گۇلدەي قۇلپىرعان ىلە

ىلە وبلىسىنىڭ 2025 ـ جىلعى كوكتەمگى ساياحاتتى تانىستىرۋ ٴماجىلىسى شىنجىندا وتكىزىلدى

سۋرەتتە: تانىستىرۋ ٴماجىلىسىنىڭ ناق مايدانى      جاڭ جيڭ فوتوسى

ەرىكتى تىلشىلەر ۋاڭ چي، جاڭ جيڭ حابارلايدى. 3 - ايدىڭ 6 - كۇنى گۇلدەي قۇلپىرعان ىلە اتىنداعى 2025 - جىلعى ىلە وبلىسىنىڭ كوكتەمگى ساياحاتتى تانىستىرۋ ٴماجىلىسى شىنجىن حۋاچياۋچىڭ جوۋجي قوناق سارايىندا اشىلدى. قيمىلدى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى ۇيىمداستىردى، ىلە وبلىستىق مادەنيەت، راديو ـ تەلەۆيزيا جانە ساياحات مەكەمەسى ۇستىنە الىپ وتكىزدى، تانىستىرۋ جينالىسى بايلىقتى تانىستىرۋ، بەيزاتتىق مادەنيەت مۇرالارىن كورمەلەۋ، ساياحات لەنيالارىن تانىستىرۋ، توراپ تانىمالدارىنىڭ ورتاقتاسۋى، ٴوزارا سەزىنۋ سياقتى فورمالار ارقىلى شىنجىن قالاسىنىڭ تۇرعىندارى مەن ساياحات سالاسىنداعىلارعا ”شالعايداعى ارمانداعى جەرمەن“ توعىستىرىپ كوكتەم سالتاناتىن سەزىندىردى.

تانىستىرۋ جينالىسى ٴداستۇرلى كوركەمونەر ويىندارىمەن شىمىلدىعىن اشتى. دومبىرا سازى ساحارا پەرزەنتتەرىنىڭ قاراپايىم سۇيىسپەنشىلىگىن جەتكىزسە، ٴتامبىر اۋەنى  قارلى شىڭدار مەن ىلە اڭعارىنىڭ كوركەمدىگىن مۋزيكا اۋەنىمەن ارلەپ جەتكىزدى، ال اسقاقتاعان تەرمە ٴۇنى بەيزاتتىق مادەني مۇرالاردىڭ تەرەڭ تاريحي تامىرىنان سىر شەرتتى. ”جاراسىمدى مەكەن“ كوپ ۇلتتىڭ جاراسىمدى بەتاشار بيلەرى الاڭدى دۋمانعا بولەپ، ”كورىكتى ىلەنىڭ“ كوپ نەگىزدى مادەنيەتىنىڭ تارتىمدىلىعىن ايگىلەدى.

شىنجىن قالالىق مادەنيەت، راديو ـ تەلەۆيزيا جانە ساياحات ـ دەنە تاربيە مەكەمەسى ساياحاتتى جالپىلاستىرۋ ـ جەبەۋ باسقارماسىنىڭ باستىعى جاڭ چي ارناۋ سوزىندە ىلە وبلىسىنىڭ ەكولوگيا جانە گۋمانيتارلىق بايلىعىنىڭ وزىندىك ەرەكشەلىگىنە جوعارى باعا بەرىپ، شىنجىننىڭ جاڭالىق اشۋ ورتالىعى رەتىندە ”جىبەك جولىنداعى مەرۋەرت“ ىلەمەن ٴبىرىن ـ ٴبىرى تولىقتاۋىن باسا دارىپتەپ، بولاشاقتا ەكى جەردەگى ساياحاتشىلاردىڭ ٴوزارا بارىس - كەلىستە بولىپ، سەلبەسىپ مادەنيەت ـ ساياحات I P ىن بىرگە جاراتۋدى ىلگەرىلەتۋدى العا قويدى.

