7 - ايدىڭ 26 ـ كۇنى بيڭتۋان 4 ـ شىسى 68 ـ تۋانىنداعى ٴبىر كۇرىش اتىزىندا ”جۇڭگونىڭ اس ىدىسىن مىقتاپ ۇستاۋ“ دەگەن جازۋ مەن ”بۋدانداستىرىلعان كۇرىش اتاسى“ يۋان لۇڭپيڭنىڭ مەيىرلى دە باۋىرمال بەينەسى تۇسىرىلگەن كورىنىس كوز تارتادى. جانىنداعى كۇرىش اتىزىنا تاعى ەرەكشە اۋىل شارۋاشىلىق ونىمدەرى تەڭىز شايانى، قىسقىش شايان، سونداي - اق بالالار ۇناتاتىن كارتون ايۋ سۋرەتى كەسكىندەلگەن.

ۇعىسۋعا قاراعاندا، بۇل كورىنىس 68 - تۋاننىڭ چاڭفىڭ كۇرىشى مادەنيەت كورمە سارايىنا ورنالاسقان، يەلەگەن جەر اۋماعى 1000 مۋدان اسادى ەكەن، كۇرىش مادەنيەتىن نەگىزگى تاقىرىپ ەتكەن بۇل باقشا ”جۇڭگونىڭ كورىكتى اۋىل - قىستاعى  − كۇرىش اتىزىنىڭ كوركەم كورىنىسىن“ ايگىلەگەن ەكولوگيالىق ساياحات كاسىپ باقشاسى، مۇنداعى مول ورنەك، وزگەشە كورىنىستەر كوپتەگەن ساياحاتشىنى باۋراعان.

قىزمەتكەرلەردىڭ تانىستىرۋىنشا، ٴتۇستى كۇرىش جەتىلدىرۋ، ورنەكتەردى جوبالاۋ، تۇراقتى ورىندا ولشەۋ - سىزۋ، جاساندى جولمەن ەگۋ ارقىلى سالىنعان اتىز ورنەگى كۇرىشتىڭ بىرتىندەپ وسۋىمەن بارعان سايىن ايشىقتالىپ، ٴار جىلى ماۋسىمنىڭ سوڭىنان قىركۇيەكتىڭ باسىنا دەيىن ەڭ تاماشا تاماشالاۋ مەزگىلىنە وتەدى.

سۋرەتتى ٴتىلشىمىز ليۋ چۇنشيڭ، پراكتيكانت يان يان تۇسىرگەن.