شينجياڭ گازەتىنىڭ حابارى (ٴتىلشى رىن جياڭ، ەرىكتى ٴتىلشى ما دىجۇن). 8 - ايدىڭ 27 - كۇنى ساعات 18 گە دەيىن نارات كورىنىس رايونى بيىل 2 ميلليون 10 مىڭ ادام ـ رەت ساياحاتشى قابىلداپ، تاريحتاعى ەڭ جوعارى رەكورد جاراتتى.

”2019 - جىلى 9 - ايدىڭ 11 - كۇنى ناراتتىڭ جىلدىق قابىلداعان ساياحاتشى سانى ٴبىر ميلليون ادام - رەتكە جەتتى. وسىدان كەيىنگى 3 جىلدا ىندەتتىڭ ىقپالىنا ۇشىراعانىمەن، كورىنىس رايونى قابىلداعان ساياحاتشى مولشەرى ورنىقتى ارتىپ وتىردى“  دەدى نارات كورىنىس رايونىن باسقارۋ كوميتەتى ساياحاتتى دامىتۋ ـ باسقارۋ مەكەمەسىنىڭ باستىعى ۋاڭ سۋۋىن. ول تاعى بىلاي دەپ تانىستىردى: بيىل ەل ٴىشى ساياحاتى جەدەل قالپىنا كەلدى، نارات كورىنىس رايونىنىڭ ساياحات قىزعىندىلىعى مەن ساياحاتشى سانى تەڭ ”ورلەپ“، ساياحاتتىڭ قاۋىرت مەزگىلى ۇزارىپ، 8 ـ اي اياقتالماي جاتىپ كورىنىس رايونىنىڭ ساياحاتشى قابىلداۋ مولشەرى تىڭ دەڭگەيگە كوتەرىلدى.

بيىل جالپى قۇرىلىس كولەمى 26 مىڭ 500 شارشى مەتر كەلەتىن كورىنىس رايونىنىڭ ساياحاتشىلارعا قىزمەت وتەۋ جاڭا ورتالىعى، جالپى قۇرىلىس كولەمى 29 مىڭ شارشى مەتر كەلەتىن جينليڭ شانجۋاڭ اراسان قوناق ٴۇيى، ۇزىندىعى 4053 مەتر كەلەتىن تيانجيە تەكشەسى اسپالى جولى سياقتىلار ىركەس - تىركەس سالىنىپ پايدالانۋعا بەرىلدى، كورىنىس رايونىنىڭ ”اس - سۋ، جاتىن ورىن، ٴجۇرىس - تۇرىس، ساياحات، زات ساتىپ الۋ، كوڭىل اشۋ“ ونىمدەرىنىڭ ساپاسى، دارەجەسى، كولەمى جاپپاي جوعارىلاتىلىپ، ٴبىرشاما كەمەلدى ساياحات نەگىزدىك قۇرىلعىلارى، ونىمدەردىڭ كاسىپ كۇيى جانە قىزمەت وتەۋ جۇيەسى قالىپتاسىپ،  ساياحاتشى قابىلداۋ سيىمدىلىعى جاپپاي جوعارىلادى.

كورىنىس رايونى ”ينتەرنەت + ساياحاتتى“ وزەك ەتىپ، زەردەلى كورىنىس ٴوڭىرىنىڭ ٴىرى ساندى مالىمەت ورتالىعىن، ٴبىر تۇلعالانعان باسقارۋ تۇعىرىن قۇرىپ، شۇعىل جاعدايعا توتەپ بەرۋگە قولباسشىلىق ەتۋ، ساياحات ارىز - شاعىمىن ٴبىر جاقتى ەتۋ، جۇرت رايىن بايقاۋ، كورىنىس رايوندارىن باسقارۋ، ينتەللەكتۋالدى نارات قىزمەت وتەۋى سياقتى 10 نەشە كاسىپتىك جۇيە ورناتىپ، اۆتوكولىك ورنالاستىرۋ، زەردەلى دارەتحانا، بەت - الپەت ارقىلى پارىقتاۋ سياقتى جاڭا تەحنيكالاردان پايدالانۋدى جالپىلاستىرىپ، ينتەرنەتتە ساياحاتقا ساياتىن ينفورماتسيالاردى دەر كەزىندە قابىلداۋ، بەلەت ساتۋ، بەلەت تەكسەرۋ بارىسىن زەردەلىلەندىرىپ، كورىنىس رايونىنىڭ اينالىم ونىمدىلىگى، قىزمەت وتەۋ ساپاسى، ساياحات ونىمدەرىمەن قامداۋ ساپاسى جاپپاي جوعارىلاتىلدى. سونىمەن بىرگە، ”جايدارى شينجياڭ“ ارناۋلى ارەكەتىن تياناقتاندىرۋدى ىلگەرىلەتىپ، قىزمەت وتەۋ ساپاسىن ٴونىمدى جوعارىلاتتى.

2023 - جىلى نارات كورىنىس رايونى ”2 - توپتاعى مەملەكەت دارەجەلى وركەنيەتتى ساياحاتتان ۇلگى كورسەتەتىن ورىن“ قاتارىنا كىردى، سوڭعى جىلدارى تاعى مەملەكەت دارەجەلى ساياحات دەمالىس ٴوڭىرىن، مەملەكەت دارەجەلى قىزمەت وتەۋ كاسىبىن ولشەمدەندىرۋدەن ۇلگى كورسەتۋ نىسانى سياقتىلارعا يە بولدى.

”ٴبىز جوعارى دەڭگەيدەگى ورىن تۇراقتاندىرۋدان بىرەگەي بولۋعا تۋرالانۋدان جازباي، نارات مادەنيەت ساياحاتىنىڭ توعىسپالى، جوعارى ساپالى دامۋىنىڭ جاڭا جاعدايىن كۇش سالا قالىپتاستىرىپ، ٴتۇيىندى مادەنيەت ساياحات نىساندارى قۇرىلىسىن ىلگەرىلەتىپ، ۇلتتىق سالت ـ سانا مادەنيەتىنىڭ جاي ـ جاپسارىن اشىپ، كوپ جاقتان كۇش سالىپ، مادەنيەت ساياحاتىنىڭ ماركاسىن جارقىراتامىز“ دەدى نارات كورىنىس رايونىن باسقارۋ كوميتەتىنىڭ مەڭگەرۋشىسى شى نيڭ.

 ساياحاتشىلار نارات كورىنىس رايونىندا ساياحاتتاۋدا.    جاسار فوتوسى