ٴتىلشىمىز لۋ جۇڭ حابارلايدى. ٴتىلشىنىڭ 5 - ايدىڭ 6 - كۇنى ىلە وبلىستىق مادەنيەت - ساياحات مەكەمەسىنەن ۇعىسۋىنشا، 5 - ايدىڭ 1 - كۇنىنەن 5 - كۇنىنە دەيىن ىلە وبلىسىنا توتە قاراستى ورىندار ەل ىشىنەن 2 ميلليون 520 مىڭ 300 ادام - رەت ساياحاتشى قابىلداعان، بۇل سايكەس مەزگىلىندەگىدەن % 26.53 ارتقان؛ ساياحات كىرىسى ٴبىر ميلليارد 821 ميلليون يۋان بولىپ، سايكەس مەزگىلىندەگىدەن % 59.86 ارتقان.

”1 - مامىر“ دەمالىسى كەزىندە، قورعاس قالاسى دا شەكارا اتتاپ ساياحاتتاۋ، زات ساتىپ الىپ ساياحاتتاۋدىڭ ورلەۋىن قارسى الدى. جۇڭگو ـ قازاقستان قورعاس حالىقارالىق شەكارالىق سەلبەستىك ورتالىعىنىڭ تۇتاسۋ ارناسىنداعى قىزىل، كوك ٴتۇستى مەملەكەت شەكارا سىزىعىندا ساياحاتشىلار سۋرەتكە ٴتۇسىپ، ەستەلىك قالدىردى. ۇزىن لەنيالى ساياحاتتان سىرت، قىسقا ارالىقتى ساياحات، قالا ماڭى ساياحاتى دا قارسى الۋعا يە بولدى. ”1 - مامىر“ دەمالىسىندا قورعاس اۋدانىنىڭ كۇرە بايىرعى قالاشىعى، تۇكەي قۇمدىعى، چاپچال اۋدانىنىڭ سىبە بايىرعى قالاشىعى، تەكەس اۋدانىنىڭ اقتاس قىز بەيىتى كورىنىس رايونى، شاشى مەملەكەتتىك ورمان باقشاسى سياقتى كورىنىس رايوندارىنىڭ ساياحات ورلەۋى دە ۇزدىكسىز جوعارىلادى. ٴارقايسى كورىنىس رايوندارى ەرەكشە مادەنيەت، ساياحات قيمىلدارىن وتكىزىپ، ساياحاتشىلارعا باي مازمۇندى ساياحاتتى سەزىندىردى.

5 - ايدىڭ 2 - كۇنى تۇستەن كەيىن كۇنەس اۋدانىنىڭ ىلە وسىمدىك باقشاسىندا ساياحاتشىلار اعاش جولمەن ٴجۇرىپ گۇل تاماشالاپ، سەيىلدەۋدە.            ليۋ چۇنشيڭ فوتوسى