سۋرەتتە: قار جاساۋ ماشيناسى جاساندى جولمەن قار جاساۋدا.

ەرىكتى تىلشىلەر جاڭ باينيان، ەلشات، يۇي ميڭجياڭ، جاڭ يىڭ، لي شين حابارلايدى. تەمپەراتۋرانىڭ بىرتىندەپ تومەندەۋىنە بايلانىستى، قورعاس قار ـ مۇز ساياحات ماۋسىمىنىڭ شىمىلدىعى اشىلدى. قازىر داشيگوۋ فۋشوۋشان قار شاڭعى الاڭى جاساندى جولمەن قار جاساپ، قاتتى بولشەك قۇرىلعىلارىن جاڭالاپ، قىزمەت وتەۋ دەڭگەيىن جوعارىلاتىپ، ساياحاتشىلاردى قابىلداۋعا ازىرلەنۋدە.

قورعاس اۋدانى داشيگوۋ فۋشوۋشان قار شاڭعى الاڭىندا ون نەشە قار جاساۋ ماشيناسى ٴبىر ۋاقىتتا ىسكە قوسىلىپ، ماشينادان شىققان بۋداق - بۋداق قار ۇشقىندارى سىرعاناۋ جولدارىنا تۇسۋدە. قار جاساۋدى جەدەلدەتۋمەن بىرگە، قار شاڭعى الاڭى قازىرگى سىرعاناۋ جولىنىڭ دارەجەسىن جوعارىلاتىپ، جاڭالاپ، تۇرلىشە جاس شاماسىنداعى، تۇرلىشە دەڭگەيدەگى قار شاڭعى اۋەسكەرلەرىنىڭ قاجەتىن قاناعاتتاندىرماقشى.

ىلە فۋشوۋشان قار شاڭعى سەيىل - سەرۋەن ساياحات شەكتى سەرىكتەستىگىنىڭ سىرتقى الاڭ جۇمىسىنىڭ جاۋاپتىسى ليۋ بو بىلاي دەدى: ”قار شاڭعى الاڭىندا قار جاساۋ قىزمەتى ٴبىر جارىم ايدان ەكى ايعا دەيىن جالعاسادى، سىرعاناۋ جولدارى دا بىرتىندەپ اشىلادى، مەجەمەن ەڭ ەرتە اشىلعان سىرعاناۋ جولى جاڭا ۇيرەنۋشىلەرگە ارنالعان جول جانە 1 - ٴنومىرلى پۋنكتتىڭ باقشا جولى، قالعانى جوعارى دارەجەلى مايتالماندارعا ارنالعان جول، شىعىس رايوننىڭ قار جولى قار جاساۋ جاعدايىنا قاراي بىرتىندەپ اشىلادى“.

وسى ماۋسىمدا قار شاڭعى الاڭى قۇرىلعى - جابدىقتارىنىڭ دارەجەسىن جاپپاي جوعارىلاتىپ، قوسىمشا كارتوچكا، اپتالىق كارتوچكا، ايلىق كارتوچكا جانە ماۋسىمدىق كارتوچكا تاراتۋ ارقىلى ۇقساماعان تۇردەگى ساتۋدى جەبەۋ قيمىلدارىن جولعا قويدى، تيىمدىلىك باعاسى 314 يۋاننان 1388 يۋانعا دەيىن بولدى.

ىلە فۋشوۋشان قار شاڭعى سەيىل - سەرۋەن ساياحات شەكتى سەرىكتەستىگى تيجارات ٴبولىمىنىڭ مەڭگەرۋشىسى ديڭ لي بىلاي دەدى: ” فۋشوۋشان حالىقارالىق قار شاڭعى سەيىل - سەرۋەن ساياحات شاعىن قالاشىعىنىڭ اشىلۋى ٴۇشىن ٴبىز باتىس رايوننىڭ قار جولىن كەڭەيتىپ، شىعىس رايون جونىنەن شىت جاڭا جوبا ازىرلەپ، بارلىق شاڭعى - جابدىقتاردى جاڭادان ساتىپ الدىق، سونىمەن بىرگە، شىعىس رايوندا 3 ورتا دارەجەلى سىرعاناۋ جولىن جانە سىرعىمالى قوراپشالى اسپالى كۇيمە ورناتتىق، زالدىڭ 2 - قاباتىنداعى اس - سۋعا قىزمەت وتەۋ ورنىنىڭ دارەجەسىن جاپپاي جوعارىلاتتىق.

بيىل داشيگوۋ فۋشوۋشان شاڭعى الاڭى قار ـ مۇز ساياحاتى ويىن تۇرلەرىنىڭ جاڭا كورىنىسىن قالىپتاستىردى.

سەرىكتەستىكتىڭ جاۋاپتىسى چىن مين بىلاي دەدى: ” تيجارات باستايتىن كۇنى قار شاڭعى اۋەسكەرلەرى ەسىك بەلەتىن كەشىرىم ەتۋ تيىمدىلىگىنەن يگىلىكتەنەدى، سونىمەن بىرگە، تارتىمدى ٴان ـ ٴبي ويىندارىن تاماشالاي الادى. ناق مايداندا ماۋسىمدىق كارتوچكا، ايلىق كارتوچكا، اپتالىق كارتوچكا، قوسىمشا كارتوچكا سياقتى قوماقتى سيلىق الۋ ورايى دا بار، كوپشىلىكتىڭ اقىسىز ساماۋىر سورپاسىنان ٴدام تاتۋىن كۇتەمىز “.