كوكىرەك كەرنەر جىرىمەن ارمانعا بىرگە اتتاندى

− شينجياڭ ساياحات كاسىبىنىڭ جوعارى ساپالى دامۋىن ىلگەرىلەتۋدىڭ سىرى جونىندە ىزدەنىس

5 ـ ايدىڭ سوڭعى شەنى، شينجياڭنىڭ جەر ـ جەرىندە گۇلدەر قۇلپىرىپ، اعاشتار ماۋەلەپ، ساياحاتشىلار ٴيىن تىرەستى، شينجياڭ ساياحاتى بىرتىندەپ قالىڭ جۇرت اعىلعان ٴداستۇرلى ساياحاتتىڭ قاۋىرت مەزگىلىنە ٴوتتى.

ساياحات ساناق ۇلكەن ساندى مالىمەت تۇعىرى مەن ۇلگى الىپ تەكسەرۋ جالپىلىق تۇسپالىنا قاراعاندا، بيىل الدىڭعى 4 ايدا شينجياڭ جالپى 58 ميلليون 499 مىڭ 500 ساياحاتشى (رەت) قابىلداپ، سايكەس مەزگىلدەگىدەن %13.64 ارتقان؛ ساياحات كىرىسى 62 ميلليارد 649 ميلليون يۋان بولىپ، سايكەس مەزگىلدەگىدەن %41.72 ارتقان. ”1 ـ مامىر“ دەمالىسىندا شينجياڭ ەل ىشىنەن جالپى 8 ميلليون 559 مىڭ 400 ساياحاتشى (رەت) قابىلداپ، ساياحات كىرىسى 8 ميلليارد 78 ميلليون يۋان بولعان. شينجياڭ ساياحات بازارىندا ساياحاتشى مولشەرىنىڭ، ساياحات كىرىسىنىڭ بىردەي ارتۋى جۇزەگە اسىرىلعان، مادەنيەتتى سەزىنۋ، سەيىل ـ سەرۋەن دەمالىسى سياقتى قاجەتتەر شوعىرلى شىعارىلىپ، قامداۋ ـ قاجەتسىنۋ بىردەي قاۋىرت بولۋ سىندى تاماشا جاعداي جارىققا شىققان.

ەگەر ۇدەرە العا تارتۋ، كۇن سايىن دۋماندى بولۋ شينجياڭ ساياحاتىنىڭ سىرتقى بەينەسى دەسەك، وندا جوعارى ساپالى دامۋ شينجياڭ ساياحاتىنىڭ ىشكى سەبەبى بولماق. بۇگىنگى تاڭدا شينجياڭ نەگىزدىك قۇرىلعىلاردى كەمەلدەندىرۋدى ماڭىزدى ٴتۇيىن، مول ونىممەن قامداۋدى تۇتقا، ەرەكشە كاسىپ كۇيىن دامىتۋدى سەرپىلىس ٴتۇيىنى، قىزمەت وتەۋ ساپاسىن جوعارىلاتۋدى قوزعاۋشى كۇش، جان ـ جاقتى، كوپ ساتىلى، كەڭ سالالى ۇگىتتى، جوسپارلاۋ ـ ساتۋدى ماڭىزدى ارنا ەتىپ، شينجياڭ ساياحات كاسىبىنىڭ جوعارى ساپالى دامۋىنىڭ نىق قاداممەن الىسقا جەتۋىن ىلگەرىلەتىپ، ”ارمان القابىنىڭ“ جاڭا كارتيناسىن كەستەلەدى.

مادەنيەت ـ ساياحات ارقىلى تۇتىنۋدى جەبەپ،  بازاردىڭ ومىرشەڭدىك كۇشىن تاسقىنداتتى

5 ـ ايداعى ەڭ تانىمال كينو ـ تەلەفيلمدەرىندە «التايىمنان» وتەرى جوق. تەلەفيلم قويىلعان سوڭ تەز ارادا تۇتاس جەلىدە دابىرالى بولىپ، جالپى تارالۋ مولشەرى 6 ميلليارد رەتكە جەتتى. التايدى ينتەرنەتتە ىزدەۋ قىزعىندىلىعى ٴۇرتىس 5 ەسەدەن اسىپ، ۇرىمجىدەن التايعا ۇشاتىن ۇشاقتىڭ بەلەتىنىڭ ساتىلۋ مولشەرى ۇقساس مەزگىلدەگىمەن سالىستىرعاندا %50 ارتتى.

