ىلە وزەنى ”نيڭمىڭ“ جىل ٴولاراسى مۋزيكا مەرەكەسى جاڭا جىلدىڭ دۋمانىن اسىردى
تىلشىلەرىمىز لاي يۇينيڭ، جاڭ چيڭحۋا، مىڭ شيا
ەكپىندەي ىلگەرىلەۋگە جىگەرلەندىرەتىن اندەردە قۇلجانىڭ بايتاق دالاسىنداعى گۇلدەنىپ - كوركەيگەن كورىنىستەر شىرقالدى. 2023 - جىلى 12 - ايدىڭ 29 - كۇنىنەن 2024 - جىلى 1 - ايدىڭ 1 - كۇنىنە دەيىنگى ارالىقتا قۇلجا قالاسى وتكىزگەن ”مۋزيكا قالاسىندا باس قوسىپ، قۇتتى قىس ماۋسىمىن انگە بولەيىك“ نەگىزگى تاقىرىبىنداعى ىلە وزەنى ”نيڭمىڭ“ جىل ٴولاراسى مۋزيكا مەرەكەسى قۇلجا قالاسىنداعى چيساي الاڭىندا شىمىلدىعىن اشتى.
مۋزيكانى دانەكەر ەتىپ، جاڭا ٴداۋىردىڭ ايبىندى داستانى شىرقالدى. وسى رەتكى جىل ٴولاراسى مۋزيكا مەرەكەسىنە شينجياڭنىڭ ٴىشى - سىرتىنداعى تانىمال انشىلەر شاقىرىلىپ، ٴدۇبىرى زور بولىپ، كورەرمەنگە كەڭ تارالعان اندەر مەن جەرگىلىكتى حالىق اندەرى توعىستىرىلعان ٴان - جىر سالتاناتىن سيلادى.
ەگەيلەر جينالىپ، جۇلدىزدار جارقىرادى. وسى رەتكى جىل ٴولاراسى مۋزيكا مەرەكەسىندە افجەنني، جۋاڭ شينيان، اسقار، جاڭ لەي، ما لياڭ، ارپات قاتارلى كوپتەگەن انشىلەر ۇسىنىسپەن كەلىپ، بار ونەرلەرىن سالا ٴان شىرقادى.
وسى رەتكى مۋزيكا مەرەكەسى 4 كۇنگە جالعاستى، جالپى 20 كەزەك ويىن قويدى. تۇتاس الاڭداعى مۋزيكا مەرەكەسىنىڭ فورماسى الۋان ٴتۇرلى بولىپ، DJ، جەكە ٴان، توپتىق حور سياقتىلاردى تۇگەل قامتىدى. كەڭىستىك جاعىنان ايتقاندا، كونسەرتكە تاعى دالالىق كورىنىستە ويىن قويۋ ٴتاسىلى قولدانىلىپ، ”سيقىرلىق“ ونەرىنەن دە كوز ايدىن ەتىپ، مۋزيكا، وت جۇلدىز، شىراق نۇرى، وتتىقتى قازان داستارقانى سياقتى كوپتەگەن فاكتورلار توعىستىرىلىپ، جوعارى ورەدەگى ونەر سالتاناتىن سيلاپ، كورەرمەنگە ەڭ جاقىن ارالىقتان مۋزيكانىڭ باۋراۋ قۋاتىن سەزىندىردى.
”مۋزيكا مەرەكەسى وتە دۋماندى، اۋانى قويۋ بولدى. قىزمەتتەن تىس ۋاقىتتا كەلىپ تاماشالاپ، جەڭىلدەپ قالعانداي بولدىم“. قالا تۇرعىنى ۋ شاۋتيڭ بىلاي دەدى: جاستاردىڭ بارلىعى ەمىرەنگەن كۇيدە بولادى عوي، وسىنداي قيمىلدارعا قاتىناسۋدى ۇناتادى.
وسى رەتكى قيمىلدى جياڭسۋدىڭ ىلەگە كومەكتەسۋ الدىڭعى شەپ قولباسشىلىق شتابى نانجيڭ قىزمەت گرۋپپاسىنىڭ زور كۇشپەن قولداۋىندا، قۇلجا قالالىق پارتكوم ۇگىت ٴبولىمى، قۇلجا قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى ۇيىمداستىرىپ، شينجياڭ پۋشيڭ مادەنيەت - ساياحات شەكتى سەرىكتەستىگى ۇستىنە الىپ، قۇلجا قالالىق پارتكوم ينتەرنەت حاۋىپسىزدىگى جانە ينفورماتسيالاندىرۋ كەڭسەسى، قۇلجا ساياحات كورىنىس رايوندارىن باسقارۋ كوميتەتى، قۇلجا قالالىق ساياحاتقا قارجى قوسۋ (توبى) شەكتى جاۋاپكەرلىك سەرىكتەستىگى سەلبەسىپ وتكىزدى. مۇنداعى ماقسات − ٴان شىرقاۋ، حور ايتۋ سياقتى بۇقارانىڭ تۇرمىسىنا جاناسىمدى كونسەرت قيمىلدارى ارقىلى مۋزيكا كوركەمونەرىن جالپىلاستىرىپ، جاڭا جىل مەرەكەسىنىڭ قويۋ اۋانىن قالىپتاستىرىپ، بۇقارالىق كوركەمونەردىڭ جالپىلاسۋىن اناعۇرلىم ىلگەرىلەتىپ، بۇقارانىڭ رۋحاني مادەنيەت تۇرمىسىن بايىتۋ ٴۇشىن.
ىلە وزەنى ”نيڭمىڭ“ جىل ٴولاراسى مۋزيكا مەرەكەسى قۇلجا قالاسىنداعى چيساي الاڭىندا شىمىلدىعىن اشتى
بار ونەرىن سالعان وركەستر
ٴبىر - بىرىنە ساي كەلگەن ٴانشى مەن وركەستر
دەن قويا ٴان شىرقاۋ
تۇنگى اسپاننىڭ اياسىنداعى مۋزيكا مەرەكەسى
كورەرمەندى باۋراعان كونسەرت
انشىمەن بىرگە ٴان شىرقاعان كورەرمەن
كونسەرتتەگى كوز جاۋىن الاتىن شىراق نۇرى