گۇل كۇنى سانگەرلىگى، شينجياڭ ٴبيى

ساياحاتشىلار باي مازمۇندى قيمىلداردان ٴلاززاتتاندى

ٴتىلشىمىز ۋاڭ جىحۋا حابارلايدى.  ىلە وبلىستىق مادەنيەت سارايى 4 - ايدىڭ 6 - كۇنى  قۇلجا قالاسىنداعى 13 ەرىكتىلەر اترەتىنىڭ 200 ادامىن ۇيىمداستىرىپ، حايتاڭ داڭعىلىندا ”كوركەم ىلەدە اسەمدىكتەن ورتاق ٴلاززاتتانىپ، ورىك گۇلى استىندا ۋاعدالاسايىق“ اتىنداعى 100 ادامدىق گۇل كۇنى سانگەرلىك كورسەتۋ جانە 100 ادامدىق شينجياڭ ٴبيىن بيلەۋ سىندى مادەنيەتتى ايگىلەۋ قيمىلىن ورىستەتىپ، جۇڭحۋانىڭ ٴداستۇرلى مادەنيەتىنىڭ باۋرامدىلىعىن بەينەلەپ، شينجياڭنىڭ كوپ نەگىزدى ٴبىر تۇلعالانعان مادەنيەتىنىڭ كوركەمدىگىن ايگىلەدى.

جولدىڭ ەكى جاعالاۋىندا ادامدار سۋرەتكە تۇسۋمەن بىرگە، شاپالاق سوعىپ قوشامەتتەپ، سانگەرلەردىڭ سالتاناتىن اسىردى.

وبلىستىق مادەنيەت سارايى جىرىق ەتەك كويلەكتىلەر قوعامىنىڭ باستىعى ياڭ يۇن تىلشىگە بىلاي دەدى: ”بۇل قوعام 2014 - جىلى قۇرىلعان، قازىر 80 نەن استام مۇشەسى بار. ٴبىز ٴار جىلى كوپتەگەن مادەنيەت قيمىلىنا قاتىناسامىز. ٴبىز مۇنى  ىلەنىڭ جەرگىلىكتى ەرەكشەلىگىمەن ۇشتاستىرىپ، شىعىس ايەلدەرىنىڭ سۇلۋلىعىن ايگىلەيمىز“.

”شينجياڭ جاقسى جەر“ اتتى 100 ادامدىق ٴبي باستالعاندا، ناق مايدانداعىلار قۋانىش تەڭىزىنە شومدى، بيشىلەر بۇرالا بيگە باسقاندا، ٴىشىنارا قالا حالقى دا قوسىلا بيلەپ، بيدەن ورتاق ٴلاززاتتاندى.

 سۋرەتتەردە سانگەرلەر ونەر كورسەتۋدە

ۋاڭ جىحۋا فوتوسى