بۇل − شينجياڭ ساياحاتى دامۋ تەبىنىنىڭ تاماشا بەينەسىنىڭ ٴبىرى. ساياحاتتىڭ ۇزدىكسىز جوعارى ورلەۋگە كوتەرىلۋىنە ىلەسە، شينجياڭ كوپتەگەن ادامداردىڭ كوڭىلىندەگى ”ارمان القابىنا“ اينالىپ، ساياحات كاسىبىنىڭ ەكونوميكالىق، قوعامدىق دامۋداعى ورنى كۇن سايىن كورنەكتىلەندى.

سوڭعى ەكى جىلدا قوناق ۇيگە قارجى قوسۋدى ۋاكىل ەتكەن نەگىزدىك قۇرىلعىلار قۇرىلىسى زور مولشەردە ارتتى. 2023 ـ جىلى بۇكىل شينجياڭدا قوناق ٴۇي قۇرىلىسىنا ساياتىن جيىنى 130 نىسان اتقارىلدى، جالپى قوسىلعان قارجى 40 ميلليارد يۋاننان استى، مۇنىڭ ىشىندە بەس جۇلدىز دارەجەلى قوناق ٴۇي ولشەمىندە 33 قوناق ٴۇي سالىنعان، مولشەرمەن 32 ميلليارد 990 ميلليون يۋان قارجى قوسىلدى. بيىل 69 قوناق ٴۇي نىسانى سالىنىپ بولادى، مۇنىڭ ىشىندە بەس جۇلدىز دارەجەلى قوناق ٴۇي ولشەمىندە 14 قوناق ٴۇي بار. قازىر 13 قوناق ٴۇي سالىنىپ بولىپ ىسكە قوسىلدى، جوسپار بويىنشا بيىل 56 قوناق ٴۇي نىسانى سالىنىپ بولادى، بۇعان جالپى 5 ميلليارد 992 ميلليون يۋان قارجى قوسىلدى.

جوعارى دارەجەلى قوناق ٴۇي نىسانى مادەنيەت ـ ساياحات بازارىندا قارجى قوسۋدىڭ قىزۋ تۇيىنىنە اينالدى. قازىر ٴۇرىمجى، بۇراتالا، قاشقار سياقتى جەرلەردە تۇگەلدەي بەس جۇلدىز دارەجەلى ولشەمدەگى قوناق ۇيلەرگە قارجى قوسىلىپ سالىنۋدا، ۋيندحام، حيلتون، شەراتون سياقتى بىرەگەي حالىقارالىق ايگىلى ماركالار ارت ـ ارتىنان جارىققا شىقتى.

ٴبىر كاسىپ گۇلدەنسە ٴجۇز كاسىپ وركەندەيدى. جەتەكشىلىك ەتۋ سيپاتى مەن بايلانىس دارەجەسى ەڭ جوعارى كاسىپ سالالارىنىڭ ٴبىرى رەتىندە شينجياڭ ساياحات كاسىبىنىڭ جارىققا شىعارعان كۇشتى كوبەيتكىش اسەرى جوعارى ساپالى دامۋدىڭ قوزعالتقىشىنا اينالدى.

