مايتاۋ - كۇشار تاس جولى بويىنداعى كوركەم كورىنىس

توعىزتاراۋ اۋدانىنداعى كولدەنەڭ كورىنىس رايونى

شينجياڭعا ساياحاتتاي كەلسەڭىز باراتىن كوزەۋلى جەرلەرىڭىز قايسىلار؟ مايتاۋ - كۇشار تاس جولى بۇل تىزىمدىكتەن تابىلاتىنى داۋسىز. بيىل جازدىق دەمالىستا شينجياڭنىڭ ساياحات، اس - سۋ سياقتى تۇرمىستىق قىزمەت وتەۋ كاسىبى ايرىقشا جانداندى، مەيتۋان، بۇقارالىق باعالاۋ ساندى مالىمەتىندە كورسەتىلۋىنشە مايتاۋ - كۇشار تاس جولىندا 6 - ايدىڭ 18 - كۇنى اۆتوكولىك قاتىناۋ قالپىنا كەلگەننەن بەرى، ”مايتاۋ - كۇشار تاس جولىنا“ قاتىستى ماتەريالدى توراپتان ىزدەۋ، ساياحات جونىندە كوڭىل بولەتىن ىستەر ەستەلىكتەرى سايكەس مەزگىلدەگىدەن شامامەن %200 ارتقان.

سونىمەن ٴبىر ۋاقىتتا شينجياڭنىڭ ساياحات تاپسىرىسى (قوناق ٴۇي، حالىقتىق تۇسەلحانا، كورىنىس تۇيىندەرىنىڭ ەسىك بەلەتى، قاتىناس سياقتىلاردى قامتيدى) 2019 - جىلعى سايكەس مەزگىلدەگىدەن %150 ارتقان.

ساياحاتتا ەڭ الدىمەن نىسانا ەتىلگەن جەرلەردىڭ كوشىن ٴۇرىمجى قالاسى، ىلە قازاق اۆتونوميالى وبلىسى، بايىنعولين موڭعۇل اۆتونوميالى وبلىسى، قاشقار ايماعى، سانجى حۇيزۋ اۆتونوميالى وبلىسى سياقتى جەرلەر باستاپ تۇر، ”بۇكىل ەل بويىنشا شينجياڭعا ساياحاتتاۋ“ بەتالىسى كورنەكتى بولىپ، ساياحاتشىلار نەگىزىنەن بەيجيڭ، شي ـ ان، چىڭدۋ، شاڭحاي، چۇڭچيڭ سياقتى جەرلەردەن كەلگەن.

ٴتىلشىنىڭ ۇعىسۋىنا قاراعاندا، قازىر مايتاۋ ـ كۇشار تاس جولىنىڭ بويىنداعى كوپتەگەن قوناق ۇيلەردىڭ ساۋداسى كۇسەت ەكەن، كۇنەس اۋدانى نارات قالاشىعى ليمون مەيمانحاناسىنىڭ جاۋاپتىسى شيا ۋي بىلاي دەدى: 7 ـ ايدان بەرى وتباسىمەن، تۋىستارىمەن، دوستارىمەن بىرگە شينجياڭعا ساياحاتتاي كەلەتىندەردىڭ قاتارى مولايىپ، قوناق ۇيگە ورنالاسۋ مولشەرى %90 تەن جوعارى بولدى. 

شيا ۋيدىڭ تانىستىرۋىنشا: مايتاۋ ـ كۇشار تاس جولىندا اۆتوكولىك قاتىناۋ قالپىنا كەلگەننەن كەيىن قوناق ۇيلەر تيجاراتى قاۋىرت مەزگىلگە وتكەن. بۇرىن شيا ۋيدىڭ اكەسى جول شەتىنە بارىپ قوناق باستاسا، ٴوزى قوناق ٴۇي تەكشەسىندە قوناق قابىلدايتىن، ال اناسى ٴۇيدىڭ تازالىعىن ىستەيتىن. 2022 - جىلى 5 - ايدا شيا ۋي مەيمانحانانى ينتەرنەت جەلىسىندەگى مەيتۋان تەكشەسىنە شىعاردى، تەكشەنىڭ ساۋدا ىستەرى ديرەكتورى ليمون مەيمانحاناسىنىڭ ينتەرنەت جەلىسىندەگى تيجارات جاعدايىنا جان - جاقتى تالداۋ جاسادى، ايتالىق، باسەكە ورتاسى، قوناق ٴۇي ابزالدىلىعى، جولاۋشى قاينارى قۇرىلىمى سياقتىلار، سونداي - اق باعىتتامالى جەتەكشىلىك ەتكەندىكتەن، مەيمانحانانىڭ تاپسىرىسى بارعان سايىن كوبەيگەن. 

