”ەرتەگى الەمىندەگىدەي شاعىن قالاعا كەلىپ، كوزايىم بولۋعا اسىعىڭىز“
”جوعارى ساپالى دامۋ جۇڭگو ساپارى . شينجياڭ تاراۋى“ قيمىلىنا قاتىناسۋشىلار ىلەگە كەلدى
ماقالاسىن جازىپ، سۋرەتىن تۇسىرگەن ٴوز ٴتىلشىمىز ليۋ چۇنشيڭ
5 - ايدىڭ 21 - كۇنى تۇستەن كەيىن ”جوعارى ساپالى دامۋ جۇڭگو ساپارى . شينجياڭ تاراۋى“ قيمىلىنا قاتىناسۋشىلار ىلەگە كەلىپ، ناقتى ورىندى كورۋ، تەكسەرۋ، كوزدەن كەشىرۋ ارقىلى وزگەشە تۇرعىدان جوعارى ساپالى دامىعان شينجياڭدى بايقادى.
5 - ايدىڭ 20 - كۇنى ”جۇڭگو ساپارى . شينجياڭ تاراۋى“ ارناۋلى تاقىرىپتىق قيمىلى قاشقار قالاسىندا باستالعان - دى، بۇكىل ەلدىڭ جەر - جەرىنەن كەلگەن ينتەرنەت وركەنيەتى ارىپتەستەرى، ينتەرنەتتەگى ايگىلى ادامدار، سايت تۇعىرلارىنىڭ ۋاكىلدەرى، سونداي - اق، اقپارات قۇرالدارىنىڭ تىلشىلەرى سياقتىلاردان ۇيىمداسقان ۇجىم ٴبىر اپتا ۋاقىتپەن قاشقار، ىلە، ٴۇرىمجى سىندى 3 جەردىڭ شەكارا اتتاعان ەلەكتروندى ساۋداسى، اۋىر ونەركاسىپ بازاسى، مادەنيەت - ساياحات كاسىپ سالاسى باقشاسى، ۇلتتىق سالت - سانا بازارى، تيانشان گۇل تەڭىزى سياقتىلاردى ارالاپ، شينجياڭنىڭ دامۋ جەتىستىكتەرىنە كۋا بولىپ، شينجياڭنىڭ جەرگىلىكتى سالت ـ ساناسىن ٴتۇسىنىپ، كورىكتى شينجياڭمەن تانىسىپ، گۇلدەنگەن شينجياڭ، دامىعان شينجياڭ حيكاياسىن ويداعىداي باياندادى.
21 - كۇنى تۇستەن كەيىن قيمىلعا قاتىناسۋشىلار الدىمەن قۇلجا قالاسىنىڭ قازانشى ۇلتتىق سالت ـ سانا ساياحات رايونىنا كەلدى. بۇل ارادا بەلگى سيپاتتى ”ىلە كوك رەڭىنەن“ سىرت، 100 جىلدىق تاريحقا يە 300 دەن استام تۇرعىن ٴۇي بار. كوپشىلىك جەرگىلىكتى ورىننىڭ ۇلتتىق سالت ـ ساناسىن تەرەڭ سەزىنىپ، كونە قالا رايونى تۇرعىندارىنىڭ تۇرمىسى، ساياحاتىنىڭ دامۋى سياقتى جاعدايلاردى ۇعىسىپ، كونە قالا رايونىنان ەسكەن جاڭا ٴداۋىر لەبىن تولىق سەزىندى. وسىدان كەيىن ولار قۇلجا قالاسى التىشۋار كوشەسى كورىنىس رايونىنا كەلىپ، ٴتۇسىندىرۋشىنىڭ تانىستىرۋى ارقىلى ىلەنىڭ گۋمانيتارلىق تاريحىن ۇعىنىپ، گارمون سارايىنداعى كاسىپتىك مۋزيكانتتاردان گارمون مۋزيكاسىن تاماشالاپ، التىشۋار كوشەسىندەگى ايگىلى تاعامداردان ٴدام تاتتى. كوپشىلىك ساياحاتتاي ٴجۇرىپ سۋرەتكە ٴتۇسىپ جانە ونى ينتەرنەت جەلىلەرىندە تاراتىپ جاتتى، ٴتىپتى، كەشكى اس ۋاقىتىن دا قولدان جىبەرمەي ٴارقايسى تەكشەلەردە قۇلجانى ۇگىتتەدى.