”ويىن قويۋعا ىلەسە ساياحاتتادى“. 2023 ـ جىلى شينجياڭ كوركەمونەر مەرەكەسى، جۇڭگو شينجياڭ حالىقارالىق ۇلتتار ٴبي فەستيۆالى، جۇڭگو شينجياڭ حالىقارالىق كوركەمونەر قوس جىلدىق كورمەسى، شينجياڭعا باعىتتامالى كومەكتەسەتىن 19 ولكە، قالانىڭ بەيزاتتىق مادەنيەت مۇرالارى كورمەسى جانە بۇلدىرگەن مۋزيكا فەستيۆالى، جياڭگو مۋزيكا فەستيۆالى، دۋماندى قار ٴان كەشى سياقتى ايگىلى ماركالى قيمىلدار دابىرالى وتكىزىلدى. تۇتاس جىلدا تيجارت سيپاتتى ويىن نومىرلەرىنەن 5600 دەن استام رەت قويىلدى، مۇندا 120 رەتتەن استام كولەمدى مۋزيكا فەستيۆالى، ٴان كەشى وتكىزىلىپ، تۇتىنۋ سوماسىنىڭ 500 ميلليون يۋاننان اسۋىنا تۇرتكى بولدى.

”كينو ـ تەلە فيلمىنە ىلەسىپ ساياحاتتاۋ“ جاڭا سالتقا اينالدى. باس ستانسيانىڭ 2024 ـ جىلعى كوكتەم مەرەكەسىنە ارنالعان ساۋىق كەشى شينجياڭ قاشقار بولىمشە كونسەرت الاڭى قاشقار بايىرعى قالاسىن بۇكىل ەلدەگى دۋماندى ساياحات نىسانالى جەرىنە اينالدىردى، ٴبىر ساۋىق كەش ٴبىر قالانىڭ ساياحاتىن جانداندىردى، تاياۋدا قاۋىرت قويىلعان قىسقا تەلەفيلم «التايىم» شينجياڭ ساياحاتىن ٴۇرتىس دۋمانداتتى.

”جارىسقا ىلەسىپ ساياحاتتاۋ“، ”ساياحات + جارىستى“ شينجياڭ ساياحاتىنىڭ جاڭا جارقىن تۇيىنىنە اينالدىردى. ”قار ـ مۇز جىبەك جولى جۇڭگو قار مەكەنى“ 1 ـ كەزەكتى التاي تاۋىن اينالعان قىسقى سپورت جينالىسى، ”ٴبىر بەلدەۋ، ٴبىر جول جىبەك جولى ساپارى“ 2024 ـ جىلعى جۇڭگو حالىقارالىق قارداعى ۆالەيبول ۇسىنىس جارىسى، 2024 ـ جىلعى ٴۇرىمجى مارافون جارىسى، جۇڭگو تاكلاماكاندى اينالعان جىبەك جولى جينالۋ جارىسى سياقتى جارىس قيمىلدارى جانە قيان ـ كەسكى ورلەۋگە كوتەرىلگەن 2024 ـ جىلعى جۇڭگو تاكلاماكاندى اينالۋ حالىقارالىق راللي جارىسى سياقتىلار ٴبىر توپ دەنە تاربيە، ساياحات سارا جارىستارىن، سارا ونىمدەر لەنياسىن، سارا ونىمدەر كورىنىس اۋماقتارىن جەتىلدىرۋمەن، تۇلعالاۋمەن قاتار، شينجياڭدى ”جارىسقا ىلەسىپ ساياحاتتايتىن“ ماڭىزدى نىسانالى جەرگە اينالدىردى.

مادەنيەت ـ ساياحات ارقىلى تۇتىنۋدى جەبەۋ بازاردىڭ شەكسىز ومىرشەڭدىك كۇشىن تاسقىنداتىپ، ساياحات كاسىبىن جاڭادان گۇلدەنگەن ستراتەگيالىق تىرەكتى كاسىپ سالاسىنا اينالدىردى.

حالىق تۇرمىسى كاسىپ سالاسى كوبەيتكىش اسەرىن ۇلعايتتى

تۇرپان قالاسى گاۋچاڭ رايونى بويلۇق ٴمالىسى چيڭۋا كوشەسىنە كەلسەڭىز، جالپى ۇزىندىعى 2.6 كيلومەتر كەلەتىن وسى كوشەنىڭ وزەكتى اۋماعى 300 مەتر شىعادى. وسى 300 مەتر جەردە قىستاق تۇرعىندارىنىڭ شاعىن اۋلاسىنان وزگەرتىپ جاسالعان ەرەكشە حالىقتىق تۇسەلحانادان تورتەۋى بار.

