汉文 ىلە اقپارات تورابىنا حوش كەلدىڭىزدەر!
ىلە وبلىسى الدىڭعى جارتى جىلدا ەل ىشىنەن جالپى 36 ميلليون 164 مىڭ 200 ادام ـ رەت ساياحاتشى قابىلدادى
2024-07-16 12:38:36     كورىلىم:رەت كەلۋ قاينارى:ىلە گازەتى  جاۋاپتى رەداكتور:قۇدايبەرگەن مۇقامەتبەك

ەرەكشە ساياحات ”كوپكە تانىلىپ“، تاماشا ويىن نومىرلەرى ”قىرۋار كورەرمەندى“ باۋرادى

ىلە وبلىسى الدىڭعى جارتى جىلدا ەل ىشىنەن جالپى 36 ميلليون 164 مىڭ 200 ادام ـ رەت ساياحاتشى قابىلدادى

6 - ايدىڭ 12 - كۇنى تەكەس اۋدانى قاراجون كورىنىس رايونىندا ساياحاتشىلار كورىنىس رايونى

 ازىرلەگەن ات ٴۇستى ويىندارىن تاماشالاۋدا.  ليۋ چۇنشيڭ فوتوسى 

ٴتىلشىمىز لۋ جۇڭ حابارلايدى. ٴتىلشىنىڭ ىلە وبلىستىق مادەنيەت جانە ساياحات مەكەمەسىنەن ۇعىسۋىنشا، 1 - ايدان 6 - ايعا دەيىن ىلە وبلىسى ەل ىشىنەن 36 ميلليون 164 مىڭ 200 ادام ـ رەت ساياحاتشى قابىلداعان، بۇل وتكەن جىلعى سايكەس مەزگىلدەگىدەن %22.25 ارتقان، ساياحات كىرىسى 27 ميلليارد 263 ميلليون يۋان بولىپ، وتكەن جىلعى سايكەس مەزگىلدەگىدەن %56.87 ارتقان.

قاراعانتى ساحاراسىندا 200 گە جۋىق تۇلپار قارلى القاپتا قۇيىنداي جۇيىتكىپ، سوڭىنان قار ۇشقىنى كوتەرىلدى... ايبىندى ساحارا تۇلپارلار كەلبەتىمەن ٴوزارا جاراسىم تاۋىپ، قاۋقار مەن اسەمدىكتىڭ ادەمى كارتيناسىن قالىپتاستىردى. قىسقى ساياحاتتىڭ باستالۋىنا ىلەسە، ”جۇڭگو تۇلپار مەكەنى“ موڭعۇلكۇرە اۋدانىنداعى مەملەكەتتىك 4A دارەجەلى ساياحات كورىنىس رايونىنىڭ تۇلپار مادەنيەت باقشاسى جەرگىلىكتى ورىننىڭ ”ساياحات+ جىلقى كاسىپ سالاسىنىڭ“ توعىسپالى دامۋىن ىلگەرىلەتەتىن تاعى ٴبىر جاڭا قوزعالتقىشقا اينالدى. 

كەش كىرىسىمەن تەكەس ”شىڭشىحۋاجياڭ . جيۋگۇڭچىڭ سەيىل - سەرۋەن باقشاسى“ دۋمانعا بولەنىپ، ٴان ـ ٴبي، اشەكەيلى اۆتوكولىكپەن سەيىلدەۋ، مازمۇندى كونسەرت نومىرلەرى تەكەستىڭ قار ـ مۇز كەشكى ەكونوميكاسىن جانداندىرا ٴتۇستى.

بيىل جىل باسىنان بەرى، ىلە وبلىسى وزگەشە قار - مۇز ساياحات بايلىعىنا سۇيەنىپ، قار - مۇز ساياحاتى فاكتورلارىن ۇزدىكسىز اشىپ، قار - مۇزدى تاماشالاۋ، قار - مۇز سپورتى، قار - مۇزعا قاتىسىتى قۇتتىقتاۋ مەرەكەلەرى، قار - مۇز ۇلتتىق سالت - ساناسى سىندى 4 ۇلكەن ٴونىم جۇيەسىن وزەك ەتىپ، قىسقى ساياحات ونىمدەرىنىڭ ساپاسىن جوعارىلاتىپ، قار - مۇز ساياحاتىنىڭ كەڭىستىك ورنالاسۋىن ساپالىلاندىرىپ، ”سۋىق بايلىقتى“ ”ىستىق ەكونوميكاعا“ اينالدىرۋعا قۇلشىندى.