ىلەلىكتەر كوك تۇسكە نەگە سونشا قىزىعادى؟ بۇل جەرگىلىكتى ورىنداعى تۇرعىنداردىڭ تۇرمىس ادەتى، ۇلتتىق سالت - ساناسى، ەستەتيكالىق كوزقاراسى، ساۋلەتشىلىك ونەرى سياقتىلارمەن تىعىز قاتىستى. جول بويى ارالاپ كورۋ، ٴتۇسىندىرۋشىنىڭ تانىستىرۋى ارقىلى قيمىلعا قاتىناسۋشىلار نەگىزىنەن مۇنىڭ سەبەبىن بىلگەن سوڭ، جازۋ، سۋرەت، كەسكىن ارقىلى ٴارقايسى اقپارات قۇرالدارىنىڭ تەكشەلەرىنە جاريالاپ، ىلەنىڭ كوركەم كورىنىسىن، گۋمانيتارلىق سالت ـ ساناسىن ۇگىتتەدى.
”جوعارى ساپالى دامۋ جۇڭگو ساپارى . شينجياڭ تاراۋى“ ارناۋلى تاقىرىپتىق قيمىلىن ورتالىق ينتەرنەت حاۋىپسىزدىگى جانە ينفورماتسيالاندىرۋ كەڭسەسى ينتەرنەت قوعامدىق قىزمەت مەكەمەسى، جۇڭگو ينتەرنەتتى دامىتۋ قور قوعامى، شينجياڭ ۇيعۇر اۆتونوميالى رايوندىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى بىرلەسىپ ۇيىمداستىرعان، ٴۇرىمجى قالالىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى، ىلە وبلىستىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى، قاشقار ايماقتىق پارتكومنىڭ ينتەرنەت حاۋىپسىزدىگى جانە ينفورماتسيالاندىرۋ كەڭسەسى سەلبەسىپ ۇيىمداستىرعان، شينجياڭ انار بۇلت مادەنيەت جاسامپازدىعى شەكتى سەرىكتەستىگى ۇستىنە العان.
5 - ايدىڭ 22 -، 23 - كۇندەرى قيمىلعا قاتىناسۋشىلار تاعى قورعاس ەكونوميكالىق اشۋ رايونىنىڭ قۇلجا باقشا رايونى، قۇلجا اۋدانى، قورعاس قاتارلى جەرلەرگە باردى.
قيمىلعا قاتىناسۋشىلار تۇرداقىن بايدىڭ اۋلاسىندا كونسەرت تاماشالاپ، سۋرەتكە تۇسىرۋدە
قيمىلعا قاتىناسۋشىلار قازانشى ۇلتتىق سالت - سانا ساياحات رايونىندا «قادەك» اربامەن ساياحاتتاۋدا
قيمىلعا قاتىناسۋشىلار كورىنىس رايونىندا كىشكەنتاي قىز بالانى سۋرەتكە تارتۋدا
قازانشى ۇلتتىق سالت - سانا ساياحات رايونىنداعى قوناق قارسى الۋ ٴبيى
تۇرداقىن بايدىڭ اۋلاسىندا قيمىلعا قاتىناسۋشىلار مەن ارتيستەر بۇرالا بيگە باسۋدا
قيمىلعا قاتىناسۋشىلار التىشۋار كوشەسىندەگى ٴان - ٴبيدى تاماشالاۋدا
ٴۇي تاعامدارىنان ٴدام تاتۋ
ارتيستەر قيمىلعا قاتىناسۋشىلاردى بيگە ۇسىنىس ەتۋدە
قيمىلعا قاتىناسۋشى التىشۋار كوشەسىندەگى حالىقتىق تۇسەلحانا كورمەسىندەگى رەڭدى قۇم سىزبانى سۋرەتكە تۇسىرۋدە