ساياحات كەسەسىندەگى تاماقتان اۋىز ٴتيىپ، كىرىستى ارتتىرۋ جولىنا ٴتۇستى. شينجياڭنىڭ ساياحات كاسىبىنىڭ جۇمىستانۋدى كەڭەيتۋ، حالىقتى بايىتۋ، حالىققا يگىلىك جەتكىزۋ ەرەكشەلىگى دارەجە بويىنشا جوعارىلاپ، قازىرگى كەزدەگى تاڭداۋلى حالىق تۇرمىسى كاسىپ سالاسىنا اينالدى. تولىق بولماعان ساناققا قاراعاندا، 2023 ـ جىلى 345 مىڭنان استام ادام ساياحات ارقىلى تىكەلەي جۇمىستانعان.

سالىق تاراۋلارىنىڭ ساناعىنا قاراعاندا، بۇكىل شينجياڭدا ساياحات كاسىبىمەن شۇعىلداناتىن شارۋاشىلىق تۇلعاسى 392 مىڭنان اسقان. ساياحات ساپارى، قونالقى، اس ـ سۋ، سەيىل قۇرۋ، زات ساتىپ الۋ، كوڭىل اشۋ، جالپىلىق قىزمەت وتەۋ سياقتى 7 ۇلكەن قيمىل بارىسىندا، قونالقى، اس ـ سۋ، زات ساتىپ الۋدىڭ قاتىستى حالىق شارۋاشىلىعى سالاسى ارتقان قۇنىندا ۇستايتىن سالماعى بۇكىل ەلدىڭ ورتاشا دەڭگەيىنەن جوعارى بولعان. ”اس ـ سۋ، قونالقى، ٴجۇرىس ـ تۇرىس“ ساياحات تۇتىنۋ شىعىسىنىڭ ۇشتەن ٴبىرىن ۇستادى، قونالقى، اس ـ سۋ بويىنشا جەكە كاسىپكەرلەردىڭ ۇستايتىن سالىستىرماسى جوعارى بولىپ، كىرىستى ورنىقتى ارتتىرۋدى جەبەۋ رولى زور بولدى.

قازىر شينجياڭنىڭ جەر ـ جەرىندە ساياحات كاسىبى قارىشتاپ دامىدى، قار ـ مۇز ساياحاتى، جەكە كولىكپەن ساياحاتتاۋ، ەرەكشە ساياحات، اۋىل ـ قىستاق ساياحاتى، قىزىل ساياحات، ەمدەلۋ ـ كۇتىنۋ ساياحاتى، زەرتتەۋ ـ ۇيرەنۋ ساياحاتى، شەكارا اتتاعان ساياحات، سالت ـ سانا، مادەنيەت ساياحاتى، ساياحاتتىق كونسەرت سياقتى ەرەكشە كاسىپ كۇيلەرى گۇلدەنىپ ـ كوركەيدى. ساياحات كاسىپ كۇيى ونىمدەرى اناعۇرلىم مولايۋمەن قاتار، ٴار ۇلت بۇقاراسىنىڭ ساياحاتقا ات سالىسۋىنا اناعۇرلىم كوپ وراي جاراتىلدى. اسىرەسە، وڭتۇستىك شينجياڭنىڭ جەر ـ جەرىندە ساياحات كاسىبى تەز قارقىنمەن دامىپ، ٴتىپتى دە كوپ جەرگىلىكتى بۇقارانىڭ ”ساياحات كەسەسىن ۇستاۋىنا“ مۇمكىندىك جاساپ، ٴۇي ماڭىندا جۇمىستانىپ، كىرىس ارتتىرۋىن جۇزەگە اسىردى.

