ٴتىلشىمىز لي يافىڭ حابارلايدى. 9 - ايدىڭ 21 - كۇنىنەن 24 - كۇنىنە دەيىن 5 - كەزەكتى  كانال مادەنيەت - ساياحات كورمەسى (قىسقاشا ”كانال كورمەسى“ دەلىنەدى) سۋجوۋدا وتكىزىلدى. 4 كۇندە ىلە وبلىسى وسى كورمەنىڭ ”كانال، قالا مادەنيەت - ساياحات سارا تۋىندىلارى كورمەسىنە“ قاتىناسىپ قانا قويماي، تاعى 2 مايدان ”شينجياڭ جاقسى جەر . ىلەنىڭ كوركەم كورىنىسى“ اتىنداعى كۇز، قىس ماۋسىمىنداعى مادەنيەت - ساياحات جونىندەگى تانىستىرۋ قيمىلىن جاريالاپ، كۇز، قىس ماۋسىمىنداعى سارا ساياحات جەلىلەرىن تانىستىرىپ، ساياحاتشىلاردى ىلەگە باۋراۋداعى ٴتۇرلى ٴتيىمدى ساياساتتار مەن سيلاۋ شارالارىن جاريالاپ، ىلەنىڭ مادەنيەت پەن ساياحاتتى توعىستىرۋداعى جەتىستىكتەرىن كوپ تۇرعىدان، سترەولدى تۇردە ايگىلەپ، ەل ٴىشى - سىرتىنان كەلگەن ساياحاتشىلارعا كۇز، قىس ماۋسىمىنداعى مادەنيەت پەن ساياحات سالتاناتىندا جەڭىلدىك قوماقتى سيلىعىن ازىرلەپ، كورىكتى ىلەنى ساياحاتتاۋعا شىن ىقىلاسپەن ۇسىنىس ەتتى!

ەجەلدەن بەرى ىلەنىڭ كوگىلدىر اسپان، كوركەم ساحاراسى، ۇلتتىق سالت - سانا مادەنيەتى ەل ٴىشى - سىرتىنان  ساياحاتشىلاردى كوپتەپ باۋراپ، ساياحاتشىلار سانى دا جىل سايىن ارتىپ كەلەدى. وتە - موتە، بيىل الدىڭعى 8 ايدا ىلە وبلىسى ەل ىشىنەن 53 ميلليون 224 مىڭ 400 ادام - رەت ساياحاتشى قابىلداعان، بۇل بىلتىرعى ۇقساس مەزگىلدەگىدەن %46.77 ارتقان. ىلە ساياحاتىنىڭ تانىمالدىلىعى، ساياحاتشىلار سانىنىڭ قاۋىرت ارتۋى ىلەنىڭ ەلدەن ەرەك جاراتىلىستىق كورىنىسى مەن قويۋ گۋمانيتارلىق تاريحي فاكتورىنان كەلگەن، سونداي - اق كۇش - قۋاتتى ىلە وبلىسىنىڭ ”1 + 1 +8“ كاسىپ سالاسى شوعىرى قۇرىلىسىنا شوعىرلاندىرىپ، ساياحات قىزمەتىن بار كۇشپەن مىقتى يگەرىپ، جياڭسۋدىڭ شينجياڭعا باعىتتامالى كومەكتەسۋدەي زور كۇشپەن قولداۋىنىڭ ارقاسىندا، ”شينجياڭ جاقسى جەر، ىلەنىڭ كوركەم كورىنىسى“ ساياحات ماركاسىن ونان ارى ايگىلەدى.

وسى كەزەكتى كانال مادەنيەتى كورمەسىندە ”سۋجوۋ، ىلە سۇيىسپەنشىلىگى“ نەگىزگى تاقىرىپ ەتىلگەن ىلە كورمەسى ٴوزىنىڭ اشىق كورمە جاعدايى، وزگەشە مادەنيەت جاسامپازدىعى ونىمدەر كورمەسى، ويناقى ٴبي ويىندارىمەن ناق مايدانداعى كورەرمەندەردىڭ ساياحات ىنتاسىن قوزعاۋمەن بىرگە، اقپارات قۇرالدارىنىڭ تىلشىلەرىن، توراپ جۇلدىزدارىن، سونداي - اق ناق مايدانداعى ساياحاتشىلاردى وزىنە باۋراپ، ىلەنىڭ ساياحات بازارىن ونان ارى كەڭەيتىپ، ىلە ساياحات ماركاسىنىڭ سالتاناتى مەن داڭقىن بەكەمدەي ٴتۇستى.

