ٴتىلشىمىز لۋ جۇڭ، ەرىكتى ٴتىلشى جاڭ جيڭ حابارلايدى. ىلە اڭعارى قار - مۇز التىن ەندىك بەلدەۋىنە ورنالاسقان، قار مەزگىلى ۇزاق، قارى ساپالى، شاڭعى جولىنىڭ ٴتۇسۋ پارقى زور، شاڭعى تەپكەندە دەنەلىك سەزىنۋى جايلى بولۋمەن بىرگە، نارات، قاراجون، يۇيحۋ كولى، اققۋ كولى سياقتى ەستەتيكالىق، تاماشالاۋ جانە ساۋدالىق قۇنى جوعارى قار - مۇز ساياحات بايلىعى بار. ىلەنىڭ قىسقى ساياحاتىنىڭ تۇتاس كاسىپ تىزبەگىنىڭ دامۋىن جاپپاي ىلگەرىلەتىپ، ”ٴوتىمسىز بايلىقتى“ ”ٴوتىمدى شارۋاشىلىققا“ اينالدىرۋ ٴۇشىن، 11 - ايدىڭ 13 - كۇنى ”كورىكتى قار - مۇز القابى. باۋرامدى ىلە“ تاقىرىبىنداعى 2024 - جىلعى ىلەنىڭ مادەنيەت- ساياحاتىن تانىستىرۋ ٴماجىلىسى جىڭجوۋدا ٴساتتى وتكىزىلدى.

بۇل رەتكى قيمىلدى جياڭسۋدىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى ۇيىمداستىرىپ، ىلە وبلىستىق مادەنيەت، راديو، تەلەۆيزيا جانە ساياحات مەكەمەسى ۇستىنە الدى. قيمىلعا جىڭجوۋ قالاسىنداعى 100 دەن استام ساياحات سەرىكتەستىگى مەن 10 نان استام مەديادان 180 نەن استام ادام قاتىناستى.

تانىستىرۋ ٴماجىلىسى نارات وركەسترىنىڭ تارتىمدى كونسەرتىمەن شىمىلدىعىن اشتى، «كومەي»، «كەڭىستىك ساحاراسى نارات»، «قارا جورعا» سياقتى ۇلتتىق ەرەكشەلىككە يە كونسەرت نومىرلەرى مەن ىقپالداستىق بيلەرى الاڭدى دۋمانعا بولەدى.

ىلە وبلىستىق ۇكىمەت پارتيا باسشىلىق گرۋپپاسىنىڭ مۇشەسى، جياڭسۋدىڭ ىلەگە باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس قولباسشىسى لي جانچاۋ ارناۋ سوزىندە ناق مايدانداعى سيلى قوناقتارعا ىلەنىڭ جاراتىلىستىق كورىنىسىن، تاريحي مادەنيەتىن جانە ساياحات بايلىعىن ەگجەي - تەگجەيلى تانىستىرىپ، ىلەنىڭ شينجياڭ ساياحاتىنىڭ كوركەم القابىن بار كۇشپەن تۇلعالايتىن وزگەشە باۋرامدىلىعىن كورنەكتىلەندىردى.

قۇلجا قالاسى، موڭعۇلكۇرە اۋدانى، توعىزتاراۋ اۋدانى، تەكەس اۋدانى، كۇنەس اۋدانى جانە نارات كورىنىس رايونىنىڭ مادەنيەت - ساياحاتتى تانىستىرۋشىلارى شىنايى سۇيىسپەنشىلىك، تارتىمدى بەينەلەۋلەرىمەن كورەرمەندەرگە تۋعان جەردىڭ ەرەكشە كورىنىس تۇيىندەرىن، ۇلتتىق سالت - ساناسىن، ساياحات لەنيالارىن جانە قار - مۇز ساياحات بايلىعىن تانىستىردى.

مادەنيەت - ساياحاتتى تانىستىرۋ قيمىلىندا «تيانشاندا شارىقتاعان ٴان» بيىندە مىڭ بۇرالعان قيمىل مەن ويناقى مۋزيكا تاماشا توعىسىپ ىلەنىڭ تابيعي كوركەم كورىنىسى مەن ۇلتتىق سالت ـ ساناسىن تولىق ايگىلەدى. ەرلەر جەكە ٴانى «الما ٴيىسى» مەن «اق مونشاقتى ارۋىم» اتتى ٴبي ىلە مۋزيكاسى مەن ٴبي ونەرىن جەكە - جەكە ايگىلەپ، كورەرمەندەردىڭ قىزۋ قارسى الۋىنا بولەندى.

ٴوزارا ىقپالداستىق بۋىنىندا سيلىقتى سۇراۋ - جاۋاپ ورنالاستىرىلدى، كورەرمەندەر بەلسەنە ات سالىسىپ، ناق مايدان دۋمانعا بولەندى. تانىستىرۋ قيمىلىندا ىلە ساياحاتىن تەرەڭ تۇسىنەتىن جانە سەزىنگەن ساياحاتشىلاردى ۇسىنىس ەتىپ، كورەرمەندەردى ىلە ساياحاتى جونىندەگى اناعۇرلىم كوپ قولدانىلمالى ينفورماتسيامەن قامدادى.

«ىلە ٴسانامى» اسەم ٴبيى ويناقى ريتىممەن ناق مايداندى جوعارى ورلەۋگە كوتەردى ٴارى وسى رەتكى قيمىلدىڭ سىرگە جيارى بولدى.

”كورىكتى قار - مۇز القابى. باۋرامدى ىلە“ 2024 - جىلعى ىلە مادەنيەت - ساياحاتىن تانىستىرۋ ٴماجىلىسىنىڭ ٴساتتى وتكىزىلۋى جىڭجوۋ مەن توڭىرەگىندەگى رايوندارداعى بۇقارانىڭ ىلە جونىندەگى تۇسىنىگىن تەرەڭدەتىپ عانا قويماي، ەكى جەردىڭ مادەنيەت - ساياحات اۋىس - كۇيىسىنە دە دانەكەر بولدى. بولاشاقتا ىلە ٴوزىنىڭ مول ساياحات بايلىعىن جالپىلاستىرۋعا ۇزدىكسىز كۇش سالىپ، ٴتىپتى دە كوپ ساياحاتشىنى ساياحاتتاۋعا باۋراپ، مادەنيەت، ساياحات كاسىبىنىڭ دامۋىن ىلگەرىلەتەدى.

مادەنيەت - ساياحاتتى تانىستىرۋ قيمىلىنداعى كونسەرت نومىرلەرى.

اۋدان، قالالاردىڭ مادەنيەت - ساياحاتتى تانىستىرۋشىسى كورەرمەندەرگە تۋعان جەرىنىڭ ەرەكشە كورىنىس تۇيىندەرىن، ۇلتتىق سالت - ساناسىن، ساياحات لەنيالارىن جانە قار - مۇز ساياحات بايلىعىن تانىستىرۋدا.  

سۋرەتتەردى ىلە وبلىستىق مادەنيەت، راديو، تەلەۆيزيا جانە ساياحات مەكەمەسى قامداعان.