ەرەكشە ساياحات ”كوپكە تانىلىپ“، تاماشا ويىن نومىرلەرى قىرۋار كورەرمەندەردى باۋرادى

5 - ايدىڭ 4 - كۇنى كەشتە، ”ىلەنىڭ ٴتورت ماۋسىمى“ اتتى كولەمدى ٴتول ٴان - ٴبي، ولەڭ كونسەرتى ىلە تەاترحاناسىندا قويىلىپ، ”قىس كەلبەتى“، ” كوكتەم جىرى“، ”جازعى ساۋلە“، ” كۇزگە ماحاببات“ سىندى ٴتورت بولىممەن ىلەنىڭ كوپ ۇلت توعىسا دامىعان، جاسىل ەسىك اشقان، مىڭ بوياۋلى، جاراسىمدى ٴداۋىر حيكاياسى باياندالدى.

”ىلەنىڭ ٴتورت ماۋسىمى“ كونسەرتى مادەنيەتتى شىنايى مويىنداۋدى كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەۋ مەن شينجياڭدى مادەنيەتپەن نارلەندىرۋدى نەگىزگى جەلى ەتىپ، كورىنىستىك ٴان - ٴبي، ەرەكشە مۋزيكا اسپاپتارى، حالىق اندەرىن ورىنداۋ سياقتى فورمالاردان پايدالانىپ، ٴداستۇر مەن وسى زامانعىنى ۇشتاستىرىپ، ىلەنىڭ كوركەم كورىنىسىن، باي ۇلتتىق سالت - ساناسىن جانە ەرەكشە مادەنيەتىن تولىق ايگىلەدى.

”ساحنا شىراقتارى جارقىراپ، تالشىبىقتاي بۇرالعان اققۋ پەريزاتتارى ساحنادان كورىنگەن سول ساتتە، قاسىمداعى باسقا دا كورەرمەندەرمەن بىرگە تاڭ - تاماشا بولدىم، اسەرلەندىك جانە ٴجىپسىز بايلاندىق“ دەدى كورەرمەن چىن حايچيڭ.

بيىل ىلە وبلىسى مادەنيەت پەن ساياحاتتى توعىستىرۋ جاعىنا كۇش سالىپ، ىلگەرىندى - كەيىندى ىلە وبلىسىنىڭ ”اق قارعا ماحاببات“ اتىنداعى قار - مۇز مادەنيەت - ساياحات مەرەكەسى، ”19 - مامىر“ جۇڭگو ساياحات كۇنى، ورىك گۇلى مادەنيەت - ساياحات ماۋسىمى، باتىسقا كوشۋ مادەنيەت - ساياحات قيمىلى سياقتى جەلىلەس مادەنيەت - كوركەمونەر قيمىلدارىن 750 مايدان - رەتتەن استام وتكىزىپ، بۇعان قاتىناسقان ادام سانى 2 ميلليون ادام - رەتكە جەتتى. جۇڭگو - قازاقستان ”’ٴبىر بەلدەۋ، ٴبىر جول‘ حالىقارالىق جاستار مەن ورەندەردىڭ بوكس مادەنيەت مەرەكەسى جانە ’دەنە تاربيە ۇتىس بەلەتى لوڭقاسى‘ جۇڭگو شينجياڭ حالىقارالىق بوكس ۇسىنىس جارىسى“، ”كوڭىلدى جىبەك جولى، مەملەكەت قاقپاسىنا ماحاببات“ اتىنداعى جىلدىق ٴان فەستيۆالى سياقتى قيمىلدار ٴساتتى وتكىزىلدى. ”ادەبيەت - كوركەمونەر + ساياحات“، ”بەيزاتتىق مادەني مۇرا + ساياحات“ سياقتىلاردى تەرەڭدەتۋدى ارقاۋ ەتىپ، قيمىل فورماسىنا جاڭالىق ەنگىزىپ، ٴان - ٴبي، ولەڭ «ىلەنىڭ ٴتورت ماۋسىمى»، كولەمدى ٴتول مۋزيكالى تەاتر «تيانشانعا ماحاببات» سياقتى سارا كوركەمونەر تۋىندىلارىن قويۋ قيمىلىنان 100 رەتتەن استامىن وتكىزدى؛ ٴداستۇر فاكتورىن ۇلتتىق سالت ـ سانا ەرەكشەلىگىن سۇيەنىش ەتىپ، ورتا، شاعىن تيپتەگى، نەگىزگى تاقىرىپتاعى، ەرەكشە تۇردەگى، تاپسىرىس تۇرىندەگى ساياحات ويىن ـ ساۋىق نىساندارىن دامىتىپ، بەيزاتتىق مادەني مۇرالارعا مۇراگەرلىك ەتۋ، جاڭالىق اشۋ مەن كورمەگە قويۋدى، باستان كەشىرۋدى ساياحات ونىمدەرىن جاراتۋعا ەنگىزىپ، قولونەر تەرى بۇيىمدارى، تەرى سۋرەت، قۇم سۋرەت، كەستە سياقتى بەيزاتتىق ونىمدەردى كاسىپ سالالاندىرۋدى، بازارلاندىرۋدى ىلگەرىلەتىپ، ىقپال كۇشىن ۇزدىكسىز كەڭەيتتى.

