ىلە «ٴسوزسىز، بارىپ كورەتىن ون ٴىرى تارتىمدى قالا» تىزىمدىگىنەن ورىن الدى توراپ اعىنى

مولشەرىن قايتكەندە ساياحاتشىلاردى باۋراۋ مولشەرىنە وزگەرتۋگە بولادى؟

ماقالاسىن جازعان ٴوز ٴتىلشىمىز لۋ جۇڭ، سۋرەتتەرىن تۇسىرگەن ٴوز تىلشىلەرىمىز لاي يۇينيڭ، جاڭ چيڭحۋا

ساياحاتشىلار قازانشى ۇلتتىق سالت - سانا ساياحات رايونىن تاماشالاۋدا

شاتتىققا شومعان قازانشى تۇرسۇنمامەت وسمان فوتوسى 

ساياحاتتاۋ دەمالىس وتكىزۋگە وزگەردى

2009 - جىلدان باستاپ قۇلجا قالالىق ۇكىمەت كوشە رايونىنداعى قۇرىلىستاردىڭ العاشقى بەت - بەينەسىن ساقتاپ قالۋ ٴۇشىن، التىشۋار ٴمالىسىن كونە قالانى قورعاۋ سيپاتتى وزگەرتۋدەگى ٴتۇيىندى نىسانعا ەنگىزدى. 2018 - جىلى دارەجەسىن جوعارىلاتۋ، جاڭالاۋ نىسانىندا التىشۋار ٴمالىسى ”باۋ - باقشالى قالا، سالت - سانا شاعىن قالاشىعى“ ەرەكشەلىگىنە يە كوشە بولىپ تۇراقتاندىرىلىپ، ”ساياحات + مادەنيەت“ تۇرىندەگى قۇرىلىستاندىرۋ، دامىتۋ ارقىلى التىشۋار ٴمالىسى تىڭ تارتىمدىلىققا يە بولدى.

بىرنەشە جىلدىق قورعاۋ سيپاتتى وزگەرتۋ ارقىلى قازىر التىشۋار ٴمالىسى كورىنىس رايونى ەرەكشەلىككە يە كوشەلەردى تاماشالاۋ، مادەنيەت كورمەسى، اۋلا ساياحاتى، ەرەكشە اس - سۋ، كوڭىل اشۋ، قولونەر بۇيىمدارىن مانەرلەۋ جانە بولشەك ساتۋ سياقتىلاردى ٴبىر تۇلعالاندىرعان كولەمدى گۋمانيتارلىق ساياحات كورىنىس رايونىنا اينالىپ، مەملەكەتتىك A 4 دارەجەلى ساياحات كورىنىس رايونى، مەملەكەت دارەجەلى ساياحات، سەيىل - سەرۋەن كوشەسى بولىپ قۇرىلدى. جۇڭگو از ۇلتتار ەرەكشە قورجاسى، جۇڭگو حالىقتىق مادەنيەت - كوركەمونەر اۋىلى (ورىس ۇلتىنىڭ بايان كوركەمونەرى)، اۆتونوميالى رايوننىڭ حالىقتىق مادەنيەت - كوركەمونەر اۋىلى (ورىس ۇلتىنىڭ بايان كوركەمونەرى)، اۆتونوميالى رايوننىڭ ساياحات، سەيىل - سەرۋەن كوشەسى، اۆتونوميالى رايوننىڭ تاريحي مادەنيەت كوشەسىن زەرتتەۋ، ۇيرەنۋ، ساياحاتتاۋ بازاسى، شينجياڭ حۋاچياۋ حالىقارالىق مادەنيەت اۋىس - كۇيىس بازاسى سياقتى داڭقتى اتاقتارعا يە بولىپ، شينجياڭ ساياحاتىنداعى توراپ جۇلدىزدارىنىڭ، ٴسوزسىز، باراتىن جەرىنە اينالىپ، بارعان سايىن كوپ ادامنىڭ نازارىن اۋدارۋدا.

تەز ساياحاتتاۋ ايالداپ ساياحاتتاۋعا وزگەردى 

قورعاس اۋدانى − ىلە اڭعارىنىڭ كىرە بەرىسىندە بولىپ، فرانسياداعى جۇپار ٴشوپ وسىرىلەتىن جەر پروۆانسپەن ٴبىر ەندىككە ورنالاسقان، كليمات، توپىراق، جارىق شارت - جاعدايى پروۆانستىكىمەن توتەنشە ۇقسايدى.

20 - عاسىردىڭ 60 - جىلدارىنىڭ باسىندا مەملەكەت قورعاس اۋدانى چيڭشۇيحى قالاشىعىمەن كورشىلەس بيڭتۋان 4 - شىسىنىڭ 65 - تۋانىندە جۇپار ٴشوپتى سىناق رەتىندە ەگۋدى ورنالاستىرعان. جارتى عاسىردان استام ۋاقىت ەگۋ جالپىلاستىرۋ ارقىلى جۇپار ٴشوپ ەگىمشىلىگى بىرنەشە شارشى مەترلىك سىناق اتىزىنان بىرتىندەپ 30 مىڭ مۋدان استام جەرگە كەڭەيىپ، بۇكىل ەلدەگى جۇپار ٴشوپ ەگىلگەن جەر اۋدانىنىڭ %95 تەن استامىن يەلەگەن. 

