伊犁新闻网

تۇلپارلار جۇيتكىپ، مادەنيەت توعىستى

− 2024، شينجياڭ ىلە تۇلپار مادەنيەت - ساياحات مەرەكەسى تارتىمدى باستالدى

حابارىن جازىپ، سۋرەتتەرىن تۇسىرگەن تىلشىلەرىمىز

ياڭ جيڭ ـ ي، جاڭ جيايۋان

جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ىلە قازاق اۆتونوميالى وبلىسى قۇرىلعاندىعىنىڭ 70 جىلدىعى قارساڭىندا 7 - ايدىڭ 20 - كۇنى ”شىلدە ايىندا ارمانداعى تۇلپارلارمەن موڭعۇلكۇرەدە جۇزدەسىپ، اڭىزدارعا بويلاپ، حيكىمەتتەردى ۇزدىكسىز جالعاستىرايىق“ دەگەن نەگىزگى تاقىرىپتاعى شينجياڭ ىلە تۇلپار مادەنيەت - ساياحات مەرەكەسى موڭعۇلكۇرە اۋدانىنىڭ تۇلپار ساياحات - مادەنيەت باقشاسىندا تارتىمدى باستالدى.

وسى رەتكى تۇلپار مادەنيەت ـ ساياحات مەرەكەسىنىڭ جەلىلەس قيمىلدارى 4 ۇلكەن بولەكتى قامتيدى، بۇل قيمىل 4 ـ ايدىڭ اياق شەنىنەن 12 ـ ايدىڭ باس شەنىنە دەيىن جالعاسىپ، جارىستىڭ جالپى بارىسىمەن ساباقتاستىرىلعان 21 ٴتۇرلى تارتىمدى قيمىل توڭىرەكتىڭ ٴتورت بۇرىشىنان كەلگەن قوناقتارعا جان ـ جاقتى ساياحات اسەرىن سيلايدى.

شينجياڭ ىلە تۇلپار مادەنيەت ـ ساياحات مەرەكەسى − كوز مەيىرىن قاندىراتىن نەمەسە اڭگىمەگە ارقاۋ بولاتىن سالتاناتتى قوناعاسى عانا ەمەس، ونان دا ماڭىزدىسى، ٴار ۇلت مادەنيەتىنىڭ ارالاسۋىنىڭ، توعىسۋىنىڭ ۇلكەن ساحناسى. بۇل ارادا ٴداستۇرلى مادەنيەت پەن وسى زامانعى كوركەمونەر ٴبىر ـ بىرىنە ساۋلەسىن ٴتۇسىرىپ، ٴار ۇلت باۋىرلاستارى تۇلپار مادەنيەتىنىڭ قۇدىرەتىن بىرگە سەزىنىپ، ٴوزارا ٴتۇسىنىسۋ مەن دوستىقتى كۇشەيتتى، سونداي ـ اق جەرگىلىكتى ورىننىڭ مادەنيەت، ساياحات كاسىبىنىڭ دامۋىن ونان ارى ىلگەرىلەتتى.