كەمەلدى ساياحات نەگىزدىك قۇرىلعىلارى مەن الەۋمەتتىك مادەنيەتكە قىزمەت وتەۋ ساياحاتشىلاردى باۋرايتىن شەشۋشى فاكتورعا اينالدى. ىلە وبلىسى قىزمەت وتەۋ ساپاسى مەن قامتاماسىز ەتۋ قابىلەتىن جوعارىلاتۋعا كۇش سالىپ، ساياحاتقا قىزمەت وتەۋ ساپاسىن جوعارىلاتۋ جىلى قيمىلىن، ٴبىر نيەتپەن ساياحاتتى قورعاۋ ارناۋلى قيمىلىن ىشكەرىلەي ورىستەتىپ، ”3 ٴتۇرلى رەتتەۋ ـ وڭاۋدى“، ”6 ۇلكەن جوعارىلاتۋدى“ كۇش سالا مىقتى يگەردى. سونىمەن بىرگە، باعانى باقىلاۋ ـ باسقارۋدى كۇشەيتىپ، اۋدان، قالالار، قاتىستى تاراۋلار ٴبىرىنشى شەپكە ىشكەرىلەي بارىپ، قوناق جاي، اس - سۋ باعاسىنا تەكسەرۋ جۇرگىزىپ، جاعداي ۇعىسىپ، ساياحاتشىلاردىڭ پىكىرىن كەڭىنەن تىڭداپ، اس ـ سۋ كاسىپورىندارىن وزىندىك قۇندى ەسەپتەۋدى مىقتى يگەرۋگە، باعانى ۇيلەسىمدى رەتتەۋگە بەلسەنە جەتەكتەدى. ٴارقايسى كاسىپتىك قوعامدار ىرىقتىلىقپەن ٴىس تىندىرىپ، كاسىپتىك  تەجەمدىلىكتى كۇشەيتىپ، كاسىپورىنداردى تيجارات ارەكەتىن ارناعا ٴتۇسىرىپ، باعانى باستان ـ اياق ۇيلەسىمدى ارالىقتا ساقتاپ، ساياحاتقا قىزمەت وتەۋدىڭ تاماشا ورتاسىن بىرگە قالىپتاستىرۋعا ۇندەدى. ٴار جاقتىڭ بىرگە قۇلشىنۋىندا، جىل باسىنان بەرى ىلە وبلىسىنا توتە قاراستى ورىنداردىڭ ساياحات بازارىندا باعا ۇزدىكسىز ورنىقتى بولىپ، ساياحاتشىلاردىڭ رازىلىق دارەجەسى ۇزدىكسىز جوعارىلادى.