2023 - جىلعى ”قىسقى كوركەم كورىنىس“ اتىنداعى مەملەكەتتىك ساياحاتتى ۇگىتتەۋ، جالپىلاستىرۋ قيمىلى حوتاندا وتكىزىلدى
شينجياڭ بۇكىل ەلگە قىسقى ساياحات ”ۇسىنىس حاتىن“ جولدادى
انار بۇلت \ شينجياڭ گازەتىنىڭ ءتىلشىسى رىن جياڭ 10 - ايدىڭ 24 - كۇنى حوتاننان حابارلايدى. 10 - ايدىڭ 24 - كۇنى 2023 - جىلعى ”قىسقى كوركەم كورىنىس“ اتىنداعى مەملەكەتتىك ساياحاتتى ۇگىتتەۋ، جالپىلاستىرۋ جانە ”شينجياڭ جاقسى جەر“ اتىنداعى 19 ولكە، قالانىڭ ساياحاتتى جالپىلاستىرۋ ارقىلى شينجياڭعا كومەكتەسۋ قيمىلى حوتان قالاسىندا وتكىزىلدى، بۇل ”جۇڭگونى ساياحاتتاۋ، تاماشا تۇرمىس“ مەملەكەتتىك ساياحاتتى ۇگىتتەۋ، جالپىلاستىرۋ قيمىلىنىڭ قىسقى ءبولىمى.
بيىل مادەنيەت جانە ساياحات مينيسترلىگى ”جۇڭگو كوكتەمى“، ”جازعى ەركىن ساياحات“، ”تاۋ - وزەندەردىڭ كۇزگى كەلبەتى“ سياقتى ماۋسىمدىق ساياحاتتى جالپىلاستىرۋ قيمىلدارىن ىركەس - تىركەس وتكىزدى، بۇل رەتكى قيمىل ونىڭ ”قىسقى ءبولىمى“.
سول كۇنگى قيمىلدا جۇڭگونىڭ قىسقى ساياحات نىسانالى جەرىندەگى سولتۇستىكتە ”چاڭبايشان تاۋى كوركەم الابى“ بار جيلين ولكەسى، وڭتۇستىكتە ”جىلى دا جايلى“ فۋجيان ولكەسى، باتىستا ”دۋماندى دا ەركىن“ چۇڭچيڭ قالاسى قاتارلى ۋاكىلدىك سيپاتقا يە ولكە، اۆتونوميالى رايون، قالالار ۇگىتتەۋ، تانىستىرۋ جۇرگىزدى، اۆتونوميالى رايون جانە بيڭتۋان، حوتان ايماعى دا تارتىمدى تانىستىرۋ جۇرگىزىپ، بايتاق تا كورىكتى شينجياڭنىڭ قىسقى كورىنىسىن ايگىلەدى.
قيمىل الاڭىندا تاعى مەملەكەتتىك 2023 − 2024 كوڭىلدى ساياحات قار - مۇز ماۋسىمى باستالدى. جەر - جەر نازاردى مەملەكەت دارەجەلى قار شاڭعى ساياحاتى دەمالىس ورنى ايگىلى ماركاسىنا ۇزدىكسىز شوعىرلاندىرىپ، ينتەرنەتتە ساياحاتقا قىزمەت وتەۋ تۇعىرى جانە مەديالار ارقىلى مەملەكەت ايگىلى ماركاسىنىڭ قالىڭ بۇقارا قابىلدايتىن، مويىندايتىن، ۇناتاتىن ساياحات ونىمدەرىنە اينالۋىن جەبەمەك. قيمىل كەزىندە جەر - جەر حالىققا ءتيىمدى كوپتەگەن شارالاردى العا قويىپ، ”دۋماندى قار - مۇز، قارلى دالا“ رايىن قالىپتاستىرادى.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين بىلاي دەپ تانىستىردى: اۆتونوميالى رايوندىق پارتكوم مەن ۇكىمەت ساياحات كاسىبىنىڭ دامۋىنا ايرىقشا ءمان بەردى، جەر - جەردىڭ جانە قوعامداعى ءار سالانىڭ قۇلشىنىسى مەن كوڭىل بولۋىندە، قولداۋىندا، شينجياڭنىڭ ساياحات كاسىبىندە قارىشتاپ دامىعان تاماشا جاعداي جارىققا شىقتى. بۇدان بىلاي شينجياڭ ساياحات كاسىبىنىڭ دامۋىن ۇزدىكسىز جەدەلدەتەدى، اسىرەسە، تاياۋ مەزگىلدە قار - مۇز ساياحاتىن ويداعىداي يگەرىپ، بىلتىر 2 ميلليون ادامنىڭ (رەت) شاڭعى تەبۋىن جۇزەگە اسىرعان نەگىزدە، بيىل ％30تەن استام ارتۋعا قول جەتكىزىپ، جازعى ساياحاتتىڭ اناعۇرلىم جاندانۋىن، قىسقى ساياحاتتىڭ سايابىرلاماۋىن جۇزەگە اسىرىپ، شينجياڭ ساياحات كاسىبىنىڭ جوعارى ساپالى دامۋ ارناسىنا ءتۇسۋىن ىلگەرىلەتەدى.
