ەرىكتى ٴتىلشى مۇرات حابارلايدى. توعىزتاراۋ اۋدانى جۋىق جىلداردان بەرى ەرەكشە حالىقتىق تۇسەلحانا، قوناقجاي قۇرىلىسى نىسانىن ۇزدىكسىز ىلگەرىلەتىپ، ساياحاتشى قابىلداۋ قۋاتىن ۇزدىكسىز جوعارىلاتىپ، ساياحات كاسىبىنىڭ باياندى، اقاۋسىز دامۋىن ىلگەرىلەتىپ، ەكونوميكانىڭ، قوعامنىڭ دامۋىنا تىڭ قوزعاۋشى كۇش قوستى.

8 - ايدىڭ 9 - كۇنى توعىزتاراۋ اۋدانى ٴدوڭمالى قالاشىعىنىڭ تاۋلي ليۋسۋ قوناقجاي قۇرىلىسى نىسانىنىڭ قۇرىلىس ورنىنان جۇمىسشىلاردىڭ سىرتقى داۋالدى سىرلاۋمەن قاربالاس بولىپ جاتقانىن كوردىك. بۇل نىسان توعىزتاراۋ اۋدانىنداعى ٴتۇيىندى مادەنيەت ـ ساياحات نىساندارىنىڭ ٴبىرى، ىلە تاۋلي مادەنيەت ـ ساياحاتتى دامىتۋ شەكتى سەرىكتەستىگى قارجى قوسىپ سالعان، يەلەگەن جەر اۋماعى 35 مۋ، مەجەمەن 280 ميلليون يۋان قارجى قوسىلادى. حالىقتىق تۇسەلحانا سالىنىپ بولعاننان كەيىن، جالپى 104 قوناق بولمەسى پايدالانۋعا بەرىلىپ، ەڭ كوپ بولعاندا 220 ادام جاتۋعا بولادى، 130 اۆتوموبيل توقتاتۋ ورنى، 6 جوعارى كەرنەۋلى زاريادتاۋ قوندىرعىسى ورنالاستىرىلعان، اس - سۋ، جاتىن ورىن، كوڭىل اشۋ ٴبىر تۇلعالانعان كەشەندى ساۋدا ىستەرى قوناقجايى.

تاۋلي ليۋسۋ  قوناقجايىن اشەكەيلەۋ ينجەنەرياسىنىڭ جاۋاپتىسى گو فان بىلاي دەپ تانىستىردى: ”قازىر ٴبىز مۇندا داۋالدىڭ سىرتى مەن ارالىق قۇبىر قۇرىلىسىن جۇرگىزىپ جاتىرمىز. داۋالدىڭ سىرتى سىرلانىپ بولعاننان كەيىن كەلەسى ساتىدا اشەكەيلەۋ كەزەڭىنە وتەمىز. قازىر جالپى قۇرىلىس مولشەرىنىڭ %60  ى ورىندالىپ بولدى، مەجەمەن 11 - ايدىڭ سوڭىندا تۇگەل بىتەدى“.

قازىر توعىزتاراۋ اۋدانى ديەچىڭ قوناق ٴۇيى نىسانى دا قاۋىرت سالىنۋدا. بۇل نىسان توعىزتاراۋ اۋدانى شىعىس قالا جاڭا رايونىنا ورنالاسقان، جالپى اۋماعى 20 مىڭ 600 شارشى مەتر، 150 ميلليون يۋان قارجى قوسىلعان، كوبەلەك كولى كورىنىس رايونىنان 500 مەتر قاشىقتىقتا، قوناق ۇيگە جاتقاندار تۇتاس كوبەلەك كولىن كورە الادى. بۇل بەس جۇلدىزدى قوناق ٴۇي  ولشەمى بويىنشا جوبالانىپ، اشەكەيلەنەدى، سايكەستى قۇرىلىستاردان − مەيرامحانا، ەركىن تاماقتانۋ زالى، شاي ٴىشىپ دەمالۋ زالى، كەڭىستىك باقشاسى بالكونى، قوناقجاي ۇستىندەگى مالتاۋ كولشىگى سياقتى قوسىمشا قۇرىلعىلار بار.