جياڭسۋ قالاسىنىڭ تۇرعىنى جاڭ يۋە دوستارىمەن بىرگە ىلە كورمە سارايىن ۇزاق ارالادى. ول ىلەگە كەلىپ كورمەگەنىمەن، ٴبىراق ىلەنىڭ ٴدامدى تاعامدارىن وتە جاقسى كورەتىن، كورمە ورنىنداعى مەيىز، شىلان، ورىك ٴدانى جانە ٴسۇت ونىمدەرىنەن اۋىز تيگەن ول بيىل ورتا كۇز، مەملەكەت مەرەكەسى دەمالىسىندا ىلەگە ساياحاتتاي كەلۋدى ارماندادى.

”قاراجون، سەگىز تاڭبالى قالاشىق، شوڭقۇشتاي قىستاعى ٴبىزدىڭ ’3 التىن تانىسقىمىز‘ ىسپەتتى...“ تەكەس اۋدانىنىڭ مادەنيەت ـ ساياحات قىزمەتكەرى نازيگۇل تۇرسىنقوجا قىزى بىلاي دەدى: ول جياڭسۋداعى دوستارىن وسى كۇز بەن قىستا وتباسىنداعىلارمەن بىرگە قاراجون ساحاراسىنىڭ كوركەم كورىنىستەرىن تاماشالاپ، ٴار ۇلتتىڭ ٴدامدى تاعامدارىنان ٴدام تاتىپ، سالت ـ ساناسىن تاماشالاۋعا، جىبەك جولىنىڭ ۇزاق بولاشاعىن سەزىنىپ، جوۋ ـ ي مادەنيەتىنىڭ توعىسۋىنان اسەر الۋعا شىنايى ۇسىنىس ەتتى.

قۇلجا اۋداندىق مادەنيەت مۇراجايىنىڭ باستىعى ياڭ يۇڭ تەبىرەنە： ”كانال مادەنيەتى كورمەسىندە ادامدار تىپتەن كوڭىلدى بولدى، ٴبىز 3 كاسىپورىننىڭ 14 ٴتۇرلى مادەنيەت ـ ساياحات ەرەكشە ٴونىمىن كورمەگە قاتىناستىرۋعا ۇيىمداستىردىق، ونىمدەرىمىز كۇنى بۇرىن ساتىلىپ كەتتى، بۇل ٴبىزدىڭ مادەنيەت ـ جاسامپازدىق ونىمدەرىن زەرتتەۋ ـ اشۋ سەنىمىمىزدى كۇشەيتتى، كەلەسى كەزەكتى كانال مادەنيەتى كورمەسىنە تاعى كەلەمىز!“ دەدى.

ىلە وبلىسىنىڭ مادەنيەت ـ ساياحات تانىستىرۋشىسى ىڭكار باقىتكەلدى قىزى بىلاي دەدى: ماجىلىستە كورسەتىلگەن ىلەنىڭ جەرگىلىكتى ەرەكشەلىگىنە يە ٴان ـ ٴبي ويىندارى، جاڭا جاسامپازدىق ونىمدەرى شينجياڭنىڭ تاياۋ جىلداردان بەرى شينجياڭدى مادەنيەتپەن نارلەندىرۋدى ۇزدىكسىز ىشكەرىلەي ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن اتقارۋدا قول جەتكىزگەن تابىستارىن ايگىلەدى. ول بۇكىل ەلدىڭ جەر ـ جەرىندەگى ساياحاتشىلاردى وتانىمىزدىڭ باتىس سولتۇستىك شەكاراسىنا كەلىپ، اسقار تاۋ، قىساڭ اڭعارلارىنىڭ ايبىنى مەن كوركەمدىگىنەن بىرگە ٴلاززات الۋعا، كوپ نەگىزدى مادەنيەتتىڭ الۋان تۇرلىلىگىن سەزىنىپ، تابيعات سيلاعان قۇندى زاتتار مەن ٴدامدى تاعامداردان ٴدام تاتىپ، ىلەنىڭ مادەنيەتىنەن، ساياحاتىنان، تاماشا تۇرمىسىنان بىرگە يگىلىكتەنۋگە ۇسىنىس ەتتى.

سۋرەتتە: تانىستىرۋ جينالىسىنداعى تارتىمدى ٴان ـ ٴبي ويىندارى.

لي يافىڭ فوتوسى