موڭعۇلكۇرە اۋدانىنىڭ ”جۇڭگو تۇلپار مەكەنى“ دەگەن ادەمى اتى بار، تاياۋ جىلداردان بەرى موڭعۇلكۇرە جىلقى شارۋاشىلىعىنىڭ ابزالدىعىن بەلسەنە ساۋلەلەندىرىپ، جىلقىنى تاماشالاۋ، سۋرەتكە ٴتۇسىرۋ، ٴمىنۋ، ات ونەرى، ايگىلى جىلقى كورمەسى سياقتى ساياحات نىساندارىن اشىپ، العا قويىپ، ىشكەرىلەي ۇعىنۋ، باستان كەشىرۋ ۇلگىسىندەگى مادەنيەت ساياحات جاڭا كاسىپ كۇيىنىڭ تۇرلىشە جاستاعى ساياحاتشىلاردى قامتۋىنا مۇمكىندىك جاساپ، ”كەلسە كەتكىسى كەلمەيتىن، كەتسە دە قايتا كەلگىسى كەلەتىن“ جاقسى جەر قالىپتاستىرۋعا كۇش سالدى، 30 كەزەك وتكىزىلگەن تۇلپار حالىقارالىق مادەنيەت - ساياحات مەرەكەسى موڭعۇلكۇرە اۋدانىنىڭ ساياحات - مادەنيەت تانىسقىسىنا اينالدى.

بيىل ”1 - مامىر“ كەزىندە ساياحاتشىلاردىڭ دەمالىستا ىلەنى ەركىن تاماشالاۋىنا مۇمكىندىك جاساۋ ٴۇشىن، ىلە وبلىسىنداعى اۋدان، قالالاردىڭ مادەنيەت - ساياحات تاراۋلارى مەن كاسىپورىندارى بايلىق ابزالدىعىن بىرىكتىرىپ، نازاردى دەمالىس كەزىندەگى ساياحات تۇتىنۋىنداعى قولامتالى سۇرانىسقا شوعىرلاندىرىپ، ٴتۇرلى مادەنيەت - ساياحات قيمىلدارىن العا قويدى.

قارقىن جەدەلدەتىلدى 

ٴمۇبادا تاعى دا سول الىستاعى كورىنىستى مىسە تۇتىپ، تۇتىنۋدىڭ قاجەتى مەن ساياحات بازارىنىڭ وزگەرىسىن تۇسىنبەسەك قانشا التىن ٴارىپتى ماڭدايشالىعىمىز بولعانىمەن تۇبىندە ونى جاڭبىر شايىپ، بوران ۇشىرىپ كەتەرى حاق.

باسەكە كۇننەن - كۇنگە كۇشەيگەن مادەنيەت - ساياحات بازارىندا «كوزگە ٴتۇسۋ» تەك العاشقى قادام عانا. قولايلى قاتىناس جۇيەسى، كەمەلدى نەگىزدىك قۇرىلعىلارى، الەۋمەتتىك قىزمەت وتەۋ جانە ساپالى ساۋدا ورتاسى دا تاماشا كورىنىسپەن ۇقساس ماڭىزدى ورىندا تۇرادى. 

قۋانارلىعى ىلە وزىندەگى ولقىلىقتاردى سەرگەكتىكپەن تاني ٴبىلىپ، ىشكى قۋاتتى ارتتىرىپ، جوعارى ولشەمدى يگەرىپ، جوعارى ساپانى نىسانا ەتىپ، ساياحاتقا قىزمەت وتەۋدەگى ولقىلىقتاردى ۇزدىكسىز تولىقتاپ، ساياحات بازارىنىڭ جۇيەسىن ساپالىلاندىرىپ، ساياحات بازارى ورتاسىن جانە ساپاسىن جاقسارتىپ، جوعارىلاتىپ، ساياحاتتىڭ جاڭا دامۋ ارناسىن قالىپتاستىرۋدى پارمەندى تىرەكپەن قامدادى.

اۆتونوميالى رايوندىق قاتىناس - تاسىمال مەڭگەرمەسى قىزمەت وتەۋ ساپاسىن جوعارىلاتۋ ينجەنەريا نىسانىن اتقارۋ بارىسىندا، قاتىناس پەن ساياحاتتى توعىستىرا دامىتۋ ارقىلى جول بويىنىڭ ەكولوگيالىق بايلىق ورتاسىن قورعاۋدى ىلگەرىلەتىپ، جەرگىلىكتى جاعدايعا قاراي ىستەپ، مايتاۋ - كورلا تاس جولىن دەڭگەيى اسا جوعارى ساياحات سارا لەنياسى ەتىپ جاسادى. 

ساياحاتشىلار مايتاۋ - كورلا تاس جولىنىڭ «اينالما جول» كورىنىسىن تاماشالاۋدا

ليۋ چۇنشيڭ فوتوسى 

شاتى بايىرعى جولىنداعى ەكسپەديتسياشىلار

جۇپار ٴشوپ گۇلى اتىزىندا ەستەلىك قالدىرۋ

ٴان - بيدەن ٴلاززات الۋ

ىلەنىڭ كوركەم كورىنىسىن ەستەلىككە الۋ

جىبەك جاعا داڭعىلىندا سۋرەتكە ٴتۇسۋ              ليۋ چۇنشيڭ فوتوسى 

ايگىلى قىستاققا ات باسىن بۇرۋ               ليۋ چۇنشيڭ فوتوسى

ىلەنىڭ ٴدامدى تاعامىنان ٴدام تاتۋ