قورعاس: 10 جىلدىق وزگەرىس ارقىلى اسەم كەلبەتىن ايگىلەدى

ماقالاسىن جازىپ، سۋرەتتەرىن تۇسىرگەن لاي يۇينيڭ، جاڭ چيڭحۋا (ٴوز تىلشىلەرىمىز)

كەيبىرەۋلەر 21 - عاسىرداعى ەۆروپا - ازيا ۇلى قۇرلىعىنىڭ كىندىك بەلدەۋى كارتاسىندا قورعاس شەكارادان شىعۋ مولشەرى ەڭ جوعارى جاعراپيالىق بەلگى بولۋى مۇمكىن دەگەن ەكەن، جۇڭگوداعى ەڭ جاس وسى شەكارا وتكەلى قالاسىندا ەلىمىزدىڭ باتىس بولەگىندەگى تاريحى ەڭ ۇزاق، جالپىلىق تاسىمال مولشەرى ەڭ زور مەملەكەتتىك 1 - تۇردەگى قۇرلىق جولى شەكارا وتكەلى، سونداي - اق دۇنيە جۇزىندەگى تۇڭعىش شەكارا اتتاعان ساۋدا رايونى بار.

كەزىندەگى شەكارا وڭىردەگى شاعىن قالاشىق قورعاس 10 جىلدا ەلىمىزدىڭ باتىسقا ەسىك اشۋداعى ماڭىزدى تەرەزەسىنە، شينجياڭ ەكونوميكاسىنىڭ جوعارى ساپالى دامۋىنىڭ ارتۋ ۇيەگىنە، شەكارا بويىنداعى اشۋ، ەسىك اشۋدان ۇلگى كورسەتۋ رايونىنا، جىبەك جولى ەكونوميكالىق بەلدەۋى وزەكتى رايونىنىڭ ماڭىزدى تىرەگىنە اينالدى.

”ٴبىر بەلدەۋ، ٴبىر جول“ باستاماسىنىڭ ۇزدىكسىز ىشكەرىلەي ىلگەرىلەتىلۋى قورعاستى شەكارا ٴبىرىنشى شەبىنەن رەفورما جاساپ دامۋدىڭ ەڭ الدىڭعى لەگىنە وتكىزدى، قورعاس دامۋ ستراتەگياسىنىڭ وراي مەزگىلىنە، التىن مەزگىلىنە جانە شەشۋشى مەزگىلىنە ٴوتتى. 10 جىلدان بەرى قورعاس ”ەكولوگيانى الدىمەن ەسكەرۋ، جاسىل دامۋ“ ۇستانىمىندا تاباندى بولىپ، قالا قۇرىلىسىنىڭ اياق الىسىن جەدەل ىلگەرىلەتتى، ٴبىر توپ نىسان سالىنىپ، پايدالانۋعا بەرىلدى، قالانىڭ بەت - بەينەسى شىت جاڭا تۇسكە ەندى، الەۋمەتتىك قۇرىلعىلار كۇن سايىن كەمەلدەندى، قالانىڭ وبرازى جاقسارىپ، دەڭگەيى جوعارىلادى، ”قونىستانۋعا، كاسىپكە، ساياحاتتاۋعا جايلى“ ەڭ كوركەم قالا كارتيناسى كەسكىندەلدى.

بۇل ارادا كوپتەگەن كاسىپورىن جۇلدىزىن جارقىراتاتىن ورايعا يە بولدى، اۋىل - قىستاق تۇرعىندارىنىڭ تۇرمىسى بارعان سايىن جاقساردى، سىرتتان كەلگەن شارۋاشىلىق قۇرۋشىلار ارماندارىنا قانات قاقتى... 10 جىلدىق وزگەرىس زاتتىق تۇرمىستى عانا بايىتىپ قالمادى، ونان دا ماڭىزدىسى ارىنداي العا ۇمتىلاتىن رۋحاني كۇي مەن باسەكەلەسە ىلگەرىلەيتىن جاسامپازدىق رۋح سيلادى.

10 جىلدان بەرى قورعاس ورمان ٴوسىرۋ، جاسىلداندىرۋ، ەكولوگيانى قالپىنا كەلتىرۋ، بوس جەردى قايتا جاسىلداندىرۋ جانە قالا ٴوڭىرى باقشا سۋ جۇيەسى قۇرىلىسىن كۇش سالا اتقاردى، الەۋمەتتىك جاسىلداندىرۋ، قورعاۋ اۋماعى 2 ميلليون 750 مىڭ شارشى مەترگە جەتىپ، ەكولوگيالىق قۇرىلىس، ەرەكشەلىككە يە كوشە رايونى، ليانيۇنگاڭ - قورعاس جوعارى قارقىندى تاس جولى جاسىل ٴدالىزى سياقتى 18 نىسان قۇرىلىسىن ىلگەرىندى - كەيىندى ورىندادى.