جاقىنعى جىلداردان بەرى شينجياڭنىڭ ساياحاتىندا ”تۇيىننەن ينتەرنەت جەلىسىنە، ونان كولەمدەنۋگە دەيىنگى“ دامۋ جارىققا شىقتى، شينجياڭدا ساياحات كاسىبىمەن شۇعىلدانعانىنا 10 جىلعا تاياعان ساياحات جەتەكشىسى لي في مىنالاردى ٴبىلدىردى: بۇرىن ساياحاتى كۇسەت بىرنەشە جەردە عانا ساياحاتشى كوپ بولاتىن، كەيىن كەلە مايتاۋ - كۇشار تاس جولى وڭتۇستىك - سولتۇستىك شينجياڭ اينالما جەلىسى بارعان سايىن جاندانا ٴتۇستى. قازىر كولدەنەڭ كورىنىس رايونى، شاشى كورىنىس رايونى سياقتى  جەرلەردە دە تۇتاس وڭىرلىك ساياحات بەتالىسى كورنەكتى بولىپ وتىر. بيىل ساياحاتشىلاردىڭ شينجياڭدا ساياحاتتاۋ ۋاقىتى كورنەكتى ۇزارىپ، تاپسىرىسپەن ىشكەرىلەي ساياحاتتاۋ كوبەيىپ، شاعىن ۇيىرمە 10 كۇن اينالاسىندا ساپارلاۋ نەگىزگى اعىمعا اينالدى.

ساياحات كاسىبىنىڭ جاندانۋى شينجياڭنىڭ اس ـ سۋ كاسىبىنىڭ ٴۇرتىس كۇسەت بولۋىنا تۇرتكى بولدى، 6 ـ ايدىڭ 18 ـ كۇنىنەن بەرى شينجياڭ تاعامجايلارىنا ينتەرنەت جەلىسىندە تاپسىرىس بەرەتىندەر دە زور مولشەردە ارتتى. شيا ۋي بىلاي دەپ تانىستىردى: بۇرىن ساياحاتشىلار  قوناقجايعا نەگىزىنەن قونۋ ٴۇشىن عانا كەلەتىن، كەيىن كەلە تەكشەدە ٴبىز ازىرلەگەن تورە تاباق تاۋىق ەتى وتە ٴدامدى ەكەن دەپ باعا بەردى، ينتەرنەت تۇعىرىنداعى باعا بەرۋ، جەتەكشىلىك ەتۋ، شينجياڭنىڭ اس ـ سۋ، كوڭىل اشۋ سىندى جالپىلىق باۋرامدىلىعىن بۇكىل ەلگە ٴتىپتى دە جاقسى تانىستىردى. قازىر كوپتەگەن ساياحاتشىلار تورە تاباق تاۋىق ەتىنەن ٴدام تاتۋ ٴۇشىن قوناقجايعا ارناۋلى كەلىپ  تاپسىرىس بەرەدى، تەك اس - سۋ ٴتۇرىنىڭ وزىنەن ايىنا 10 - 20 مىڭ يۋان كىرىس كىرگىزەمىز.

تۇعىر ەكونوميكاسىنىڭ دەمەۋىندە كوركەم كورىنىستەن، ٴدامدى تاعامنان جايلى قونالقىعا دەيىن شينجياڭداعى جەلىدەن تىس ساۋداگەرلەردە سيفرلى تانىسقى بارعان سايىن مولايىپ، بۇكىل ەلدەگى ساياحاتشىلاردىڭ كوڭىلىنەن ورىن الدى. 

مەيتۋان جانە بۇقارالىق باعالاۋ ساندى مالىمەتتەرىندە كورسەتىلۋىنشە، سوڭعى 3 جىلدا شينجياڭنىڭ قوناق ٴۇي، حالىقتىق تۇسەلحانا، اس ـ سۋ، ازىق ـ تۇلىك، ساياحات كورىنىس تۇيىندەرى، سەيىل ـ سەرۋەن، كوڭىل اشۋ سياقتى تۇرمىستىق قىزمەت وتەۋ كاسىبىندە ينتەرنەت جەلىسىندەگى ساۋداگەرلەر %30 اينالاسىندا ورنىقتى ارتۋدى ساقتاعان. ىلە قازاق اۆتونوميالى وبلىسىن مىسالعا الساق، ٴبىر ايعا جۋىق ۋاقىتتا جەلىدە تيجارات كىرىسىن ارتتىرعان ساۋداگەرلەر وتكەن جىلدىڭ سايكەس مەزگىلىندەگىدەن %60 ارتقان.

بيىل جازدا شينجياڭنىڭ ساياحاتى ايرىقشا كۇسەت بولدى. ٴارى - ٴسارى بولماي شينجياڭعا كەلىڭىز، كوركەم كورىنىستەن، ٴدامدى تاعامداردان ٴلاززاتتانىڭىزدار.

(شينجياڭ گازەتى، كۇنەس اۋداندىق توعىسپالى مەديا ورتالىعى، توعىزتاراۋ اۋداندىق توعىسپالى مەديا ورتالىعى، كۇشار قالالىق توعىسپالى مەديا ورتالىعىنىڭ جيناق حابارى)