ٴتىلشىمىز كاميلا حابارلايدى. ىلەنىڭ كوكتەمى وزگەشە باۋراۋ قۋاتىنا يە، ٴبىر - بىرىمەن تۇتاسا اشىلعان گۇلدى القاپتارى شار تاراپتان كەلگەن ساياحاتشىلاردى وزىنە باۋرادى. تىرشىلىك تىنىسىنا تولى وسى ماۋسىمدا اشىلعان ىلە وبلىسىنىڭ ساياحات كاسىپ سالاسىن دامىتۋ جينالىسى دۇنيە جۇزىلىك دەڭگەيدەگى ساياحات نىسانالى جەرىن قۇرىپ، 100 ميلليارد دارەجەلى ساياحات كاسىپ سالاسىن تۇلعالاۋدى جەدەلدەتۋدىڭ، ساياحات بايلىعى مول وبلىستان ساياحات ەكونوميكاسى قۋاتتى وبلىسقا قاراي بۇرىلىس جاساۋدى ىلگەرىلەتۋدىڭ دابىلىن قاقتى.

ىلە وبلىسىنىڭ ساياحات كاسىبى قارقىندى دامۋدىڭ جەدەل ارناسىنا ارشىندى قادام تاستاۋدا، قايتكەندە ساياحات كاسىبىن ونان ارى ساپالىلاندىرىپ، ساياحاتتىڭ مادەني مازمۇنىن بايىتىپ، ساياحات كاسىبىن حالىقتى بايىتۋ كاسىبىنە اينالدىرۋعا بولادى؟ ىلە وبلىسىنىڭ مادەنيەت - ساياحات جۇيەسى مەن قاتىستى ساياحات سالالارى ساياحات كاسىبىنىڭ جوعارى ساپالى دامۋىنىڭ جاڭا جولىن بەلسەنە قاراستىردى.

”بيىل ٴبىز دۇنيە جۇزىلىك دەڭگەيدەگى ساياحات نىسانالى جەرىن قۇرىپ، 100 ميلليارد دارەجەلى ساياحات كاسىپ سالاسىن تۇلعالاۋ نىساناسىن تىعىز توڭىرەكتەپ، ماركا جاراتۋدى تۇتقا ەتىپ، مادەنيەت پەن ساياحاتتى توعىستىرۋدى ىلگەرىلەتەمىز“. ىلە وبلىستىق مادەنيەت جانە ساياحات مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى جاڭ چۇنميڭ بىلاي دەدى: ىلە وبلىسىنىڭ مول ساياحات، مادەنيەت بايلىعىنا سۇيەنىپ، نارات، قاراجون، كولدەنەڭ سياقتى كورىنىس رايوندارىنىڭ دۇنيە جۇزىلىك دارەجەدەگى ساياحات كورىنىس رايونىن قۇرۋىن ىلگەرىلەتىپ، نارات مەملەكەتتىك ساياحات دەمالىس رايونىن دۇنيە جۇزىلىك دارەجەدەگى ساياحات دەمالىس ورنى ەتىپ قۇرۋدى ىلگەرىلەتەمىز. سونىمەن بىرگە قۇلجا قالاسى، نارات قالاشىعى، ”سەگىز تاڭبالى قالاشىق“ سياقتى ساياحات ورتالىق قالالارىنىڭ ەرەكشە كوشە - رايوندارىنا سۇيەنىپ، 100 ميلليارد دارەجەلى ساياحات كاسىپ تىزبەگى مەن كاسىپ سالاسى شوعىرىن جەتىلدىرىپ، بازار نەگىزگى تۇلعالارىن زورايتامىز. مادەنيەت پەن ساياحاتتى ىشكەرىلەي توعىستىرۋ جانە قار - مۇز ساياحاتىن دامىتۋ ارقىلى قار - مۇز ساياحاتىنىڭ جەلىلەس ونىمدەرىن قالىپتاستىرىپ، كوكتەمدە گۇل تاماشالاۋ ساياحات ونىمدەرىن بەلسەنە شىعارىپ، قىسقى، كوكتەمگى ساياحاتتىڭ جاڭا ارتۋ ٴتۇيىنىن قالىپتاستىرىپ، ٴتورت ماۋسىمدىق ساياحاتتىڭ دامۋىنداعى ٴبىر كەلكىسىزدىك ماسەلەلەردى شەشىپ، سول ارقىلى كورىنىس رايوندارىنىڭ، ساياحات قالالارىنىڭ قىزمەت وتەۋ قۇرىلعىلارىنىڭ كوتەرىمدىلىك قۋاتىن جوعارىلاتىپ، ىلە وبلىسىنىڭ ساياحات كاسىبىنىڭ جوعارى ساپالى دامۋىن جۇزەگە اسىرامىز. 

