ىلە وزەنى اڭعارىنداعى ميلليون باس مالدىڭ كوكتەمگى كوشى - قونى

ماقالاسىن جازىپ، سۋرەتىن تارتقان تىلشىلەرىمىز لاي يۇينيڭ، جاڭ چيڭحۋا

قار - مۇز ەرىپ، كۇن جىلىنىپ، تاعى ٴبىر جىلدىڭ كوكتەمگى كوشى - قونى باستالدى. 3 - ايدىڭ 17 - كۇنى بۇراتالا موڭعۇل اۆتونوميالى وبلىسىنداعى ىلەنىڭ الىس وتارلارىندا قىس قىرىنان امان وتكەن ٴار تۇلىك مال كوش جولىمەن كوكتەۋگە جىلجىدى، ۇزاق جول باساتىن وسى وتار كوشى سولتۇستىك تيانشان تاۋىنىڭ تارماق سىلەمىندەگى كەڭساي كوش جولى ارقىلى ىلە وزەنى اڭعارىنا ات باسىن تىرەيدى.

وتامالى وتكەننەن كەيىن ىلە وبلىسىنا توتە قاراستى قاتىستى اۋدان، قالالار اۋا رايى جاعدايىنا نەگىزدەلىپ، مالشىلاردى كوكتەمگى كوشى - قون جۇمىسىن حاۋىپسىز، ٴتارتىپتى جۇرگىزۋگە ۇيىمداستىردى. كوكتەمگى كوشى - قون قىزمەتىن ويداعىداي ىستەۋ ٴۇشىن، وبلىستىق، اۋداندىق پارتيا، ۇكىمەت ورىندارى، مال شارۋاشىلىق، مال دارىگەرلىك سياقتى تاراۋلار الدىن الا جوسپارلاپ، جان - جاقتى ورنالاستىرۋ جاساپ، كوشى - قوننىڭ ناقتى جاعدايىنا قاراي قولباسشىلىق شتابىن قۇرىپ، كوشى - قوننىڭ دايىندىق جوباسىن جاسادى. قاتىستى اۋدان، قالالار ساياساتتىق جاقتان جەتەكشىلىك ەتۋ ارقىلى ماشينامەن كوشۋدى جەبەپ، كوشى - قون ونىمدىلىگىن جوعارىلاتتى.

سونىمەن بىرگە، وبلىسقا توتە قاراستى ورىندار كوشى - قون جولىنداعى حاۋىپسىزدىكتى باسقارۋدى كۇشەيتىپ، قىزمەتكەرلەردى وتار مەن كوش جولىنىڭ ناقتى جاعدايىن تەكسەرۋگە ۇيىمداستىرىپ، جول، كوپىرلەردى جوندەپ، كوشى - قون حاۋىپسىزدىگى جاعىنداعى كومەسكى قاتەرلەردى ٴبىر - بىرلەپ تەكسەرىپ، الاستادى. ٴار دارەجەلى ۇكىمەتتەر ارناۋلى ادام جىبەرىپ، كوشى - قون قىزمەتىنە ىلەسە قىزمەت وتەپ، 24 ساعات قىزمەت وتەۋ مەن شۇعىل جاعدايعا توتەپ بەرۋ، قۇتقارۋ مەحانيزمىن ورناتىپ، كوشى - قوندا مالشىلاردىڭ ۇشىراعان قيىنشىلىقتارىن شەشۋىنە كومەكتەسىپ، ساپالى قىزمەت وتەپ، كوپ ٴتۇرلى ٴونىمدى شارالار ارقىلى كوكتەمگى كوشى ـ قون قىزمەتىنىڭ ٴساتتى جۇرگىزىلۋىنە كەپىلدىك ەتتى.

بيىل وبلىسقا توتە قاراستى ورىنداردىڭ كوكتەمگى كوشى - قونىندا بۇراتالا، بوزادىر، اعاياز سىندى ٴۇش الىس وتار مەن تاۋ قويناۋىنداعى قىستاۋلىقتاردان ٴبىر ميلليون 393 مىڭ 600 باس ٴار تۇلىك مال كوكتەۋگە كەلەدى. قازىر كوشى ـ قون قىزمەتى حاۋىپسىز، ورنىقتى جۇرگىزىلىپ، مەجەمەن 3 ـ ايدىڭ سوڭىنان بۇرىن اقىرلاسپاق.

 قورالى قوي كەڭسايعا جەتتى 

قاسات قاردان ٴوتۋ

كەڭسايداعى كوش جولى 

ارناۋلى كوش جولى 

كەشكى شاپاق 

قايتار جولدا

قارلى القاپ 

ماشينامەن كوشىرىلگەن قوي 

كوپىر استىنان وتكەن قورالى قوي 

اسقار تاۋلاردان اسۋ

بوربوسىن سايىنداعى قىزىل جىڭعىلدىڭ تۇسىنان وتۋدە

سايرام كولىن جاعالاي جىلجۋ