باقىت كاسىپ سالاسى باقىتتىڭ اجارىن اشتى

قازىرگى تاڭدا ساياحات كاسىبى كۇن وتكەن سايىن ادامداردىڭ تاماشا تۇرمىسقا دەگەن جاڭا ٴۇمىتىن قاناعاتتاندىراتىن ماڭىزدى مازمۇنعا اينالدى.

عاجايىپ كوركەم تابيعات كورىنىسى، مايەكتى تاريحي مادەنيەت، قويۋ، باي مازمۇندى ۇلت سالت ـ ساناسى... شينجياڭنىڭ مول ٴارى وزگەشە ساياحات بايلىقتارى تيانشان الابىنداعى ساياحات كورىنىس وڭىرىنە بىرتىندەپ اينالدى ٴارى سانى دا ۇزدىكسىز كوبەيىپ، ٴتۇرى دە اناعۇرلىم كوپ نەگىزدەنىپ، ادامداردىڭ ساياحاتتىڭ دامۋ پايداسىنان تولىق يگىلىكتەنۋىنە مۇمكىندىك جاسادى.

جۋىق جىلداردان بەرى ساياحات سارا تۋىندى قۇرىلىسى تىڭ جەتىستىككە قول جەتكىزدى. 2023 ـ جىلدان بەرى تۇتاس شينجياڭدا 4A دارەجەلى 14 كورىنىس ٴوڭىرى، مەملەكەت دارەجەلى 4 ساياحات سەيىل ـ سەرۋەن كوشە اۋماعى، مەملەكەتتىك ونەركاسىپ ساياحاتىنان ۇلگى كورسەتەتىن 2 بازا، مەملەكەتتىك مادەنيەت كاسىپ سالاسى مەن ساياحات كاسىپ سالاسىن توعىستىرا دامىتۋدان ۇلگى كورسەتەتىن ٴبىر رايون، مەملەكەتتىك تۇنگى مادەنيەت جانە ساياحات تۇتىنۋى شوعىرلانعان 2 اۋماق، مەملەكەت دارەجەلى 3 شاڭعى ساياحاتى دەمالىس ورنى، مەملەكەت دارەجەلى 4 وركەنيەت ـ ساياحاتتان ۇلگى كورسەتۋ ورنى، مەملەكەتتىك مادەنيەت كاسىپ سالاسى ارقىلى اۋىل ـ قىستاقتىڭ گۇلدەنۋىنە قۋات ۇستەيتىن 2 سىناق ٴتۇيىنى اۋدانى، مەملەكەت بويىنشا ٴوز كولىگىمەن ساياحاتتايتىن 5C دارەجەلى 2 لاگەر، مەملەكەتتىك دەنە تاربيە ـ ساياحاتتان ۇلگى كورسەتەتىن ٴبىر بازا جاڭادان قوسىلدى، ىلە قازاق اۆتونوميالى وبلىسىندا مەملەكەتتىك سىرتقا باعىتتالعان تۇڭعىش مادەنيەت ساۋدا بازاسى ٴساتتى قۇرىلدى.

ٴوز كولىگىمەن ساياحاتتاۋ، قار ـ مۇز ساياحاتى، ەرەكشە ساياحات بۇكىل ەل بويىنشا ٴبىرىنشى شەپكە ٴوتىپ، مايتاۋ - كۇشار تاس جولى، قۇلجا - موڭعۇلكۇرە تاس جولى، التاي - قوم تاس جولى، G219 جۇڭگو شەكارا كورىنىس جولى، پانلۇڭ بايىرعى جولى، S101 تيانشان جاعراپيالىق سۋرەت ٴدالىزى، سانجى نانشان ساپارلاستار تاس جولى سياقتى ساياحات سارا جەلىلەرى ساياحاتشىلاردىڭ ەرەكشە قارسى الۋىنا يە بولدى.

