قۇلجا قالاسى التىشۋار كوشەسى كورىنىس رايونىنىڭ جاسالۋ ۇستىندەگى جـولىنىڭ 4 - ايدىڭ 21 - كۇنى سۋرەتكە تۇسىرىلگەن كەشكى كورىنىسى (ۇشقىش اپپاراتپەن تۇسىرىلگەن).     سۋرەتتى ٴتىلشىمىز ليۋ چۇنشيڭ تۇسىرگەن

ەرىكتى ٴتىلشى شيە تۇڭ حابارلايدى. قۇلجا قالاسى ”جىبەك جولىنداعى ىرىستى قالا . مىڭ بوياۋلى  قۇلجا“ ايگىلى ماركا قۇرىلىسىن بەلسەنە ىلگەرىلەتۋمەن بىرگە، ٴىس جۇزىندىك ارەكەتكە ٴمان بەرىپ، كورىنىس رايونى ورتاسىنىڭ دارەجەسىن جاپپاي جوعارىلاتۋ، ساپالىلاندىرۋ ارقىلى ساياحات جاعىنداعى باۋراۋ قۋاتىن ارتتىردى. قۇلجا قالاسىنىڭ ماڭىزدى تانىسقىسى بولعان التىشۋار كوشەسى تاريحي مادەنيەت كوشە رايونىنىڭ قۇنى مەن ساياحات بايلىعى ٴتۇيىندى تۇردە اشىلىپ، دارەجەسى جوعارىلاتىلدى. قازىر كورىنىس رايونىنىڭ دارەجەسىن جوعارىلاتۋ، جاڭالاۋ ينجەنەرياسى تارتىپپەن ىلگەرىلەتىلۋدە.

وسى رەتكى التىشۋار كوشەسى كورىنىس رايونىنىڭ دارەجەسىن جوعارىلاتۋ، جاڭالاۋ ينجەنەرياسىندا نەگىزدىك قۇرىلعىلاردىڭ دارەجەسىن جاپپاي جوعارىلاتۋعا باسا ٴمان بەرىلدى، بۇل تابيعي گاز قۇبىرى، سۋمەن قامداۋ قۇبىرى، جاڭبىر سۋىن ٴبىر جاقتى ەتۋ قۇرىلعىلارى، باۋ ـ باقشا كورىنىستەرى، جول شامى لەنياسى، سونداي ـ اق جول بەتى سياقتى جاقتارداعى قۇرىلىس جۇرگىزۋ مەن جاڭالاۋعا سايادى. بۇل جەرگىلىكتى تۇرعىنداردىڭ قونىستانۋ ورتاسىن جاقسارتىپ، تۇرمىس ساپاسىن جوعارىلاتۋعا ٴتيىمدى بولىپ قالماستان، ساياحاتشىلارعا ٴتىپتى دە جايلى، حاۋىپسىز ساياحات اسەرىن سيلايدى.

”نىساندا 3 ـ ايدىڭ 27 ـ كۇنى جۇمىس باستاعاننان قازىرگە دەيىن 1 ـ اينالمادان 3 - اينالماعا دەيىنگى جولدىڭ بەتى جانە جولدىڭ جيەك تاسى، جاياۋلار جولى قۇرىلىسى اياقتادى. 4 ـ ايدىڭ 30 ـ كۇنى 4 ـ اينالمانىڭ ىشىندەگى قاتىستى قۇرىلىستاردى اياقتاتىپ، 5 ـ ايدىڭ 20 ـ كۇنى 6 - اينالماداعى بارلىق جولعا قاتىستى قۇرىلىستى اياقتاتۋدى جوسپارلاپ وتىرمىز“ دەدى قۇلجا قالالىق قالا قۇرىلىسى شەكتى جاۋاپكەرشىلىك سەرىكتەستىگى التىشۋار كوشەسى جول قۇرىلىسى جۇمىس باسىنىڭ جاۋاپتىسى جۋ زىڭۋي تانىستىرىپ.

قالادا تابيعي گازادان پايدالانۋ وسى زامانعى قالا تۇرعىندارىنىڭ تۇرمىس ساپاسىنىڭ جوعارىلاعاندىعىنىڭ ماڭىزدى بەلگىلەرىنىڭ ٴبىرى، سونداي - اق بۇقارانىڭ ٴتول مۇددەسىنە ساياتىن حالىق تۇرمىسى ينجەنەرياسى. التىشۋار كوشەسى اۋماعىنداعى تۇرعىنداردىڭ جىلۋدان پايدالانۋ ماسەلەسىن تۇبەگەيلى شەشىپ، بىتىراندى كومىر جاعۋدىڭ ورتانى لاستاۋ جاعدايىن اياقتاتىپ، بۇقارانىڭ قونىس ورتاسىن جاقسارتۋ ٴۇشىن وسى رەتكى التىشۋار كوشەسى كورىنىس رايونىنىڭ دارەجەسىن جوعارىلاتۋ، جاڭارتۋ ينجەنەرياسىندا التىشۋار كوشەسى اۋماعىنا وتىندىق گاز قۇبىرىن جاتقىزۋ ينجەنەرياسى دا قامتىلدى، مەجەمەن 14.5 كيلومەتر اۋماققا گاز قۇبىرى جاتقىزىلادى، بۇل 700 دەن استام وتباسىنا سايادى، بارلىق ينجەنەريا مەجەمەن 5 - ايدىڭ 20 - كۇنى اياقتايدى.

قالانى سۋمەن قامداۋ قۇبىر تورابىنىڭ حاۋىپسىزدىك دارەجەسىن ونان ارى جوعارىلاتىپ، قۇبىر تورابىنىڭ سۋمەن قامداۋ قۋاتىن ارتتىرىپ، تۇرعىنداردىڭ سۋدان پايدالانۋ ساپاسىن جوعارىلاتۋ ٴۇشىن كەزەكتە كورىنىس رايونىنىڭ سۋمەن قامداۋ قۇبىر تورابىن جاڭالاۋ دا ٴبىر ۋاقىتتا جۇرگىزىلۋدە. وسى دارەجەسىن جوعارىلاتۋ، جاڭالاۋ ينجەنەرياسىنىڭ ورىندالۋىنا بايلانىستى التىشۋار كوشەسى كورىنىس رايونىنىڭ ساپاسى مەن قىزمەت وتەۋ يقۋاتى كورنەكتى جوعارىلاپ، ٴتىپتى دە كوپ ساياحاتشىنى باۋراپ، قۇلجا قالاسىنىڭ ساياحات كاسىبىنىڭ باياندى دامۋىن جەبەيدى.