پراكتيكانت ٴتىلشى جاڭ جيايۋان حابارلايدى. 5 ـ ايدىڭ 22 ـ كۇنى سينگاپورلىق 134 ساياحاتشىدان ۇيىمداسقان ساياحات ۇيىرمەسى قۇلجا قالاسىنىڭ ىلە  بايىرعى قالاسى قازانشى ۇلتتىق سالت ـ سانا ساياحات رايونىنا كەلىپ، ىلەدەگى 3 كۇندىك ساياحات ساپارىن باستادى.

ۇعىسۋعا قاراعاندا، وسى رەتكى ساياحات ۇيىرمەسىنىڭ ىلەگە ساياحات ساپارى نارات ساياحات كورىنىس رايونى، تاڭبالى 100 شاقىرىمدىق كورىنىس رايونى سياقتى كورىنىس تۇيىندەرىن ٴوز ىشىنە الادى ەكەن.

سينگاپورلىق اعايىندىلار ساياحات مەكەمەسىنىڭ جاۋاپتىسى Alan تىلشىگە بىلاي دەدى: ”بىلتىر 6 - ايدان بەرى سينگاپورلىقتاردىڭ شينجياڭعا ساياحاتتاۋ ىنتاسى ۇزدىكسىز جوعارىلادى. ساياحات مەكەمەمىز جونىنەن العاندا، شينجياڭ − ساياحاتتاعى ەڭ دۋماندى نىسانالى جەر. ٴبىز دە وڭتۇستىك - سولتۇستىك شينجياڭعا بارۋدىڭ سارا ساياحات جەلىسىن العا قويىپ، سينگاپور ساياحاتشىلارىنىڭ شينجياڭعا ساياحاتتاۋ قاجەتىن قاناعاتتاندىردىق“.

«ىلە بەينە كوركەم كارتينا ىسپەتتى كىسىنى شاتتىققا بولەيدى، راسىندا وتە كوركەم ەكەن». نارات ساياحات كورىنىس ٴوڭىرى مەن تاڭبالى 100 شاقىرىمدىق سۋرەت ٴدالىزى كورىنىس ٴوڭىرىنىڭ كوركەم كەلبەتىن تاماشالاعاننان كەيىن، شينجياڭعا تۇڭعىش رەت ساياحاتتاي كەلگەن سينگاپورلىق ساياحاتشى ۋيلليام بىلاي دەدى: ”مەن الداعى ساپارىمىزدى اسىعا كۇتۋدەمىن، اسىرەسە، سايرام كولىنە دەگەن اڭسارىم الەي“.

سينگاپور CAPITAL958 راديو ستانسياسىنىڭ جۇرگىزۋشىسى لۇي لينشۋان تىلشىگە بىلاي دەدى: ”شينجياڭنىڭ ادامدى ەڭ باۋرايتىنى ۇلتتىق سالت - ساناسى. مەن جۇڭگونىڭ وزگە كوپتەگەن قالاسىنا بارعانمىن، ٴبىراق شينجياڭنىڭ وزىنە ٴتان ەرەكشە باۋرامدىلىعى بار، ونى ۇمىتا المايسىڭ“.

سۋرەتتە: سينگاپورلىق ساياحاتشىلار نارات كورىنىس رايونىن ساياحاتتاۋدا. سۋرەتپەن قامداعان: ساياحات سەرىكتەستىگى