سول كۇنى ”شينجياڭعا ساياحاتشى جەتكىزۋ“ ارەكەتى ءبىر ۋاقىتتا باستالدى، شيەچىڭ، تۇڭچىڭ، فيجۋ سىندى 3 ينتەرنەت جەلىسىندەگى ساياحات تۇعىرى مەن اۆتونوميالى رايوندىق مادەنيەت - ساياحات مەڭگەرمەسى، بيڭتۋان مادەنيەت، دەنە تاربيە، راديو - تەلەۆيزيا جانە ساياحات مەكەمەسى، شينجياڭعا باعىتتامالى كومەكتەسەتىن 19 ولكە، قالانىڭ ساياحات سەرىكتەستىكتەرى مەن شينجياڭنىڭ جەرگىلىكتى قابىلداۋ ساياحات سەرىكتەستىكتەرى جەكە - جەكە ”شينجياڭعا ساياحاتشى جەتكىزۋ“ سەلبەستىك كەلىسىمىنە قول قويىپ، ساياحات ارقىلى شينجياڭعا كومەكتەسۋ قىزمەتىن اناعۇرلىم ىلگەرىلەتتى.
مادەنيەت - ساياحات مينيسترلىگى تاعى اۆتونوميالى رايوندىق مۇراجاي، قۇربان تۇلىم ەسكەرتكىش سارايى، قاشقار بايىرعى قالاسى كورىنىس ءوڭىرى، حوتان كەشكى بازارى، قۇلجا قازانشى حالىقتىق سالت - سانا ساياحات ءوڭىرى، يارعۇل بايىرعى قالاسى، شينجياڭ ءوندىرىس - قۇرىلىس بيڭتۋانى اسكەري تىڭ يگەرۋ مۇراجايى سياقتى ساياحات ارقىلى ءار ۇلتتىڭ ارالاسۋىن، ىشتەسۋىن، توعىسۋىن جەبەگەن شينجياڭنىڭ 10 ءىرى مىسالىن جاريالادى، ”شيندۇڭفاڭ جۇردەك پويەزى“ ساياحات ارناۋلى پويەزى، مايتاۋ − كۇشار تاس جولى سياقتى قاتىناس - تاسىمال مەن ساياحات توعىسا دامىعان تيپتىك مىسالدارعا ماڭدايشالىق بەردى، كوكتوعاي مەملەكەتتىك كەن باقشاسى، تۇرپان لوۋلان شارابى قورجاسى كورىنىس ءوڭىرى، جيەيوۋ حانىشا جۇپار ءشوپ كاسىپ سالاسى باقشاسى سياقتى 8 مەملەكەتتىك ونەركاسىپ ساياحاتىنان ۇلگى كورسەتۋ بازاسىنا ماڭدايشالىق بەردى.
بۇل رەتكى قيمىلدى مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى باس بولىپ ۇيىمداستىرعان، مادەنيەت - ساياحات مينيسترلىگى، جۇڭگو مەملەكەتتىك تەمىر جول توبى شەكتى سەرىكتەستىگى، اۆتونوميالى رايوندىق مادەنيەت - ساياحات مەڭگەرمەسى سياقتى قاتىستى مەڭگەرمە، مەكەمەلەردەن، شينجياڭعا باعىتتامالى كومەكتەسەتىن 19 ولكە، قالانىڭ قولباسشىلىق شتابىنان، بۇكىل ەلدەگى ولكە، اۆتونوميالى رايون، قالالاردان، سونداي - اق شينجياڭ ءوندىرىس - قۇرىلىس بيڭتۋانىنىڭ مادەنيەت - ساياحات تاراۋلارىنان، ايماق، وبلىس، قالالاردىڭ مادەنيەت - ساياحات تاراۋلارىنان، شينجياڭداعى ءىرى ساياحات مەكەمەلەرىنەن جانە شينجياڭعا باعىتتامالى كومەكتەسەتىن 19 ولكە، قالانىڭ ساياحات سەرىكتەستىكتەرىنەن كەلگەن قاتىستى قىزمەتكەرلەر ماجىلىسكە قاتىناستى.