تۇتاس رايوندا 101 شاڭعى الاڭى سالىنىپ، بۇكىل مەملەكەت بويىنشا ٴبىرىنشى ورىندا تۇردى، جىكبەلەڭ، گەنەرال تاۋى، كوكتوعاي، جىبەك جولى شاڭعى الاڭى سياقتىلاردى ۋاكىل ەتكەن جوعارى دارەجەلى شاڭعى الاڭدارى بۇكىل ەلدىڭ الدىڭعى قاتارىنان ورىن الدى. 2 جەلى بۇكىل ەلدەگى 10 ٴىرى قار ـ مۇز ساياحات سارا جەلىسى قاتارىنان ورىن الىپ، شينجياڭ بۇكىل ەلدەگى قار ـ مۇز كاسىپ سالاسىن دامىتۋدا سوڭىنان شىققان ۇزدىككە اينالدى.

جاھانگەزدىك ساياحاتى، قۇمدى ٴشول ساياحاتى سياقتى ەرەكشە ساياحاتتار ساياحاتشىلاردىڭ جاڭا اۋەسىنە اينالدى. تاۋعا شىعۋ، جاياۋ ٴجۇرۋ، تۇزدە تۇنەۋ سياقتىلار جاستاردىڭ القاۋىنا يە بولدى...

بار ما، جوق پا دەگەندى شەشىپ قانا قويماي، ونان دا ماڭىزدىسى، جاقسى ما، جاقسى ەمەس پە دەگەندى شەشۋ كەرەك. شينجياڭ ساياحات بازارى ورتاسىن ۇزدىكسىز ساپالىلاندىرىپ، ساياحاتتىق قىزمەت وتەۋ ساپاسىن جوعارىلاتۋ جىلىن باستاپ اتقاردى. ”ٴبىر نيەتپەن ساياحاتتى قورعاۋ“ ارناۋلى ارەكەتىن تەرەڭدەتىپ، قوعام حاۋىپسىزدىگى، قاتىناس ـ تاسىمال، ساۋدا ىستەرى، مادەنيەت جانە ساياحات، بازاردى باقىلاۋ ـ باسقارۋ سياقتى كوپ تاراۋ بىرلەسىپ كۇش شىعارىپ، ساياحات بازارىن بۇلدىرەتىن زاڭعا، ەرەجەگە قايشى ارەكەتتەرگە اۋىر سوققى بەردى جانە ونى وڭادى. ساياحات بازارى، كولەمدى تيجارات سيپاتتى ويىن قويۋ سياقتى ٴتۇيىندى سالالاردى ارناۋلى رەتتەۋ ـ وڭاۋدى ورىستەتىپ، مادەنيەت، كوڭىل اشۋ سالاسىن وڭاۋدى كۇشەيتتى. ارىز ـ شاعىم، مالىمدەۋ ارناسىن ىركىلىسسىزدەندىرىپ، مادەنيەت ـ ساياحات ارىز ـ شاعىمىن ٴبىر جايلى ەتۋ تۇعىرىن قۇرىپ، بۇكىل ەلدەگى تۇعىر ساندى مالىمەتىمەن اۆتوماتتى ٴتۇيىلىسۋدى الدىمەن جۇزەگە اسىرىپ، ”شينجياڭ مادەنيەت ـ ساياحات ارىز ـ شاعىم“ ۋيشين الەۋمەتتىك ٴنومىرىن اشىپ، ساياحاتشىلاردىڭ ساياحات بارىسىندا ٴتىپتى دە جايلى سەزىمگە بولەنىپ، ساياحات سارا ونىمدەرى جانە ساپالى قىزمەت وتەۋى بارىسىندا ساياحات اكەلگەن باقىتتى، ٴتىپتى، جاقسى سەزىنۋىنە مۇمكىندىك جاسادى.

سۋرەتتە: ساياحاتشىلار قۇلجا قالاسى ىلە كونە قالا رايونى قازانشى ۇلتتىق سالت - سانا ساياحات رايونىن ساياحاتتاۋدا.

سۋرەت شينحۋا اگەنتتىگىنەن الىندى

انار بۇلت＼شينجياڭ گازەتى حابارى