كۇيتۇننىڭ كەشكى كورىنىسىن تاماشالاپ، تىرشىلىك الاۋىن جالىنداتتى
ي - ما كوشەسىندە موتوتسيكلشىلەر ساياحات مەرەكەسىندە تارتىمدى ويىن كورسەتتى
جۇڭگو كوممۋنيستىك پارتياسى قۇرىلعاندىعىنىڭ 103 جىلدىعىن، جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعىن، ىلە قازاق اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاپ، دۋماندى دا سالتاناتتى، شات - شادىمان، بەرەكەلى، ىنتىماقتاسا ەكپىندەي ىلگەرىلەگەن تاماشا اۋان قالىپتاستىرۋ ٴۇشىن، 6 - ايدىڭ 15 - كۇنىنەن باستاپ كۇيتۇن قالاسى ىلگەرىندى - كەيىندى 2024 كۇيتۇن قالاسىن موتوتسيكلمەن ساياحاتتاۋدىڭ شاتتىققا تولى مەزگىلى، 2024 شينجياڭ كۇيتۇن جارتىلاي مارافون جارىسى جانە جۇڭگو جەڭىل اتلەتيكا قوعامىنىڭ 10 كيلومەترلىك ساڭلاقتار جارىسى (كۇيتۇن ايالداماسى)، كۇيتۇن قالاسىنىڭ 2024 - جىلعى «شينجياڭ پارتيانىڭ شاپاعاتىن جىرلاپ، جاڭا ٴداۋىردى تىلگە تيەك ەتتى» اتىنداعى حور جارىسى سياقتى بۇقارالىق مادەنيەت، دەنە تاربيە قيمىلدارىن وتكىزىپ، بارشا قالا تۇرعىندارى مەن ساياحاتشىلارعا ”جىبەك جولىنداعى مەرۋەرت، كوركەم كۇيتۇننىڭ“ دامۋ ومىرشەڭدىك كۇشىن، مادەنيەت مايەگىن جانە تارتىمدى كورىنىسىن تولىق سەزىندىردى.
6 ـ ايدىڭ 15 ـ كۇنى كەشكى ساعات 9 دا كۇيتۇن قالاسى ي - ما كوشەسىندەگى مادەنيەت ـ ساياحات جاياۋلار كوشە رايونى دۋمانعا بولەنىپ، كوڭىلدىلىك كەرنەدى، ۇمىتكە تولدى، شاتتىق سەزىمى شارىقتادى، كۇلكى ٴۇنى مەن الاقايلاعان داۋىستار توعىسىپ، جۇرت جۇرەگىن تەبىرەنتتى.
موتوتسيكلدىڭ گۇرىلدەگەن داۋىسى كوتەرىلۋىمەن ٴبىر رەتكى تاڭعالارلىق ەرەكشە ونەر كورسەتۋدىڭ شىمىلدىعى اشىلدى... ٴدال وسى ساتتە موتوتسيكل ساڭلاقتارى ٴۇنسىز بۇيرىققا قۇلاق اسىپ، ي - ما كوشەسىنە لاپ قويدى...
انشىلەر مۋزيكا ۇنىنە ىلەسە اسقاق تا تارتىمدى ٴان شىرقاپ، جۇرتشىلىقتى مۋزيكا تەڭىزىندە تولقىتتى...
قاعىلەز بيشىلەر ادامدى تاڭ قالدىراتىن ريتىممەن ٴبىر مايدان ويناقى بيگە باستى...
قىپ - قىزىل كويلەك كلاسسيكالىق اۋەن مەن وسى زامانعى ەستەتيكانى ۇشتاستىرىپ، جاستار ۇناتاتىن ٴداۋىر ۇلگىسىمەن جۇڭحۋانىڭ تاڭداۋلى ٴداستۇرلى مادەنيەتىن شىت جاڭا ومىرشەڭدىك كۇشكە جانە مەرەيگە بولەدى...
وسى رەتكى كونسەرت اسەرلى سەزىمگە تولى بولىپ، دۋماندى لەپ بارلىق جەرگە تارالدى، بارلىق ادام شاتتىقتىڭ تولقىنىمەن بىرگە تولقىدى...
كەلۋ قاينارى: كۇيتۇن ٴنول ارالىعى