1 - توقساندا باستاما جاقسى بولدى

ىلە مادەنيەت - ساياحات بازارى ”كوكتەم گۇلىمەن قۇلپىردى“

سۋرەتتە: توعىزتاراۋ اۋدانى جىرعالاڭ اۋىلىنداعى سارى ٴتۇستى جابايى گۇلى. 

ٴتىلشىمىز ما چىڭلۋ حابارلايدى. 4 - ايدىڭ 29 - كۇنى ىلە وبلىستىق مادەنيەت - ساياحات مەكەمەسىنەن ۇعىسۋىمىزشا، بيىل 3 - ايدا ىلە وبلىسىنا توتە قاراستى اۋدان، قالالار ەل ىشىنەن 3 ميلليون 982 مىڭ 500 ساياحاتشى قابىلداعان، بۇل بىلتىرعى سايكەس مەزگىلدەگىدەن %12.33 ارتقان، ساياحات كىرىسى 2 ميلليارد 750 ميلليون يۋانعا جەتىپ، بىلتىرعى سايكەس مەزگىلدەگىدەن %50.42 ارتقان. بيىل 1 - ايدان 3 - ايعا دەيىن ىلە وبلىسىنا توتە قاراستى اۋدان، قالالار ەل ىشىنەن 11 ميلليون 467 مىڭ 900 ادام - رەت ساياحاتشى قابىلداعان، بۇل بىلتىرعى سايكەس مەزگىلدەگىدەن %11.73 ارتىپ، ساياحات كىرىسى 8 ميلليارد 376 ميلليون يۋانعا جەتىپ، بىلتىرعى سايكەس مەزگىلدەگىدەن %51.62 ارتقان.

1 - توقساندا ىلە وبلىسىنا توتە قاراستى اۋدان، قالالاردىڭ مادەنيەت - ساياحات بازارى جاقسى باستاما بولدى. مادەنيەت - ساياحات بازارىنىڭ قار - مۇز ساياحاتى داعدىلى كولەمنەن اسىپ، ”قار - مۇز بايلىعى“ ۇزدىكسىز ”جىلۋ اسەرىن“ تۋدىردى؛ جاڭا جىل، كوكتەم مەرەكەسى، يۋانشياۋ مەرەكەسى سياقتى مەرەكە - مەيرامداردا دۋماندى كورىنىس ٴارقايسى كورىنىس وڭىرلەرىندە ۇزدىكسىز جارىققا شىعىپ، ساياحاتشىلار ٴارقايسى كورىنىس وڭىرلەرىن، كورىنىس تۇيىندەرىن ارالاپ، دۋمانعا بولەندى؛ مادەنيەت قيمىلدارى تارتىمدى بولىپ، جەلىلەس مادەنيەت - ساياحات قيمىلدارىندا شوعىرلى ويىن قويۋ، اشەكەيلى شامدى تاماشالاۋ، بازار ارالاۋ، بەيزاتتىق مادەنيەت مۇرالارى، ۇلتتىق سالت - سانا، تەاتر ىقپالداستىعى ٴبىر تۇلعالانعان مادەنيەت - ساياحات سالتاناتىنا دەن قويىلىپ، ساياحاتشىلارعا اس - سۋ، تاماشالاۋ، زات ساتىپ الۋ، كوڭىل كوتەرۋ جاقتارىنان قوماقتى مادەنيەت ونىمدەرى ۇسىنىلىپ، ساياحات بازارىندا گۇلدەنىپ - كوركەيگەن جاعداي جارىققا شىقتى.

1 - توقساندا دەمالىس كەزىندەگى ەكونوميكا ىلە وبلىسى ساياحاتىنىڭ جاڭا ارتۋ تۇيىنىنە اينالدى. ىلە وبلىسى جاڭا جىل، كوكتەم مەرەكەسى سياقتى ٴتۇيىندى ورايلاردى مىقتى يگەرىپ، ەرەكشە تاقىرىپتىق قيمىلداردى قالىپتاستىرىپ، مەرەكە كەزىندە كورىنىس رايوندارىن اقىسىز اشۋدى ىلگەرىلەتىپ، ىلە وبلىسىنىڭ ساياحات نىسانالى جەرىنىڭ باۋراۋ قۋاتىن ٴونىمدى جوعارىلاتىپ، دەمالىس كەزىندەگى مادەنيەت، ساياحات تۇتىنۋىن جەبەدى. كوكتەمگى گۇل تاماشالاۋ ساياحاتى ونىمدەرىن بايىتىپ، ”گۇلمەن قۇلپىرعان ىلە“ نەگىزگى تاقىرىبىنداعى گۇل تاماشالاۋ ساياحاتىندا نارات اق ماقسارىسى، كۇنەس 10 مىڭ مۋلىق جابايى ورىك گۇلى، فۋشوۋشان قارا ورىك گۇلى سياقتى كوپتەگەن كوكتەمگى گۇل تاماشالاپ ساياحاتتاۋ ونىمدەرىن شىعارىپ، ”كوكتەم لەبى ەسەدى“ سىندى جەلىلەس كوكتەمگى گۇل تاماشالاپ ساياحاتتاۋ جەلىسىن قالىپتاستىردى. ٴىرى ساندى مالىمەتتە كورسەتىلۋىنشە، گۇل تاماشالاۋ قاۋىرت ورلەۋگە كوتەرىلگەن ٴبىر اپتا ىشىندە ىلەنىڭ گۇل تاماشالاۋ ساياحاتى %166 ارتقان، كۇنەس اۋدانى تۇرگەن اۋىلى نارات ورىك اڭعارىن توردا ىزدەۋ ورلەۋى %120 ارتقان.

