴشوپ تاقىرىپتىق ساياحاتىنىڭ تىڭ بەلەسىنە، جاڭا جارقىن تۇيىنىنە اينالدىرىپ، قورعاس قالاسىنا كەلگەن بارلىق ادامدى بىرگە يگىلىكتەنۋشىگە، بىرگە جالپىلاستىرۋشىعا، بىرگە ٴان سالۋشىعا، بىرگە ٴبي بيلەۋشىگە، قورعاستىڭ جۇپار ٴشوپ كاسىبىن بىرگە ۇگىتتەۋشىگە، جيە يۋ حانىشانى قورعاس قالاسىنا تاۋەلدى جالپى وڭىرلىك ساياحات مەرەكەسى ماركاسىنا جانە ”مادەنيەت + ساياحات“ حالىقارالىق ساياحات وبرازى ماركاسىنا اينالدىرامىز.

شينجياڭ حۋاشيا حالىقارالىق ساياحات قوعامى شەكتى سەرىكتەستىگىنىڭ باس مەڭگەرۋشىسى، شينجياڭ ساياحاتقا قىزمەت وتەۋ سالاسىن ساۋدا قوعامى زەرتتەۋ ـ ۇيرەنۋ ساياحاتى قايىر ـ ساحابات الەۋمەتتىك يگىلىك كوميتەتىنىڭ مەڭگەرۋشىسى سۇن يۋە ىلەنىڭ ساياحات كاسىبىنىڭ دامۋى مەن بولاشاعىنا ەرەكشە نازار اۋداردى. ول بىلاي دەدى: سەرىكتەستىك ٴار جىلى شينجياڭنىڭ ٴىشى ـ سىرتىنان كوپتەگەن ساياحاتشىنى ىلەگە ساياحاتتاۋعا ۇيىمداستىرادى، مۇنىڭ ىشىندە جۇپار ٴشوپ ساياحات قيمىلى − سەرىكتەستىك ٴتۇيىندى تانىستىراتىن ساياحات نىساندارىنىڭ ٴبىرى. اقپار جاريالاۋ ماجىلىسىنەن قورعاس اۋدانى جۇپار ٴشوپ زەرتتەۋ ـ ۇيرەنۋ بازاسىن قۇراتىندىعىن ۇعىسقاننان كەيىن ول بۇل نىسانعا قاتتى قىزىعىپ، قورعاس اۋدانىنا ادام جىبەرىپ ناق مايداندا تەكسەرۋ جۇرگىزىپ، قىزمەتتى ٴتۇيىستىرىپ، وسى نىساننىڭ سەرىكتەستىكتىڭ ساياحات نىسانىنداعى جارقىن تۇيىنگە اينالۋىن ٴۇمىت ەتتى.

كەزەكتە 10 مىڭ مۋلىق كۇلگىن گۇل القابى، 100 جىلدىق تاريحي بايىرعى قالاشىق، اسەرگە تولى جاسىل القاپتاعى قۇمدى ٴشول، سىرلى فۋشوۋشان تاۋى كورىنىسى، وڭىرلىك ەرەكشەلىككە يە ٴدامدى تاعامدار... ”ٴداۋىر اعىمى مەن كوركەمونەر، تاريح پەن ٴداستۇر “ جاراسىم تاپقان گۇلدى دانەكەر ەتكەن باس قوسۋلار بولماق!