ساۋدا دۇكەندەرى تيجارات باستاپ، تۇتىنۋشىلار كوبەيە باستادى

قۇلجا قالاسىندا بازارلار بىرتىندەپ قالپىنا كەلە باستادى

حابارىن جازىپ، سۋرەتىن تۇسىرگەن تىلشىلەرىمىز جاڭ چيڭحۋا، ۋاڭ لىلى

 بىرنەشە كۇننەن بەرى قۇلجا قالاسىنداعى 5600 دەن استام ساۋدا دۇكەنى بازاردى باقىلاۋ ـ باسقارۋ تاراۋىنىڭ تالابى بويىنشا، جالپى بەتتىك زارارسىزداندىرىپ، رەتتەۋ جۇرگىزگەننەن كەيىن تيجاراتىن باستادى. 

11 - ايدىڭ 1 - كۇنى تۇستەن بۇرىن جاڭايات جولىندا قالا تۇرعىنى ابدۇل عاپار ۇيىنە تاياۋ ماڭداعى كوكونىس دۇكەنىنەن كوكونىس ساتىپ الدى. «سوڭعى كۇندەرى نەگىزىنەن تۇرمىستىق بۇيىمدارىمدى تولىقتادىم. دۇكەندەردىڭ ارت - ارتىنان اشىلۋىنا ىلەسە، زات ساتىپ الۋ دا قولايلى بولدى» دەدى ول. جاڭاايات جولى ىحلاس ەرەن بازارىنىڭ قوجايىنى ابدۇقادىر قاھارميجيت ٴتۇرلى جەمىس ـ جيدەك، سۋسىندىق جانە نان سياقتىلاردى ەرەن بازاردىڭ الدىنا رەتتى ٴتىزىپ، الارمانداردى كۇتتى. ول: «قازىر كوشەدە ادامدار كوبەيىپ، ساۋدام كۇسەت بولا باستادى» دەدى.

«تيجاراتىمدى قالپىنا كەلتىرگەنىمە 4 كۇن بولدى، كۇنىنە نەشە ونداعان قاريدار شاش جاساتادى، زارارسىزداندىرۋدى، قىزمەت وتەۋدى ويداعىداي ىستەۋمەن بىرگە، تۇراقتى باعانى ساقتادىق» دەدى جەڭىس جولى حاۋلاي - ۋ شىحۇي شاش اسەمدەۋ دۇكەنىنىڭ قوجايىنى شى لەي. 

دوستىق جولىنداعى نان دۇكەنىنىڭ قوجايىنى وبۇلقاسىم وبۇل بىلاي دەدى: «بىرنەشە كۇننەن بەرى كۇنىنە 5 قالتا ۇن يلەپ، 500 دەن استام نان ساتىپ جاتىرمىز، ساۋدامىز كۇسەت». 

«بىز ىندەتتەن ساقتانۋ ـ تىزگىندەۋ شارالارىن ويداعىداي ىستەۋمەن بىرگە، ماڭىنداعى تۇرعىنداردى ٴدامدى تاعامدارمەن قامداۋعا قۇلشىندىق، قاريدارلاردىڭ مولايۋىنا بايلانىستى، ساۋدامىز دا كۇسەت بولا باستادى» دەدى قۇلجا شەكارا ەكونوميكالىق سەلبەستىك رايونى رىنحى جاياۋلار كوشەسىندەگى مانشياڭ اسحاناسىنىڭ جاۋاپتىسى زىڭ چيڭحۋا.

ۇعىسۋعا قاراعاندا، 10 ـ ايدىڭ 29 ـ كۇنىنەن باستاپ قۇلجا قالاسى ەرەن بازار، كوكونىس دۇكەنى، ەت دۇكەنى، ٴدارى ـ دارمەك دۇكەنى، كيىم ـ كەشەك دۇكەنى، شاعىن اسحانا سياقتىلاردى تارتىپپەن قالپىنا كەلتىرە باستاعان. تالاپ بويىنشا تۇرعىندار 10 كۇندىك حىسۋانى قالىپتى بولعاندا عانا تۇرعىندار رايونىنان شىعىپ زات ساتىپ الۋىنا بولادى. ساۋدا دۇكەندەرى، ٴسوز جوق، ىندەتتەن ساقتانۋ - تىزگىندەۋ قىزمەتىنە قولباسشىلىق ەتۋ شتابىنىڭ تالابى مەن الەۋمەتتىك اۋماق قاراستى ورنىنىڭ باسقارۋ تالابى بويىنشا تازالىق ىستەپ، ورىن ەكىلىك كودىن ٴوتىنىش ەتىپ، حاۋىپسىزدىك جاعىنان ٴوزىن - ٴوزى تەكسەرىپ كومەسكى قاتەردى الاستاعاننان، ىندەتتەن ساقتانۋ - تىزگىندەۋدىڭ 1 - دارەجەلى قورعانۋ تالابىنا جەتكەننەن كەيىن تيجاراتى قالپىنا كەلتىرىلەدى. تۇتىنۋشىلار، ٴسوز جوق، حىسۋان بولىمسىزدىق سىپاتىن كورسەتىپ، ورىن ەكىلىك كودىن جايمالاپ، حاۋىپسىز ارالىقتى ساقتاپ، تارتىپپەن قاتارعا تۇرىپ زات ساتىپ الادى. تاياۋدا قۇلجا قالاسىندا تاعى دا كوپتەگەن دۇكەندەر ارت - ارتىنان تيجاراتىن قالپىنا كەلتىرەدى.

  جول بويىنداعى جايما 

   شاش جاساتۋ

   كوشە ارالاۋ

   كيىم - كەشەك دۇكەنى 

  شاعىن ەرەن بازار

   ناۋايحانا