قورعاس ىشكى ولكەلەر مەن ورتالىقتاردى كەمەلدى ۇشتاستىردى. ٴبىر باسى ٴبىر ميلليارد 400 ميلليون جان سانى بار ەل ٴىشى بازارىمەن، ەندى ٴبىر باسى ٴبىر ميلليارد 200 ميلليون جان سانى بار ورتا ازيا، باتىس ازيا جانە ەۆروپا بازارىمەن تۇتاستى. توعىز جولدىڭ تورابى بولعان قورعاس ىشكى - سىرتقى اينالىمدى دانەكەر ەتىپ، جاڭا دامۋ ارناسىن قالىپتاستىرىپ، حالىقارالىق جانە ەل ىشىندەگى قامداۋ تىزبەگى مەن كاسىپ تىزبەگىن بەكەمدەدى. ”ٴبىر بەلدەۋ، ٴبىر جول“ بويىنداعى ماڭىزدى توراپ ٴتۇيىنى رەتىندە، ول باتىسقا ەسىك اشۋدىڭ ”التىن ارناسىنا“ اينالدى.

قورعاس جوعارى ساپالى دامۋدىڭ شەشۋشى كەزەڭىندە، وراي مەزگىلىندە، قامال الۋ مەزگىلىندە تۇر. مەملەكەت، اۆتونوميالى رايون، اۆتونوميالى وبلىس قورعاستىڭ دامۋىنا ايرىقشا ٴمان بەرىپ، ٴبىرقىدىرۋ ەرەكشە مەحانيزم جانە ەرەكشە ساياسات بەرىپ، ”ارنا ەكونوميكاسىنان“ ”وتكەل ەكونوميكاسىنا“ قاراي بۇرىلىس جاساۋدى جەدەلدەتىپ، قورعاس ەكونوميكاسىنىڭ جوعارى ساپالى دامۋىنا پارمەندى تىرەك ۇستەدى.

”ٴبىر بەلدەۋ، ٴبىر جولدى“ بىرگە قۇرۋ باستاماسىنىڭ 10 جىلدىعى قارساڭىندا، قورعاس بەينە جارقىراعان مەرۋەرت ىسپەتتى، جاڭا ٴداۋىردىڭ نۇر - شۇعىلاسىن شاشتى. مىڭ جىلدىق بەكەتتىڭ تاريحى مەن وسى زامانعى ەسىك اشۋدىڭ الدىڭعى شەبى ٴوزارا توعىسىپ، جۇڭگو - ەۆروپا كەزەكشى پويەزدەرىنىڭ جوعارى ٴونىمدى قاتىناۋى جىبەك جولى ەكونوميكالىق بەلدەۋى وزەكتى رايونىنىڭ قارىشتاپ دامۋىنا زور مۇمكىندىك جاراتتى. ەندەشە، ٴبىز جاڭا پاراق اشىپ، بىرگە قۇرۋدىڭ، گۇلدەنىپ - كوركەيۋدىڭ نۇرلى بولاشاعىن جالعاستىرىپ جازايىق! 

جۇڭگو - قازاقستان قورعاس حالىقارالىق شەكارالىق سەلبەستىك ورتالىعى 

قورعاس وتكەلىنىڭ التىنشى بۋىن مەملەكەت قاقپاسى 

قورعاس مەملەكەت قاقپاسى مادەنيەت كورمەسى 

تەمىر جولدا زات اۋىستىرىپ تيەۋ پۋنكتى 

قورعاس وسى زامانعى اۋىل شارۋاشىلىق عىلىم - تەحنيكا كاسىپ باقشاسى

قورعاس قالاسىنىڭ قالا كەلبەتى

قورعاس جالپىلىق قورعامالى سالىق رايونى 

جاڭالىق اشۋ، شارۋاشىلىق قۇرۋ ورتالىعى 

قورعاس ەكونوميكالىق اشۋ رايونى كاسىپ جەتىلدىرۋ ورتالىعى 

      سۋشين ورتالىعى. سۋجوۋ ونەركاسىپ باقشا رايونى ٴبىر ميلليارد 750 ميلليون يۋان قارجى قوسىپ، سۋشين ورتالىعى، سۋشين ونەركاسىپ دۇكەنى (زاۆود رايونى) سياقتى 40 تان استام كاسىپورىندى ەنگىزىپ، قورعاستىڭ سالىقسىز زات ساتىپ الۋ، فينانس سياقتى قاتىستى كاسىپتەرىنىڭ دامۋىن جەبەدى 

سۋشين قىزمەت عيماراتى 

     قورعاس سانيوۋ فۋشين فوتو ەلەكترى جارتىلاي وتكىزگىش كاسىپ باقشاسىنىڭ ٴوندىرىس سەحى 

قورعاس جيڭۋي توقىماشىلىق شەكتى سەرىكتەستىگى 

قورعاس جينحى بيو تەحنيكا شەكتى سەرىكتەستىگىنىڭ ماي ٴوندىرۋ سەحى 

باتىستىڭ گازىن شىعىسقا جەتكىزۋدىڭ قورعاستاعى قىسىمدى گاز باس بەكەتى 

سۋشين ساۋدا ورتالىعى