ىلە وبلىستىق حالىق ۇكىمەتى پارتيا باسشىلىق گرۋپپاسىنىڭ مۇشەسى، جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى پارتكومىنىڭ ورىنباسار شۋجيى، ورىنباسار باس قولباسشىسى لي جانچاۋ ماجىلىسكە كەلگەن سيلى قوناقتاردى قىزۋ قارسى الدى. ول بىلاي دەدى: ىلە جۇڭگونىڭ باتىس سولتۇستىك كارتاسىنداعى جاسىل جەلەك جامىلعان، بايىرعى جىبەك جولىنىڭ سولتۇستىك ارناسىنداعى ماڭىزدى وتكەل، بۇل كۇندەرى ”ٴبىر بەلدەۋ، ٴبىر جول“ بويىنشا باتىسقا ەسىك اشۋداعى ماڭىزدى تەرەزەگە اينالعان. ىلە گۋاڭدۇڭ ولكەسى ساياحاتشىلارىنىڭ ەجەلدەن بەرى ات بايلار جەرىنىڭ ٴبىرى بولىپ كەلەدى، ىلە كوپتەگەن گۋاڭدۇڭدىقتاردىڭ سەيىل - سەرۋەن قۇراتىن، دەمالاتىن ەڭ تاماشا جەرى ەسەپتەلەدى، وسى رەتكى تانىستىرۋ قيمىلى ارقىلى شىنجىن قالاسىنداعى تۇرعىنداردى ”كوكتەمدە ىلەگە ات باسىن بۇرۋعا ۇسىنىس ەتەمىز“

”توعىزتاراۋ قىسى“ اتتى ٴان ناق مايدانداعى بارشا قالا تۇرعىندارىنا قار - مۇز الەمىنەن قاۋاشاق جارعان كورىكتى ىلەنى سەزىندىردى. 

تانىستىرۋ  ٴماجىلىسىنىڭ وزەكتى بۋىنىندا ىلە وبلىسىنا توتە قاراستى اۋدان، قالالار ”جاڭا ٴونىم + جاڭا ەرەكشەلىك + جاڭا كاسىپ كۇيى“ فورماسىمەن ىلە ساياحات كاسىبىنىڭ جاڭا جارقىن تۇيىندەرىن ايگىلەدى، ”ىلە جىرلارى“ ناق مايدانداعى كورەرمەندەرگە تاماشا ٴان اۋەنى مەن تابيعي سۋرەتتەر ارقىلى ىلە اڭعارىنىڭ وزگەشە تارتىمدىلىعىن سەزىندىردى.

قۇلجا قالاسى قاقتامالارىنىڭ جاعىمدى ٴيىسىن ساياحاتشىلاردىڭ تابەتىمەن مۇلتىكسىز توعىستىرىپ، ”بايىرعى قالا كوفەحاناسى + التىشۋار كوشەسىنىڭ گارمون سارايىنا ساپار“ سىندى  تۇرمىس كەشىرمەسىن بىرتىندەپ تانىستىردى؛ كۇنەس اۋدانى ”كوكتەم شاتتىعى“ اتتى بيمەن بىرگە ناراتتىڭ اقوزەن جايلاۋىنىڭ ماساتىداي قۇلپىرعان كوركەم  كورىنىسىنەن كوزايىم ەتۋمەن بىرگە، ”اتقا ٴمىنۋ + قازاق ۇيىندە قوناقتا بولۋ“ اتتى كوڭىلدى ساياحات جەلىسىن اشسا؛ تەكەس اۋدانى ”سەگىز تاڭبالى قالانىڭ“ يجيڭ مادەنيەتى مەن قاراجون ساحاراسىنىڭ عاجايىپ كورىنىسىنىڭ قۇپياسىن اشىپ، ”زەرتتەۋ ـ ۇيرەنۋ + فوتو“ نەگىزگى تاقىرىبىنداعى ساياحاتتى نەگىز ەتتى؛ قۇلجا اۋدانى ”المانىڭ حوش ٴيىسى“ اتتى ٴان ارقىلى 10 مىڭ مۋلىق جەمىس باقشاسىندا كوكتەمدە گۇل تاماشالايتىن، كۇزدە جەمىس ۇزەتىن اۋىل شارۋاشىلىعى مەن ساياحاتتى توعىستىرۋ نىسانىن العا قويدى؛ قورعاس اۋدانى مەن قورعاس قالاسى جەكە ـ جەكە جۇپار گۇلى القابى ەكونوميكاسىن، شەكارا اتتاعان مادەنيەتتى سەزىنۋ ساياحاتىن جارقىن ٴتۇيىن ەتىپ، جاس تۇتىنۋشىلاردى باۋرادى.   