ىلە وبلىسى مادەنيەت ارقىلى ساياحاتتى سومداۋعا، ساياحات ارقىلى ٴىس تىندىرۋعا تاباندى بولىپ، مادەنيەت پەن ساياحاتتى توعىستىرا دامىتۋ ۇستانىمىن بەلسەنە امالياتتا ايگىلەپ، جاڭاشا مادەنيەت پەن ساياحاتتى توعىستىرۋدىڭ جاڭا كاسىپ كۇيىن جەتىلدىرىپ، مادەنيەت تۇتىنۋىنىڭ ومىرشەڭدىك كۇشىن ونان ارى اشتى جانە قاراستىردى. مۇنىڭ ىشىندە ىلە وبلىستىق ٴان - ٴبي تەاترحاناسى كوكتەمگى كورمە ماۋسىمىنداعى جەلىلەس قيمىلداردى ورتاعا قويدى ٴارى «جيەيوۋ حانشا» سياقتى كلاسسيكالىق تەاترلاردى ويىن قويۋ جوسپارىنا ەنگىزدى؛ ىلە وبلىستىق مۇراجاي كوكتەم مەرەكەسى كەزىندە مۇراجايدان كوكتەم مەرەكەسىن سەزىنۋ حالىقتىق سالت - سانا كورمەسىن ۇيىمداستىردى؛ تەكەس اۋدانى گۇلدەنگەن شەكارا ٴوڭىر . سەگىز تاڭبالى قالا كەشى قيمىلىندا قازاقتىڭ ”قاراجورعاسى“، موڭعۇل ۇلتىنىڭ ”توپشىرى“، قىرعىز ۇلتىنىڭ ”ماناسى“ سياقتى بەيزاتتىق مادەنيەت مۇرالارى ويىن - ساۋىق نىساندارىن ۇدايىلاندىرىپ ۇيىمداستىردى؛ چاپچال سىبە اۆتونوميالى اۋدانى سىبە بايىرعى قالاسىنىڭ جىل اتتاپ قوڭىراۋ سوعىپ تىلەك تىلەۋ، باتۋلۋ جارىسىنا سايىس جاريالاۋ جانە بايىرعى ۇلگىدە وت جاعۋ، مۋزيكا اۋەنىن قويۋ سياقتى جەلىلەس تەرەڭ باستان كەشىرۋ مادەنيەت - ساياحات نىساندارىن العا قويدى.

2023 ـ جىلى 11 ـ ايدا جۇڭگو مەن قازاقستاننىڭ ٴوزارا ۆيزا كەشىرىم ەتۋ كەلىسىمى جونىندەگى ساياسات تياناقتانعاننان بەرى ىلە وبلىسىنىڭ شەكارا اتتاعان ساياحاتىندا تىڭ قامال الىندى. ىلە وبلىسىنىڭ ساياحات كاسىبى جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەكتىك وڭىرلىك باسىمدىعىن تولىق ساۋلەلەندىرىپ، جۇڭگو مەن قازاقستاننىڭ ۆيزا كەشىرىم ەتۋ ساياساتىنىڭ تياناقتانۋ تيىمدىلىگىن يگەرە وتىرىپ، شەكارا اتتاعان ساياحات، باجىسىز زات ساتىپ الۋ ساياحاتى، ٴماجىلىس ـ كورمە ساياحاتى سياقتى ساياحات كاسىبىن ونان ارى بايىتىپ، ”’ٴبىر بەلدەۋ، ٴبىر جول‘ حالىقارالىق جاستار مەن ورەندەردىڭ بوكس مادەنيەت مەرەكەسى جانە ’دەنە تاربيە سيلىقتى بەلەت ساۋىتى‘ جۇڭگو شينجياڭ حالىقارالىق بوكس ۇسىنىس جارىسى“، ”جىبەك جولى ماحابباتى مەملەكەت قاقپاسىندا“ اتىنداعى جىل اتتاۋ كونسەرتى سياقتى قيمىلدار ٴساتتى وتكىزىلدى. ”قورعاس - جەتى سۋ وبلىسى (جاركەنت قالاسى) ٴبىر كۇندىك ساياحاتى“، ”قورعاس - الماتى وبلىسى 3 كۇندىك جانە 4 كۇندىك ساياحاتى“، ”ورتا ازيا - وزبەكستان، قازاقستان، قىرعىزستان ەلدەرىنە 10 كۇندىك ساياحات“ سياقتى شەكارا اتتاعان ساياحات جەلىلەرى ونىمدەرىن شىعارىپ، ىلە وبلىسىنىڭ شەكارا اتتاعان ساياحاتىنىڭ حالىقاراداعى تانىمالىلىعى مەن ىقپال كۇشىن ۇزدىكسىز كەڭەيتتى.

سۋرەتتە: قۇلجا اۋدانى تيانشان گۇلدى القابىنداعى گۇل تاماشالاۋشىلار.

لاي يۇينيڭ، جاڭ چيڭحۋا فوتوسى