ديەچىڭ ۇلكەن قوناقجايى نىسانىنىڭ جاۋاپتىسى دۋ جۇنفىڭ بىلاي دەدى: ”بۇل نىساندا 2023 ـ جىلى 8 ـ ايدىڭ 1 ـ كۇنى قۇرىلىس باستالعان، ىشكى بولىگىنىڭ %80 ى اشەكەيلەنىپ بولدى. ەندى ٴبىز ۇستەمە جۇمىس ىستەپ، قۇرىلىس مەرزىمىن قاۋىرت يگەرىپ، بيىل 10 ـ ايدىڭ 1 ـ كۇنىنەن بۇرىن پايدالانۋعا بەرۋدى جوسپارلاپ وتىرمىز“.

جاقىنعى جىلدارى توعىزتاراۋ اۋدانى كولدەنەڭ، شاشى جانە كوبەلەك كولى سياقتى كورىنىس وڭىرلەرىنىڭ بايلىق باسىمدىعىنا سۇيەنىپ، شينجياڭنىڭ ٴىشى ـ سىرتىنان كوپتەگەن ساياحاتشىلاردى باۋرادى. ٴدوڭمالى قالاشىعى ويتام قىستاعىنداعى نانيۋان باقشاسى حالىقتىق تۇسەلحاناسىنىڭ جالپى اۋماعى 4800 شارشى مەتر، مۇندا 5 تۇردەگى ٴۇي ۇلگىسى بار، مۇنىڭ ىشىندە باۋ ـ باقشالى توبەسىندە جۇلدىزدار جامىراعان اعاش ۇيلەر وزگەشە بولىپ، باۋ ـ باقشا جانە اتىز اراسىنا ورنالاسقاندىقتان كوپتەگەن ساياحاتشىلاردى باۋراۋدا.

نانيۋان حالىقتىق تۇسەلحاناسىنىڭ جاۋاپتىسى ساۋ جۇن بىلاي دەدى: ”بىزدە جەمىس ٴۇزۋ باقشاسى، اۆتوكولىك توقتاتۋ الاڭى، حالىقتىق تۇسەلحانانى تاماشالاۋ اۋماعى سايكەستىرىلگەن، تاعى ساياحاتشىلار كوڭىل كوتەرەتىن كوپتەگەن جەرلەر بار. بۇدان بىلاي ٴبىز حالىقتىق تۇسەلحانانىڭ قىزمەت وتەۋىن جوعارىلاتىپ، جەر ـ جەردەگى ساياحاتشىلارعا ٴتىپتى دە جاقسى قونالقى ورىن ازىرلەيمىز“.

قازىر توعىزتاراۋ اۋدانىندا 27 قوناقجاي بار بولىپ، مۇنىڭ 22 سى قوناقجاي قوعامىنا مۇشە بولعان؛ 231 حالىقتىق تۇسەلحانانىڭ 155 ى حالىقتىق تۇسەلحانا قوعامىنا كىرگەن. كەلەسى قادامدا توعىزتاراۋ اۋدانى تۇرعىن ٴۇي كاسىبىن ٴتۇيىن ەتىپ، تۇتاس اۋدانداعى حالىقتىق تۇسەلحانا نەگىزدىك قۇرىلعىلارىن جاڭالاپ، قىستاق تۇرعىندارىن جوعارى ساپالى حالىقتىق تۇسەلحانانى دامىتۋعا ۇزدىكسىز شابىتتاندىرىپ جانە قولداۋ كورسەتىپ، توعىزتاراۋ اۋدانىنىڭ ساياحات كاسىبىنىڭ دامۋىنا تىڭ قوزعاۋشى كۇش جانە تىڭ ومىرشەڭدىك كۇش قوسادى.

سۋرەتتە: توعىزتاراۋ اۋدانىنداعى ٴبىر حالىقتىق تۇسەلحانانىڭ سىرتقى كورىنىسى.   مۇرات فوتوسى