حابارىن جازىپ، سۋرەتىن تۇسىرگەنٴتىلشىمىز لاي يۇينيڭ، جاڭ چيڭحۋا، ەرىكتى ٴتىلشى جاۋ يافي

2 - ايدىڭ ورتا شەنىنەن باستاپ، موڭعۇلكۇرە اۋدانىنىڭ 400 مىڭ باسقا (تۇياق) جۋىق مالى قىستاۋلىقتان كوكتەۋلىككە كوشتى، مەجەمەن 4 - ايدىڭ ورتا، سوڭعى شەنىندە كوشى - قون جۇمىسى اقىرلاسادى.

موڭعۇلكۇرە اۋدانىنىڭ مالى نەگىزىنەن اعاياز، مۇزارت جانە اۋليە شوقى وتارلارىن قىستايدى. مۇنىڭ ىشىندە اعاياز وتارىنداعى مال سانى ٴبىرشاما مول، بۇل ارانىڭ جايىلىم كولەمى 850 مىڭ مۋ بولىپ، وسى اۋدانداعى 6 اۋىل - قالاشىقتىڭ مالى وسى ارادا وتارلايدى. 

كورشى - قولاڭدارىنىڭ مالدارىن ايداپ، جىگى - جاپار كوشى - قون قامىنا كىرىسكەنىن كورىپ، بىرنەشە كۇننەن بەرى اعاياز وتارىنداعى قاراسۋ قالاشىعى سارقوبى قىستاعىنىڭ مالشىسى جۇرسىنباي قوڭقاق ۇلى دا كوشى - قون الدىنداعى ٴتۇرلى دايىندىق جۇمىسىنا كىرىستى، ول 3 - ايدىڭ سوڭىنان بۇرىن كوكتەۋلىككە كوشۋدى جوسپارلاعان. 

جۇرسىنباي بىلاي دەدى: «مالىمدى تاعى بىرنەشە كۇن قولدا ۇستاپ، سوڭىنان كوشەمىن، كوكتەۋلىككە كوشۋ الدىندا مالدىڭ ٴار كۇنگى جەم - ٴشوپ مولشەرىن كوبەيتتىم، سوندا بارىپ كوشى - قون جولىندا مالدىڭ بولدىرۋىنان، ارىقتاۋىنان ساقتانۋعا بولادى».

جۇرسىنبايدا 150 تۇياق قوي، 15 سيىر، 15 جىلقى جانە 2 تۇيە بار، ول ٴار جىلى قىستا مالىن اعاياز وتارىنا اكەلىپ باعادى. 

«قازىر وتاردىڭ نەگىزدىك قۇرىلعىلارى بارعان سايىن كەمەلدەندى، جولى دا بۇرىنعىدان كوپ جاقساردى، ٴتۇرلى زاتتاردى تاسىمالدايتىن اۆتوكولىكتەر دە وتە قولايلى» دەدى جۇرسىنباي. 

«ۇكىمەت ٴبىزدىڭ قيىنشىلىقتارىمىزدى شەشۋگە كومەكتەسەدى، كوشى - قون جولىندا ەشتەڭەدەن الاڭدامايتىن بولدىق» دەدى مالشى ماكەي مۇرات ۇلى. 

اعاياز وتارىمەن سالىستىرعاندا، اۋليە شوقى وتارىنىڭ قارى قالىڭ، دەسەدە، بۇل مالشىلاردىڭ كوشى - قون كەزىندەگى تۇرمىسىنا ىقپال ەتپەيدى، ولار وزدەرىنىڭ كوكتەۋلىگى مەن مالىنىڭ جاعدايىنا قاراي كوشى - قون جۇمىسىن ورنالاستىرادى. 

مالدىڭ كوشى - قون جۇمىسىن شىنايى ويداعىداي ىستەۋ ٴۇشىن، موڭعۇلكۇرە اۋدانى كوشى - قون جۇمىسىنا وسكەلەڭ ٴمان بەرىپ، وتارلارعا بارىپ حال سۇراعاندا، كوكتەمگى كوش جولىن الدىن الا جوسپارلاپ، تەكسەرىپ، ورىن تەپكەن ٴتۇرلى  كومەسكى قاتەرلەرگە ناق مايداندا تەكسەرۋ - زەرتتەۋ جۇرگىزدى. 

كوشى - قون جۇمىسىنىڭ العاشقى مەزگىلىندە، موڭعۇلكۇرە اۋدانىنداعى قاتىستى تاراۋلار قىزمەتكەرلەردى وتارلارعا بارىپ مالدىڭ كۇيىن، ىندەتتەن ساقتانۋ جاعدايىن، سونداي - اق جايىلىم مەن مالدىڭ تەپە - تەڭدىگىن جانە مالشىلاردىڭ تۇرمىس جاعدايىن ۇعىسۋعا ۇيىمداستىرىپ، كوكتەمگى كوشى - قون جۇمىسىنىڭ ٴساتتى جۇرگىزىلۋىنە كەپىلدىك ەتتى. 

كوشى - قون جۇمىسىن شىنايى، ٴونىمدى ۇيىمداستىرۋ ٴۇشىن، وسى اۋدانداعى ٴارقايسى اۋىل - قالاشىقتىڭ جاۋاپتى باسشىلارى، مال شارۋاشىلىق، مال شيپاگەر تەحنيكتەرى مالشىلاردىڭ جەم - ٴشوپ قورى جاعدايىن ىشكەرىلەي ۇعىسىپ، «الدىمەن ٴىرى قارانى، سوڭىنان ۇساق مالدى كوشىرۋ» سىندى كوشى - قون تالابىنا ساي، اۋماق، ٴوڭىر بويىنشا كوتەرمەگە الىپ، ارالاپ تەكسەرۋ قىزمەت ٴتۇزىمىن تياناقتاندىرىپ، كوشى - قون جۇمىسىنىڭ ٴتارتىپتى، حاۋىپسىز بولۋىنا كەپىلدىك ەتتى.

 3 - ايدىڭ 18 - كۇنىنە دەيىن اۋدان بويىنشا 200 مىڭ باستان (تۇياق) استام  مال قىستاۋدان كوكتەۋلىككە كوشكەن.

كەرەقاپتاعى قوزىلار

ٴيىن اعاشپەن سۋ تاسۋ

 مالشى وتباسى 

جەم - ٴشوپ بەرۋ

 كوش جولىندا

ماشينالاسقان كوشى - قون 

 كەشكى شاپاقتاعى جىلقى ٴۇيىرى 

وتارداعى كوكپار

تىنىستى تىرشىلىك 

كوشى - قون دايىندىعى