قيمىل الاڭىنىڭ سيلىقتى سۇراۋ ـ جاۋاپ بەرۋ بۋىنىندا ىلەنىڭ كورىنىس تۇيىندەرى، ۇلتتىق سالت ـ سانا جاعىنداعى قىزىقتى ماسەلەلەر ارقاۋ ەتىلىپ، ساياحاتقا كەرەكتى جاقسى نارسەلەر مەن جۇپارٴشوپ سومكەسى سياقتى ەرەكشە تارتۋ ـ تارالعىلاردى ۇسىندى، كورەرمەندەر بۇعان تالاسا ـ تارماسا قاتىناستى.

ساياحات ەلشىلەرى وزگەشە كورىنىستەر ارقىلى مايتاۋ - كۇشار تاس جولىندا ٴوز كولىگىمەن ٴجۇرۋ، ۇلكەن قۇشتايدا جاياۋ ٴجۇرۋ سياقتى ٴتول كەشىرمەلەرىن ايگىلەپ، ”بۇل ومىردە بارۋعا ٴتيىستى ىلە كوكتەمىنىڭ ٴتىلسىم ورتاسىن“ سەزىندىردى. اياقتاسۋ ساتىندە بۇكىل الاڭداعىلار ”قارا جورعا“ ٴبيىنىڭ ريتىمىنە ىلەسىپ شاپالاق سوعىپ ىقپالداسىپ، تارتىمدى ٴبي ارەكەتىمەن قيمىل اۋانىن جوعارى ورلەۋگە كوتەردى، جينالىسقا قاتىناسۋشىلار سول جەردىڭ وزىندە: وراي بولسا، ٴسوز جوق، ىلەگە بارىپ كوكتەم گۇلىن تاماشالايمىز، - دەدى.

ۇعىسۋعا قاراعاندا، وسى رەتكى تانىستىرۋ جينالىسىندا ”گۇلدەي قۇلپىرعان ىلەدە“ كوكتەمدە گۇل تاماشالاۋ مەزگىلىندە تاعى دا كوكتەمدە قۇلپىرعان ىلە ـــ ”ىلە“ اڭعارىندا گۇل تاماشالاپ، فوتو سۋرەت ٴتۇسىرۋ ساپارى، ”ىلەگە“ تەرەڭ سۇيىسپەنشىلىك ـــ الۋان گۇلدەر جايقالعان رومانتيكالى ساپارى، ”ىلە“ جاڭالىعىن كورىڭىزدەر ـــ بالا - شاعاسىمەن گۇل تاماشالاۋ، ۇيرەنۋ ساپارى، ”ىلەگە“ بارۋ ومىرلىك ٴىس − باي مازمۇندى ۇلتتىق سالت - سانا، بەيزاتتىق مادەنيەت مۇرالارى ساپارى، ”ىلە“  جول بويى گۇلدى القاپ − ٴتۇز سالتاناتى، دالادا تۇنەۋ، ٴوز كولىگىمەن ساياحاتتاۋ ساپارى، ”ىلەدە“  شەكسىز العا ىلگەرىلەۋ ـــ بايىرعى جولدارداعى جاياۋ ساپار، ”ىلە“ شۇعىلاسى − جىبەك جولى سالت - ساناسى شەكارا اتتاپ ساياحاتتاۋ سياقتى 7 ٴىرى نەگىزگى ساياحات جەلىسىن جاريالادى.

ىلە وبلىستىق مادەنيەت، راديو - تەلەۆيزيا جانە ساياحات - دەنە تاربيە مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى چۇڭ جيڭ بىلاي دەدى: بولاشاقتا ”مادەنيەت، ساياحات +“ توعىستىرۋدى تەرەڭدەتىپ، گۇلدى دانەكەر ەتىپ، مەرەكە ارقىلى ساياحاتتى جەبەپ، ”ىلە وزەنى اڭعارىنداعى كورىكتى ىلە“ ماركاسىن ٴتىپتى دە جارقىراتا تۇسەمىز.

وسى كوكتەمدە ٴبىز گۇل اشقان جەرلەردى بەتكە الىپ، رومانتيكالى ىلەدە كەزدەسەتىن بولايىق!