سوڭعى جىلدارى موڭعۇلكۇرە اۋدانى ”اس ـ سۋ، جاتىن ورىن، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ“ سىندى تۇتاس تىزبەكتەگى قىزمەت وتەۋدىڭ دارەجەسىن ۇزدىكسىز جوعارىلاتىپ، ساياحاتشىلارعا ٴتىپتى دە كوپ سەزىنۋ تۇرلەرىن ازىرلەپ، مادەنيەت پەن ساياحاتتى توعىستىرۋدىڭ تاعى دا تىڭ ساتىعا كوتەرىلۋىن ىلگەرىلەتتى. بيىل موڭعۇلكۇرە اۋدانى نازاردى ٴتورت ماۋسىمدىق ساياحاتتىڭ بىركەلكى دامۋىنا شوعىرلاندىرىپ، ”كۇتىپ وتىرۋدان“ ”جول اشۋعا“، ”تۇتاس وڭىرلىك ساياحاتتان“ ”ٴتورت ماۋسىمدىق ساياحاتقا“، ”ساياحاتشى سانىن ارتتىرۋدان“ ”ساپانى ارتتىرۋعا“ بۇرىلىس جاساپ، ساياحات كاسىبىنىڭ دامۋ جەتىستىكتەرىنەن ٴار ۇلت بۇقاراسىنا اناعۇرلىم كوپ پايدا جەتكىزبەك.

موڭعۇلكۇرە اۋداندىق پارتكومنىڭ شۋجيى حوۋ تاۋ بىلاي دەدى: اۋدانىمىز ”تۇلپارلار سالتاناتى“، ”تۇلپارلاردىڭ سۋعا ٴتۇسۋى“ سياقتى قولامتالى تۇيىندەردىڭ اسەرىن ۇزدىكسىز جارىققا شىعارىپ، ”تيانشانداعى قار قالاسى“ التىن ماڭدايشالىعىنان ويداعىداي پايدالانىپ، قار - مۇز سپورتىنىڭ، مادەنيەتىنىڭ، ساياحاتىنىڭ تۇتاس كاسىپ تىزبەگىندەگى دامۋىن ىلگەرىلەتەمىز. ەرەكشەلىككە يە قار ـ مۇز ساياحات نىساندارىن بەلسەنە اشىپ، كورىنىس وڭىرلەرى، كورىنىس تۇيىندەرى، اس ـ سۋ، جاتىن ورىن، ساياحات، كوڭىل اشۋ سياقتى ساياحات فاكتورلارىن ارقاۋ ەتىپ، قىزمەت وتەۋ ورەسىن جوعارىلاتامىز. زەيىن ـ زەردەنى شوعىرلاندىرىپ ٴبىر توپ بەس جۇلدىزدى قوناق ٴۇي قۇرىلىسىن ىلگەرىلەتىپ، ەرەكشە حالىقتىق تۇسەلحانالاردىڭ قارىشتاپ دامۋىن كۇش سالا سۇيەمەلدەپ، ساياحاتشىلاردىڭ جاتىن ورىن شارت - جاعدايى مەن كۇتىپ الۋ دەڭگەيىن جوعارىلاتامىز.

 ىلە وبلىسى مەن بيڭتۋاننىڭ مادەنيەت پەن ساياحاتتى توعىستىرا دامىتۋى كۇن سايىن جيىلەپ، سۇبەلى تابىستارعا قول جەتكىزدى. بيىل بيڭتۋان مەن جەرگىلىكتى ورىن دامۋدا ٴوزارا پايدا جەتكىزىپ، تەڭ يگىلىككە كەنەلۋ، مادەنيەت، ساياحات دارىندىلارىنىڭ اۋىس ـ كۇيىسى سياقتى جاقتاردا اناعۇرلىم ىشكەرىلەي سەلبەستىك جاسايدى.

”ىلە اسەم تابيعات كورىنىسىنە، مول تاريحي مادەنيەتكە يە، بيڭتۋاننىڭ ەرەكشەلىگى − قىزىل ارميانىڭ تىڭ يگەرۋ مادەنيەتى، بۇلار پارىقتى ساياحات بايلىعىندا ٴبىرىن - ٴبىرى تولىقتاپ، تۇتاستىرىپ، بيڭتۋان مەن جەرگىلىكتى ورىننىڭ ساياحات ونىمدەرىن قالىپتاستىرۋعا ٴارى سىرتقا تانىستىرۋعا بولادى. ٴبىز دە ساياحاتشىلاردى ٴوزارا جەتكىزۋ، ساياحات ماركاسىن بىرگە تانىستىرۋ سياقتى جاقتاردا ىلە وبلىسىمەن ىشكەرىلەي سەلبەستىك جاساپ، بيڭتۋان مەن جەرگىلىكتى ورىننىڭ توعىسۋىندا مادەنيەت ـ ساياحات كاسىبىنىڭ جوعارى ساپالى دامۋىن بىرگە جۇزەگە اسىرۋدى ٴۇمىت ەتەمىز“ دەدى بيڭتۋان 8 - شىسى شىحىزى قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار مەكەمە باستىعى لي ۋىنلۇڭ. 

3 ـ ايدىڭ 27 ـ كۇنى تۇستەن كەيىن ساياحاتشىلار قۇلجا قالاسى التىشۋار كوشەسى كورىنىس وڭىرىندە ساياحاتتاپ، كوكتەمگى تىنىستى شاقتان ٴلاززاتتانۋدا.      

   سۋرەتتى ٴتىلشىمىز ليۋ چۇنشيڭ تۇسىرگەن