ماي بوياۋلى سۋرەتتەي جۇڭحۋا فۋشوۋشان تاۋىنىڭ كۇزگى كورىنىسى

لاي يۇينيڭ، جاڭ چيڭحۋا (ٴوز تىلشىلەرىمىز)

قىپ - قىزىل تۇستەر كوز قاماپ، ساپ - سارى بوياۋى مولدىرەي جارقىراپ، جاپ - جاسىل رەڭدەر قويۋلانا تۇسكەن. التىن كۇزدىڭ 10 - ايىنداعى قورعاس اۋدانىنىڭ جۇڭحۋا فۋشوۋشان تاۋى اسەم بوياۋلارمەن مىڭ تۇرلەنىپ، كوپتەگەن ساياحاتشىلاردى تاماشالاي كەلۋگە باۋراۋدا. 

كوگىلدىر اسپان، قارلى تاۋلاردىڭ ايشىقتاۋىمەن كوركەم ساحارا، مىڭ بوياۋلى ورماندى الاپ، ٴاربىر تاۋ اڭعارى، ٴاربىر تاۋ جۇلگەسىنىڭ ٴبارى دە الۋان ٴتۇستى اسەم جەلەك جامىلىپ، اعاشتارداعى وزگەشە كوركەمدىك مەنمۇندالايدى. يرەلەڭدەگەن شارباق جولدان الىسقا كوز جىبەرگەندە تاۋ اڭعارىنداعى التىن ٴتۇستى، قىزعىلت سارى بوياۋلار ايرىقشا كوز تارتادى. تاۋ باسىندا تۇرىپ تۇتاس كورىنىس وڭىرىنە كوز سالساڭىز، قىزىلدى - جاسىلدى، ساپ - سارى اعاش جاپىراقتارى مەن تاۋ قويناۋىنان جوڭكىلە تۋلاپ اققان وزەن سۋى قانىق رەڭدى ماي بوياۋلى سۋرەت ىسپەتتى كورىنەدى. 

جۇڭحۋا فۋشوۋشان تاۋى كورىنىس ٴوڭىرى دۇنيە جۇزىندەگى جابايى جەمىس تۇرىندەگى وسىمدىكتەردىڭ تابيعي گەن قامباسى، ازياداعى جابايى الشانىڭ وسەتىن جەرى، مەملەكەت جاعىنان ”جۇڭگوداعى جابايى الشا مەكەنى“ دەپ اتالعان، كورىنىس وڭىرىندە جابايى الما، جابايى الشا، جابايى ورىك، جابايى دولانا، جابايى جاڭعاقتى نەگىز ەتكەن 60 نەشە ٴتۇرلى جابايى جەمىس وسەدى. 

العاشقى قار

تاۋ سۇلباسى 

 قارداعى كورىنىس 

 اي ساۋلەسى

قاپتالداعى تاس جول

مىڭ بوياۋلى قالىڭ ورمان 

 ساعىم