ىلەدە ساياحات ورلەۋى ۇزدىكسىز جوعارىلادى

دارالىق قىزمەت وتەۋ جاڭا ۇردىسكە اينالدى

نارات كورىنىس رايونىنداعى كونسەرت نومىرلەرى ساياحاتشىلاردى باۋرادى. (ماتەريالدىق سۋرەت)

ٴتىلشىمىز ياڭ جيڭ ـ ي ، شۇي جيەجى حابارلايدى. ادامداردىڭ تۇرمىس ورەسىنىڭ جوعارىلاۋى مەن ساياحات كوزقاراسىنداعى وزگەرىسكە بايلانىستى ٴتىپتى دە كوپ ساياحاتشى دارالىق ەرەكشەلىككە يە، جوعارى ساپالى ساياحات كەشىرمەسىنە ۇمتىلىس تانىتا باستادى. ىلە ساياحات بازارى دا ۇزدىكسىز جاڭالىق اشىپ جانە دارەجەسىن جوعارىلاتىپ، ٴبىر قىدىرۋ دارالىققا يە قىزمەت وتەۋدى العا قويىپ، ساياحاتشىلاردىڭ قارسى الۋىنا يە بولدى. 

ىلە وبلىستىق ساياحات قوعامىنىڭ ۇنەمىلىك ىستەرگە جاۋاپتى ورىنباسار باستىعى، باس حاتشىسى، شينجياڭ كاڭحۇي ۇلى تابيعات حالىقارالىق ساياحات مەكەمەسى شەكتى جاۋاپكەرشىلىك سەرىكتەستىگى قۇلجا قالالىق بولىمشەسىنىڭ باس ديرەكتورى ما حۇڭلياڭ بىلاي دەدى: بيىل سەرىكتەستىگىمىز ىلەنىڭ تاڭداۋلى ساياحات نىساندارى، ورىك مەكەنىنە ساياحات، وتتەكتى ساياحات سياقتى شاعىن اۆتوموبيلدەردى بىرىكتىرۋ جەلىسىن العا قويىپ قانا قالماي، ”دوپامين“  ىلە جالپى كورىنىستىك 5 كۇندىك ساياحاتى، ەلدەن ەرەك ىلە اينالما جەلىسى 6 كۇندىك ساياحاتى سياقتى جەلىلەردى تىڭنان قوسىپ، ىلەنىڭ ەرەكشە كورىنىس تۇيىندەرىن نەگىزىنەن قامتىدى. ٴتىپتى دە جاقسى قىزمەت وتەۋ ٴۇشىن، سەرىكتىك ٴوزىنىڭ اۆتوموبيل اترەتىن ۇيىمداستىرىپ، 20 نەشە اۆتوموبيلدى ىسكە قوسىپ، شوفەرلاردى ارناۋلى قاتىناس حاۋىپسىزدىگى بويىنشا تاربيەلەۋمەن بىرگە، ۇشقىش اپپاراتپەن سۋرەتكە الۋ ونەرىنە دە باۋلىدى. 

قۇلجا قالالىق ليدۋ حالىقارالىق ساياحات مەكەمەسى شەكتى سەرىكتەستىگى جوعارى ورەدە ساياحاتشىلارعا قىزمەت وتەۋدى نەگىز ەتىپ، جەلى ونىمدەرىن زەرتتەۋدەن ساياحاتشىلارعا قىزمەت وتەۋگە دەيىن دەن قويا جوسپارلادى. ىلە وبلىستىق ساياحات مەكەمەسى قوعامىنىڭ ورىنباسار باستىعى، قۇلجا قالالىق ليدۋ حالىقارالىق ساياحات مەكەمەسى شەكتى سەرىكتەستىگىنىڭ باس جوراسى دۇڭ ۋىنحۇي بىلاي دەپ تانىستىردى: ٴار جەلى بويىنشا سەرىكتەستىك كوپ رەت ٴىستى جۇمىس باسىندا ٴبىتىرىپ، لەنيانىڭ ۇيلەسىمدىلىگى مەن تارتىمدىلىعىنا كەپىلدىك ەتەدى. ساپاردا ٴار قوناق ٴۇيدى دەن قويا تاڭداپ، قوناق ٴۇيدىڭ ساپاسىنا، جايلىلىعىنا كەپىلدىك ەتەدى. ٴاربىر اۆتوموبيل شوفەرىن قاتاڭ تاڭداپ جانە كاسىپتىك جاقتان تاربيەلەپ، كەرەمەت جۇرگىزۋ تەحنيكاسى مەن قىزمەت وتەۋ تانىمىنا يە بولۋىنا كەپىلدىك ەتەدى. ساياحاتشىلاردىڭ ٴار رەتكى تاماعى دا دەن قويا تاڭدالىپ جانە سىناق رەتىندە جاسالىپ، ەڭ تاماشا ٴدامدى تاعامدارمەن قامدايدى. بيىل شينجياڭنىڭ ىشكەرىلەي ساياحاتتاۋ جەلىسىنەن بەسەۋىن كوبەيتۋدى جوسپارلاپ، بىلتىرعى جوعارى دەڭگەيدە ساياحاتشىلاردى كۇتىپ الۋ مولشەرىنەن اسىرۋعا كۇش سالادى.

سونىمەن ٴبىر ۋاقىتتا، قۇلجا اۋەجايىنان تۇڭعىش رەت حالىقارالىق كەزەكشى ۇشاق ۇشىرىپ، ساياحاتشىلاردىڭ سىرتقا ساياحاتتاۋ قولايلىلىعىن جوعارىلاتتى. ىلە وبلىستىق ساياحات مەكەمەسى قوعامىنىڭ ورىنباسار باستىعى، ىلە وبلىستىق ساياحات جەتەكشىلەرى قوعامىنىڭ باستىعى بي جۇنپيڭ بىلاي دەدى: تۇڭعىش توپتا 172 ساياحات جەتەكشىسى تاربيەلەنىپ تولىمدىلىققا يە بولىپ، ساياحات بازارىن قاناعاتتانارلىقتاي ساياحات جەتەكشىلەرى قاينارىمەن قامدادى. 

بيىل 1 - ايدان 3 - ايعا دەيىن ىلە وبلىسىنا توتە قاراستى ورىندار ەل ٴىشى ساياحاتشىلارىنان جيىنى 11 ميلليون 467 مىڭ 900 ادام ـ رەت قابىلداعان، بۇل سايكەس مەزگىلدەگىدەن %11.73 ارتىپ، ساياحات كىرىسى 8 ميلليارد 376 ميلليون يۋانعا جەتىپ، بىلتىرعى سايكەس مەزگىلدەگىدەن %51.62 ارتقان.